رواية #ذئاب_الحنين
الفصل الخامس عشر
بقلمي Jawhara
**********
أبكي وحدي . .
حتى أنسى لكن لا بد من أن أنسى . .
حتى أتمكن من العيش . . .
حتى أتمكن من أن أحب . .
وحتى لا أشعر بالآلام . . .
فالحياة ليست إلا قصة مؤلمة . . .
**********
عبالي أخذ استراحه ارتاح بيها خليتوني اكتب هالبارت هذا مدخل لاحداث طشار
بعد لاتحلفوني انزل بارت ترى متعب جدا بالكتابه
تحياتي لحبايبي 🌹
**********
بيت اهل سلطان ..
_ شوكت تلتحق لو مطول باجازتك
_ أظل جم يوم ما الله يهديج وتجين وياي لبغداد حتى ملك من تخلص السنة اخذها وياي خلها تكمل كلية هناك
_ والرجال الي منتظر رد منكم شنهو ماتقبل عليه
_ أنا خليت ملك تقرر ماراح اغصب اختي اذا قبلت الله يسهل الأمر ويسعدها وإذا كالت لا. خلص عجل ابقى على حجايتي اخذجن لبغداد
_ يمه أنا هينا متعلمة على ديرتي نفهة كلش إذا خلكي ضاج اطلع لكرايبي اشوفهم هناك مانعرف أحد واخيتك كليات هينا چثير تقدم عليهن
_ والله يمه كلت هناك والوليدات السنة الجاية اسجلهم مدرسة ،، اكلج يمة ما سمعت رد ملك موافقه على صفوان لا ترى من فترة هالحجي هذا وطولنا عالرجال
_ شو حجيت وياها مرتين وتبقى ساكته هاي عندك صيحها واسالها
صاح عليها .. ملك وينج تعاي خدريلي جاي
اجت ملك وبيدها كتابها
_ تدلل هسة اخدرلك
راحت ذبت كتابها عالميز وحضرت القوري وذبته عالطباخ وبقت ساندة ظهرها عالسنك وعينها على امها وسلطان يسولفون
اجى عاهد من برا سلم وكعد عالقنفه كبالهم وسلطان وأمه كاعدين عالسجادة وكبالهم صوبة
_ شلونو صاحبك أن شاء الله احسن صار
ام سلطان سالت ابنها عاهد
_ أن شاء الله توني جنت عندو يبين احسن بس بعدهي التجبيرة بجتفو وذراعو
وين الوليدات مالهم حس
_ بغرفتك ام عزوز سبحتهم وكاعدين ماخلتهم يطلعون باردة عليهم
_ اي احسن بعد تابو مايطلعون من سالفه ياسين هههه
رد سلطان على اخوه ..
_ منجدني الله ياخذ بليسه كلت ضاع وبعد ما اعثى بي الحمدلله ربنا ستر
ملك من يمها نطت ..
_ لوما بيداء بنت شيخ يعقوب هي شافتو جان صدك ضاع ياسينو لا واليقهر يكول عمة ملك انطتني فلوس حسبالها فقير
سلطان فك عينه ..
_ لا يربج صدك هالحجي !!!!
_ اي والله أسألو. أنا كعدت احقق وياه وكلشي حجالي
_ شلون فشلة بلله
_ شنهو الفشلة صبي صغير شافتو وكاعد يبجي حسبالها فقير كول الحمدلله الي لحت على اخوها تاخذو البيت
_ اي والله يمه عفية عليها شكد حبيتها وحبيت طيبتها وانسانيتها خطية حتى بجت من شافت ياسين يبجي ،، يكول عمة ملك البنت حظنتني وتبجي
سلطان ساكت يسمع حوار أمه واخته بداخله كال ،، صح كلامهن الله بعثها تا ساعدو الحمدلله
