#ذئاب_الحنين
الفصل السابع عشر
بقلمي: Jawhara
********
ﻻ شيء يأتي صدفة كل شيء مقدر ومكتوب من الله ان كان خيرا فمنه وان كان شرا فمن انفسنا
********
ساكت وكاتم غضبي اريد اصل البيت تا العب لعب ،، بكيفهم زوجوني ومسويلي عرس
انتبهت عالبنت مابطلت نشيج طول الطريق
وانا مارديت عليها عايفها ولا ادري عن هوى دارها إلى أن طفح كيلي واحس سوسة تنخر بدماغي من اسمعها تشاهك وتبجي زمخت بيها بغضب
_ اشششش ولا نفس الله يغربلج مثلما غربلتيني
اخيرا انفجرت بالكلام وبصوت مخنوك بسبب البجي طول الوكت
_ أنا الضحية موش انت انا الي انفرض علية شي مجنت أتوقعه فوك ما مظلومة تجي تحجي علية الله ياخذني الله يموتني واخلص من هيج عيشة
خففت سرعه السيارة بعدما جنت طاير بيها ارد اصل البيت وطبكت على جهة من الطريق
التفتت عليها حالتها حالة عيونها وارمه من البواجي يمكنها ايام هذا حالها بس دموع
لفيت عليها وعيوني تجدح نار غضب هي من شافتني لزت جسمها بين المقعد والباب
أشرت باصبعي عليها ..
_ انتي كلج مصيبة وكعت على راسي والا أنا اسحاق اخذج بدون معرفه ولا ادري شنهو المصايب الوراج الله يعلم شعندج وياه تا يدخل عليج الحمام يتحرش بيج
نترت بية ادافع عن نفسها ..
_ الزم حدك ياويلك تطعن بية افتهمت انا بريئة وانت شفته هو تحرش بية ،، الله ياخذكم كلكم وياخذني واخلص من هالدنيا
زمخت بيها ..
_ اكلللللي وحلللللل وانطمي أنا ماشفتو بس سمعت صريخج وهو اجى وراية مدري ملعوب منكم اثنينكم الله اعلم
سالي وبصوت شحنته بكل الالم والقهر والظلم الي وقع عليها ردت عليه ..
_ حسبي الله على من ظلمني حسبي الله
سكتت ولفت رأسها لجهة الشارع وهي اتجر حسرة
اسحاق تعب بعد ماله خلك يرد عليها شغل سيارته وطلع بيها
،،،،،
سالي ..
والله احس روحي بكابوس وكل شوية اكرص جسمي اريد افز واصحى منه من ساعة الي عقدولي على هذا الي كاعد بسدي وينافخ كانو كاتلة أبوه ،، حسيت حياتي انتهت أنا شنو الي اعرفه عنه رجال غريب من غير محافظه وبعيدة عن البصرة حياتي ارتبطت بي ياربي دخيلك شنو الذنب الي سويته بحياتي حتى هيج يصير بية والله ما اذكر مسوية ذنب حياتي كلها ماشية عدل حتى سوالف ماصخة ماعندي ليش هي الي عدها عم مثل بيرغ تكدر تتصرف بكيفها
عاتبت عمي ورى ما راحو الزلم وبقيت ابجي
يكلي عمي لمصلحتج أنا أشوف شي انتي ماتشوفينه
ام نصار قنعتني وبقت تحجي وياية وتهدي بية وانا قافله ودموعي على خدي. رادتني اروح للسوك تشتريلي ملابس وغراض ماقبلت راحت هي وعمي اشكال مشترين كله هذا مو بعيني
وقبل بيوم اخذتني للصالون كالت مايصير لازم ترتبين روحج وتجهزين وتنظيفات وترتيبات
بالليل اباوع جدتي ساكته وعينها علية أنا ما احجي وياها ساكته لأن حيل ادقني بالحجي وتغلط على امي
من اجت ام نصار تكلي نامي من وكت لأن الفجر تطلعين يجي رجلج ياخذج حتى توصلون من وكت عمج وصاني
اجت جدتي ودنكت باستني تكلي هاي بوسة من ترحين أنا نايمه
حظنتها وبقيت ابجي وهي حظنتني وباست راسي تكلي صيري قوية يابت لاتنخرعين
