ذئاب الحنين

الفصل واحد وثلاثون

رواية #ذئاب_الحنين
الفصل واحد وثلاثون
بقلمي : Jawhara
Neren alobeidy
*******************
صباحو حبايبي 🌹 جان عندي شغل ماكدرت اخلص من وكت البارت وهذا بارت ٢٥٠٠كلمه

*******************

أحببتك . . .
حتّى توقف الحب عند عينيكِ . .
أحببتك . . . .
حتّى نطقت كل قطرة من دمي بأنّي أعشقك
أحببتك . . . .
حتّى ذرفت العين دموع الخوف
إذا فكرت في بعدك . .
أحببتك حتى نسيت كل حياتي . .
وأصبحت أنت حياتي

*****************
سالي ..
تصرف اسحاق وياية يخليني اعاند أكثر رغم گلبي يرجف عليه واحبه بس يقهرني من يعاملني بهذا أسلوبه مرات أحسه يتعمد

،،،،،،،،

كاعد بالطرمه وعالطبلة حط الصقور مالته وقرب ماعون بي لحم يتغذون عليه
انتبه لرعد ابن اخوه اجى يمشي شافو تقرب بسرعه وهو يضحك وياشر عالصكر
_ عمو هذا
_ اي حبيبي هذا گناز وهذا شامخ
_ تناز
_ ههههه اي تناز شو تعال خل احبك
شلته خليتو بحظني ابوس بس من خديداته
وهو يضحك وياشر عالصكر
طلعت أمي من شافت رعد دنجت حبتو
_ هلة رعود هلة بوليدنا ،،
يول سالي جيبي من الكيك السويتي ،، تعال هينة لا ينكرك الصكر
نزلته من حظني راح يم امي التفتت على صوت سالي بيدها ماعون كيك وخلتو جدام رعد وامي الي متربعة وكاعدة والولد بحظنها
_ جيبلو شربت ببسي اذا اكو
_ يدلل شيخ رعد هههه
حطت جدامو عليه بيبسي وفاتت للمطبخ
_ يمه اسحاق شسوي بيهم بيعهم دامهن غاليات
_ ممفكر والله كلش عاجباتني
_ انت شالع گلبك اداري بيهن
_ يمه انتي شايفتهن من يطيرن جدامي ويعلكن بالسما ويترصدن الفريسة وينقضن عليها متعه وربي
_ شوف هذا الرمادي شلون وكح
_ اي هذا گناز طبعو صعب شوي راهم بس علية من بهيج أنا اهدي
_ خل اروح شوي يم ام فاتك يلة رعود تجي لو تكمل اكلك
_ لوحي أنا هنا عد عمو
راحت امي وبقيت اتفرج عليهن انتظرهن يكملن تا اوديهن للقفص
التفتت على سالي طلعت وكفت يم رعد وعينها على الصكور ،، حجيت وية رعد ..
_ رعد شنهو رايك نخلي كناز ينكر عمة سالي
رفع راسو لسالي وابتسم وحلكو مليان كيك
ردت سالي .. شحده ينكرني أكص منكاره واخلي حاير بزمانو
_ له له يالقاسية وينطيج گليبج تاذين كناز
_ الي يضوجني ويقهرني اردلو الصاع صاعين
_ تكبيررر ،، ههههههههه
_ على شنو خربت ضحك ترى احجي الصدك
_ عوفج من كلشي وتعاي هينة الزمي كناز لو شامخ
_ لا لا مستحيل
_ عجل انا وانا طلعتي بس كلام
اسحاق متعمد يلاطفها بالكلام من شافها قافلة ومقهورة حب يشاركها بالسوالف

حط ايدو تا يوكر كناز عليها إشارة يفهمها الصكر والصكار وفعلا وكر على ذراع اسحاق الي تمشى بخطوات بطيئة قرب لسالي الي رادت تنهزم من شافته قريب
حذرها اسحاق ..
_ اثبتي مكانج من تشردين يطير مفزوع تراه عصبي
ماسمعت تحذير اسحاق عبالها يداهرها ركضت بسرعه للبيت وكناز فز وهو يعقعق بصوته خلاها تخاف انتبهت لرعد بقى خانس وهالشي طمني عليه
لحكتو بالمطبخ يفرفر بجناحينو مديت ذراعي وكر عليها وأخذتو وطلعت برا هو وشامخ دخلتهم القفص وقفلت عليهم ورجعت البيت صحت رعد وديتو لبيتهم ورجعت دخلت البيت اشوف المخروعه وين راحت