الفصل التاسع
بقلمي Jawhara
مساء الفل حبايبي ♥️🌹 عبالي اليوم أخذ استراحه من كتابة البارت ،، واعرف بيجن متشوقات وعلى اعصابجن تردن تعرفن باقي الأحداث. حبيت افاجئكم بهذا البارت هدية لعيون المتابعات يستاهلن والله
اشكرك تعليقاتجن الحلوة الذوق الي تدل على الأخلاق العالية ربي يحفظجن ويسعدجن أن شاء الله ،♥️♥️♥️
***********
اليحبونك بصدك لا تسلهم
وابد عن سبب حبك لا تسلهم
لمن احجي وياك عفيه لا تسلهم
احس تاخذ الروح بغير جيه
***********
صفوان يتصل على ساهر صاحبه من السماوة
_ حي الله ساهر شلونك يخوي
_ حياك شلونك انت
_ مو تمام صارت وياية سالفة واريدك توصل كلامي
_خير شنهو الصار
حجاله قبل يومين الصار وياه
_ وانت سويت الي بصالحك چا تذب روحك بالنار بس العتب على بيرغ شلون يدز شاحنه كلها أنقاض ونفايات خطرة
_ تلاحكت لروحي وإسطات وبطلعان الروح تا يخلوها ترجع مايحجزوها اتصل على بيرغ يكلي ماعندو علم عجل منهو اليدري هو انت تاجر حالك حالي متفقين على شحن اثاث شلون يوصلني نفايات وانقاض حرب
هالتجارة وياك ماريدها سديت الخط بوجهو
_ چا زعلان عليه هسة
_ اي وزعل ثجيل وصلو كلامي
_ بس بيرغ خوش زلمة ادمح غلطو يخوي يجوز مامتقصد
_ ماعلية متقصد أو لا المهم احجيلي انت شلونك مشغول هالفترة لا
_ ماعندي شي متونسين بين فترة والثانية اطلع لبادية السماوة اتصيد
_ عجل انا ليش خابرتك اريد أرتب تا نجي أنا وربعي جم يوم للصيد
_ ياهلا والله اخليكم على راسي
_ سالم راسك أن شاء الله مانضايقكم نكضيها صيد نخيم يومين وراجعين
_ وصحراء الانبار ماتكفي جايين السماوة هههههه
_ يول الأوضاع هينا مااطمن إذا ندخل زايد بالصحراء نوكع بيد الد و ا ع ش عز الله يذ ب ح ونه
_ اي الله يحفظكم جا انتظرك بس كلي شوكت تجون
_ عكب باجر أن شاء الله نطلع الفجر والجو حلو ابواب الشتا
سديته وطلعت من غرفتي اسمع صوت نسوان صحت امي الي طلعت من الهول
_ منهو عندج
_ عمتك وبناتها
_ اي حياهن الله
_ ماتجي تسلم عليهن
تا اسولف أنا وأمي طلعت تسنيم بيدها صينية الضيافة
سلمت علية والتفتت لامي ..
_ عمة كلت اساعدج
_اي بنيتي وديها للمطبخ
ضيكت عيوني وانا ادحك بوجه امي الي جرت حسرة وذبتها بدون ماتحجي
رحت سلمت عليهن وحبيت راس عمتي
الي بقت تسال بية شلونك شخبارك ليش ماتجينا شوكت تأخذ مرة
اخر شي سلمت وطلعت من البيت كله
*******
_ قبل جم اسبوع اخذتج للسوك شعندج انوب
_ عجل انا ليش ابقى ساكته ماكلك أخذني ادري بيك تبقى تحجي
_ لا تبقين ساكته ،، محتاجة شي هسة
_ اريد اجهز للطفل واروح مناك للدكتورة تا اتطمن
_ حضري نفسج اروح اصلي ونطلع
_ أن شاء الله
من طلعنا عمتي حمدة سالتني ..
_ وين العزم يمة رحمه
_ عمة اروح للدكتورة واريد اجهز جم غرض للطفل
_ خوما بيج شي اسم الله
_ شوية تعب وكلت افحص تا اتطمن لأن مارايحة من زمان
_ اكلج لاتشترين شغلات جثيرة أنا وام اسحاق متفقين نجهز وليدكم
_ تسلمين عمة أنا هم اشتري جم حاجة إذا عجبتني
_ براحتج يمه
نزل فاتك يعدل بسترته من زمان مالابس افندي بس لايك كلش عليه
_ يمه اودي رحمه للدكتورة محتاجه شي مني
_ بالسلامه يمه
بالسيارة سألني بعدما جنت صافنه ..
_ رحمه وين صفنتي !!؟
التفتت عليه مبتسمه تك خد
_ صافنه عالدنيا هاي
_ عليج بروحج گليبي انتي لاتشغلين نفسج بأمور اتعبج
