رواية #ذئاب_الحنين
الفصل السادس والعشرون
بقلمي : Jawhara
*******************
حبايبي 🌹 هذا البارت قراءة ممتعه واعذروني فد يومين ثلاث وراجعتلكم
******************
** بالنسبة للعالم فإنك مجرد شخص . .
لكنك بالنسبة لشخص ما . . .
قد تكون العالم كله.
** أحبك ليس لما أنت عليه . . .
ولكن لما أكون عليه عندما أكون معك
******************"
صفوان ...
_ مانرضى الا بدمو مقابل دم اخوي غير هذا الكلام ماعدنا
_ اكعد وبطل عصبية وغضب اخوك الله يرحمو هو الي عال بالرجال راحلو لبيتو واندك بي
_ هذا ما يعني يكتلو خلاص
_ صلي على نبيك واكعد
حجى شيخ شديد وأشر لصفوان الي كعد بسد أبوه
كعد صفوان وهو يستغفر وكوة مسيطر على أعصابو
الشيخ الي جاي ينوب عن أهل القاتل حجى كلام چثير وهو كلما حجى سالفه ربطها بحديث الرسول لو أية من القرآن ،،الشيوخ الي حاضرين ايدو كلامو وهمة يصلون عالنبي وآله ( اللهم صل وسلم وبارك على نبينا محمد وعلى اله وصحبه وسلم تسليما كثيرا)
صفوان شاور أبوه عالمتفقين عليه وهذا كلامو هو أما ابو صفوان رايه ينحبس القاتل وما يتنازل عنو .. صفوان دحك على ابو فاتك الي عندو علم بكل التفاصيل وباليريدو صفوان
صح اعترض وماقبل على قراره الاخير بعدها وافق من شاف إصرار صفوان وحسب لا يتهور ويسوي شي يوكعه انوب
شيخ شديد وأخوه ابو علي من جانب ابو صفوان لأن همة شيوخهم وبعدما كمل الشيخ وكف شبخ شديد وبعدما حجى مقدمه كلام موزون ووضح الي ناوين عليه وانو ما يهمهم فلوس وفصول
التفت على ابو القاتل وأشر لصفوان الي وكف يسمع شيكول شيخ شديد ولو هو يعرف لأن هذا رأيه ومطلبه ولازم يتنفذ .....
شيخ شديد وبصوت عالي واضح سمع كل الموجودين بالخيمه..
_ ابنكم يطلك مرتو وتحرم عليه ليوم الدين غير هذا الكلام ماعدنا وهذا هو شرط أهل المرحوم وتحديدا صفوان السماعيل
أهل القاتل وأبوه وچثير وجوه اعترضوا على شرط صفوان يعني لايقبل يتنازل ويريد القانون يأخذ مجراه ويريد يطلك الحرمه من رجلها
ابو القاتل زمخ بعصبية وهو يوكف بنص الخيمه ..
_ هذا لا يرضي الله ولا رسوله انت منهو تا تحرم ماحلل الله
صفوان والغيض تارسه وماطايق حتى روحو
_ وحق رب العزة ما أتنازل الا بهذا الشرط وتحرم عليه مرتو مثلما حرم اخوية ولاتخلوني احجي زايد لأن راح اهينكم أكثر وماراح ترفعون روسكم بين الناس
صفوان قصده علاقه البنت باخوه وشلون ضحكت على داود الله يرحمو وهي عدها علاقه برجلها حاليا
اسحاق جره وكعده ..
_ هدي يخوي اعصابك مفولة صلي على نبيك
جر حسرة وذبها ..
_ عليه الصلاه والسلام
صار كلام ونقاش وطلعوا بدون مابحسمون الفصل
بقو شيوخهم كاعدين ابو فاتك حجى على صفوان ..
_ مجان لزوم تخلي هذا الشرط
_ عجل اخلي بطلع من السجن يتهنى بيها لا وربي الا افرقهم واحرمهم يعيشون سوا
