روايه #ذئاب_الحنين
الفصل الثالث والاربعون
بقلمي: Jawhara
*******************
** بعد الفراق أصبح كل شيءٍ بطيء . . أصبحت الدّقائق والسّاعات حارقة . . وأصبحت أكتوي في ثوانيها . . .
** في غيابك عرفت الشوق . . .
وعشت الوحدة والحرمان . .
وفي حضورك أدركت معنى الحياة . .
ونثرت البسمة فى كل مكان . .
********************
عاطت ام اسحاق من سمعت صوت انفجار والاتصال انقطع شمرت الموبايل وهي تلطم وجها وصدرها ..
_ يويل حالي يممممه اسحااااق
دخلو يتراكضون من سمعوا عياطها يردون يعرفون الصار وهي تبجي وتكللهم اسحاق راح بالانفجار انوب خبلتهم
شيخ شديد الي بقى على وكفته جان يريد يصعد الطابق الفوك تا يعرف شنهو هالصياح والهوسة من سمع مرتو تكول اسحاق راح بالانفجار وكع بالكاع لايحرك ايد ولا رجل
،، رعد ابن فاتك من شاف جدو واكع كام يبجي ويصيح جدو تعالو جدو
،،،،،
سالي ..
قبل لحظات سمعت صوتك يرويحتي يا اسحاق ،،يارب لطفك يارب لطفك
انرعبت من كلام خالتي بقيت واكفه وانا مصدومه واشوف الولد وخالتي حمدة والبنات كلهم التمو عليها وهي تلطم وتعيط
دموعي تنزل بدون ما احس بيها لأن صرت بغير عالم سندت ظهري عالحايط وغمضت عيوني وبداخلي ادعي انو يكون اسحاق بخير وسلامه يارب
فتحت عيوني من هدأت خالتي شوية وفاتك يحجي وياها يطمنها انو راح يتصل يتأكد وفعلا اتصل بجماعه طمنوه انو الانفجار قريب واسحاق بخير
ماقبل فاتك ينهي الاتصال الا يتطمن على اخوه ويسمع صوتو ورى دقايق كدرنا نسمع صوت اسحاق من فتح ابو رعد الصوت اوف يمه يرويحتي يا اسحاق الا سمعت صوتو وهو يطمنا عليه يلة ارتاحينا
نزلو الولد وبقيت يمها أنا ووردة وما نسمع الا صياح جوا ركضت وردة تشوف شكو بعد ما رجعت ،، طلعنا أنا وخالتي الي كوة تمشي بسبب الهبطه على اسحاق وانوب الهبطه الأكبر وكعه عمي سودة علية سامع عياط خالتي كلثوم ومتخربط
وعلى أساس الولد من نازلين جوة شايفينه بالكاع ورعد واكف يبجي ويصيح عليهم
بوكتها أخذوا للمستشفى ما رجعوا مسويله دخولية وفحوصات ضاربته جلطه وحالته كلش تعبانه باقي فاتك وياه وتيمور وعمتي حمدة رجعت ماتكدر تعوف بنت فاتك الي بس تبجي وحالتها مااطمن صارلها اسبوع من اول يوم طلعوها من المستشفى وانوب التهينا بالفاتحه رغم أنا ومهرة نتعاون عليها خطية إذا نشوف عمتي ماموجودة بس الطفلة ضعيفه كلش وكوة يلة تأخذ الرضعه
ام اسحاق نزلت جوة ودخلت لغرفه ام فاتك
وبصوت خايف ومليان قلق..
_ شلونو الشيخ ليش رجعتي ؟!!!
_ ضاربتو جلطه والدكتور كال حالتو تعبانه چثير
_ سودة بوجهي كلو من وراية أنا كمت اعيط وارتهب
تنهدت ام فاتك وهي تذب عباتها وتأخذ الطفله بحظنها ..
_ مدري شكول ياكلثوم بس هذا بعد وعد رب العالمين ونحمدالله اسحاق بخير
عاينت الطفله وفتحت حظينتها ..
_ اكلجن البنت ماعاجبتني اشوفها مريضة شو تعاي ام اسحاق يمي
راحت خالتي وكعدت بسدها وأخذت تبارك بحظنها ( عمتي حمدة سمتها ) اشرتلي اجيب مميتها ،، طلعت اسويلها ممة
