رواية #ذئاب_الحنين
الفصل الرابع والاربعون
بقلمي: Jawhara
****************
هلو حبايبي 🌹 مثلما تعرفون التنزيل بين يوم ويوم ومن أحب انزل بارت هدية يصادف مرات يوم ورى يوم التنزيل لكن باقي النظام كما هو بين يوم يوم الا اني شفت لهفه المتابعات لمعرفه الأحداث وخصصت بارت نزلته الليلة رغم انو قصير ٢٣١٠ كلمه ،، اعذروني وقتي ضيق اتمنى للجميع ليلة هادئة 🌹♥️
*****************
** شوقي لك ليس مشكلة . . .
لكن تفكيري إن كنت ستعود أم لا يقتلني . .
** إذا لم تجمعنا الأيام جمعتنا الذكريات
*****************
ملك ..
كتبت رساله ودزيتها لصفوان بس شنهو دكات گلبي تضرب بصدري ،،، يمه عيني كلش قلقة من ردة فعلة
انتظرت يرد علية ماكو رد بقيت ساعة بالغرفه وكل شوية عيني على موبايلي ،،، واخيرا رد بلعت ريك وانا افتح الرساله وإقراها ..
_ ( وحق الله على كلامج هذا لا اخليج تعظين اصابعج ندم .. عجل انا مو كفو ،، طيب يملك يصير خير )
عيوني غوشت دمع خايفه من الي سويته ياربي أنا ليش دوم اتهور واتندم بعدين اوف
وانوب يهددني
،،،،،
عند صفوان الي وصلتو رسالة ملك بداية مافتحها لأن كاعد وية اهلو من فات للغرفه يمدد بفراشو فتح موبايله وقراها فك عينو الي التهمت الحروف وهو يغمض عينو على اخر حرف بالرسالة الي جان محتواها ..
_( حل عني يا اخي متريد زواج عوفني وانت الظاهر مو كفو )
كلش ضاج وقهرته هالكلمات الكاتبتهن ،،
الله يصكعج صدك انج زعطوط وعقل صغير يصير خير يابنت ياسين إذا ما اخليج تعظين اصابعج ندامة وتتمنين اصابعج تنشل يوم كتبتي رسالتج هاي
ثاني يوم الصبح سبح وبدل وأخذ سويج سيارته وطلع لحكتو امو تسالو إذا يتريك وليش طالع
_ عندي شغل مهم لزوم يكمل
_ ماصارلك يومين ارتاح يبعد امك واهلها
_ اندار عليج يمه خل اروح ما أشتهي والله
باس راسها وطلع بسيارته لجماعه عنده شغل قديم وياهم
طول اليوم وهو برا البيت بإعادة لترتيب أمور حياته مامتعود يبقى يتصفن بدون ما يشغل روحو وايضا يدبر وضعهم لأن كلش ماعاجبه وهو ناوي يغير من وضعهم نحو الأحسن
رجع متأخر لكاهم كاعدين بغرفه الخطار سلم عليهم وكعد حجى وية أبوه ..
_ يابة أن شاء الله هذا البيت ماباقين بي نهاية الأسبوع ننتقل
**************
بيداء ..
كلش مشتاكه لاهلي وسلطان مايقبل يوديني حتى بوفاة سحاب الله يرحمها أخذنا من خاطر بيت عمي شديد باتصال بالموبايل
يكول دوام والتزامات ما اكدر بقيت ساكته ما اعترضت إلى أن طفرت روحي صار شكثر مشايفتهم
بالليل كملت صلاة وبقيت بالغرفه ماطلعت باجر عندي دوام فتحت الكنتور كلبت بالملابس الجو تغير شهر الرابع هل علينا
طلعت قميص وتنورة تا شوفهم واستقريت عليهم رجعتهم بالكنتور وانا افكر إذا يقبل سلطان نطلع لبيت اهلي تا أخذ إجازة يومين من المدرسة يوم اربعاء ويصادف جمعه وراهم بعدني بهالفكرة دخل سلطان سلم علية وسد الباب زين راجع من وكت جان طالع معزوم يم صاحبه ابو كرم ( حاتم) هو وعاهد
_ هلة گليبي ،، راجع من وكت !!؟
_ ساعه عشرة ترى
_ كلما تروح عند صاحبك ترجع متأخر
_ لا هالمرة حبيت ارجع من وكت شتسوين اشوفج ملتهية
_ حضرت ملابس للدوام باجر ،،
تقربت سحبتو من ذراعو كعدنا عالفراش
_ سلطان كول اقبل عليك الله
ابتسم تك خده وهو يشوفني احلفو ورجعت بستو بخدو
_ الله الله شنهو هالحب هذا
_ تستاهلو يگليبي
خلة ايدو ورى راسي وقربني عليه باس كصتي ونزل لثم شفايفي
_ يلة انا اقبل بس شنهو رايدة مني ؟!!!!
_ وديني يومين لاهلي
سبلت عيوني وانا احظن ايدو وارفعها لشفتي أبوسها
بدون مايحجي اخذني لحظنو لمني بقوة وتنهد ..
_ تبشري يايوم تردين تا أرتب اموري وأخذ إجازة من الدوام
يا الله شكثر فرحني من وافق فدوة اروحلك اي والله ،، شرحتلو رايي بالاجازة وكال اي بعد احسن
_ يعني بعد يومين أن شاء الله مو
_ أن شاء الله ،، بس أخذ الوليدات ويانة
_ اي يروحي وإذا عمتي وملك يجون بعد احسن
_ لا محد يروح منهن بس احنا
_ اها بكيفك عجل بس كلت خطية شوية يغيرن جو
_ بالعطلة حاسب حساب نطلع المصايف أن شاء الله احنا وبيت عاهد
_ تمام براحتك
