رواية #ذئاب_الحنين
الفصل الثالث والعشرون
بقلمي : Jawhara
***********
أعرف الأشجار . . .
وأعلم كم من الوقت صبرت . .
لقد كانت نبتة صغيرة . .
وتحملت وصبرت على ظروف الحياة . .
حتى كبرت وأنتجت ثمارها . .
وأصبحت مثالاً للصبر على مصاعب الحياة
**********
سالي ...
الحمدلله تحسنت حالتي بعد آخر زيارة للدكتور والجرح التئم بس باقي مرات يكرص شوي وحسب كلام الطبيب هذا دليل على تحسن واضح
رجعت انام بغرفتي واسوي شغلاتي بس ماتعب نفسي يعني شي خفيف
اسحاق اشوف فرحه بعيونه اول ما دخل وشافني بالغرفه بس ميحجي طول الوكت يراقب وهذا يخلي اعصابي تتعب
،،،،،
فتت سبحت من فترة مسابحه هيج لأن الجرح موجود وجنت اخاف يتأثر الا الف نايلون عليه
فجأة حسيت عليها يبو كلش مو وكتج شسوي يربي ماعندي احتياط خلصت اوف
نشفت جسمي وكملت لبس ولفيت شعري بمنشفه طلعت بسرعه فتت للغرفه عضيت شفتي وانا اعاين عليه كاعد عالسرير يكلب بموبايله
ماحجيت وياه فتحت الكنتور ادور حفاظه وكلي امل الكى وحدة ،، نكتت ملابسي الي مصفطه بترتيب ودورت المجرات الي تخصني
يربي شسوي كمت وسديت باب الكنتور وسحبت علبة كلينكس عالكومدي اخذت كمية وطلعت للحمام يلة موقتا هسة انزل أخذ من وردة لو خالتي
رتبت نفسي وطلعت من الحمام انشف بيدي نزلت جوة وردة جانت تقرا بالهول
_ وردة حبابة محتاجه حفوظه إذا عندج
صفنت بوجهي. شبيها هاي
_ شبيج وردة يلة عفية استعجلي
_ حفوظه شنو مافهمت
_ خرب ولج حفاظه لأن نزلت وماعندي
_ هههه سالي مدري شلون اكولها بس انا بعدني
فكيت حلكي وانا كلش محرجه
_ صدك وانا كلت راح اخذ منج يعني انتي صف ثالث متوسط و...
قاطعتها وردة بخجل واضح ..
_ يو فدوه لاتكملين انحرج ،، شوفي امي اكيد عدها ،،بس مو هسة لأن أبوية بالغرفة
_ شلون حظ شوكت يطلع
_ قبل شوية اجى ،، العصر يصلي ويطلع للمضيف
رجعت صعدت للغرفه بقمة توتري شسوي يربي هذا اسحاق لو اموت ما احجي وياه بهاي السالفة
مدد عالفراش من دخلت عينه علية ،، فتحت الكنتور ادور بالملابس اساعد نفسي مؤقتا اجى بيدي اتك عاينت عليه يرهم وانا اتذكر سوالف جدتي مرة حجت طريقتهن القديمه نسوان شلون يتصرفن
دورت مكص لكيت صغير يمكن اسحاق يقلم شواربه بي
كصكصت قطع وصفطتها ما شوف الا اسحاق فوك راسي جفلت من سألني ..
_ شسوين !!؟؟
بلعت ريك اهدي نفسي واضم الاتك الي واضحه حمالات الصدر يبو شنو هالموقف البايخ أنا ناقصه مواقف
_ ماجاوبتي شسوين ؟!!!!
_ شغلة تخصني
مد أيده يسحب المكص وذبه عالميز ورجع يريد يأخذ البيدي
_ تا شوف شنهو هذا.
عطت مرتبكه واحس نزلت دورتي والله ..
_ لاااا عفية جيب خل اروح للحمام
عكد حاجبه وهو يرجع الوصل القطعتها
بقيت فترة بالحمام وطلعت واني احس خدودي نار من الخجل فدوة ربي الا بهيج موقف تخليني هسة أنا شلون اعاين بوجه اسحاق
بلعت ريك وانا ادخل الغرفه راسي بين رجلية
نشفت شعري ومشطته وسويته ظفيرة لأن طويل يصل لحد خصري ،، اخذت مرطب دهنت ايدي ورجلية ولبست جواريب الجو بارد وبطني مغصتني اكره نفسي اول وثاني يوم لأن جسمي يتعب فعلا
لبست روبي ورحت كعدت عالسرير بدون ما التفت لاسحاق اخذت موبايلي راسلت زوجه عمي بيرغ طمنتها عني من سالتني اخباري وعرفت اخبارهم وصيتها تسلملي عالكل ،، بقيت اكلب بالكروب فاتت فترة وانا ملتهية وهو ملتهي بموبايله ،،فجأة جفلت من سألني اسحاق يمكن متعمد أو يريد يتأكد ...
_ ماشفتج صليتي
مصيت شفايفي وعاينت عليه ،، نظرة ماكرة تخللت عيونه
_ صليت
_ احلفي !!!
عينه على شفايفي الي زميتهم بقوة وتقرب خلة رأسه على فخذي وبيده موبايله فاتح يوتيوب
رجع كمل كلامه وراسه ضاغط فخذي سببلي قلق وتوتر بهذا القرب
_ ماكو داعي للخجل الله يعينكم النسوان
