مساء الفل 🌹 لعيون متابعاتي واخواتي الحلوات
اليوم حبيت انزللكم مقطع لاحداث لاحقه يشغل أفكاركم لأن احب تعليقاتكم وتوقعكم للأحداث
انتظروا بعد جم سنه يولو يابة
*******
بغضب اعمى عقله خلاه يفقد اخر ذرة من الهدوء الي محتفظ بي ،، شوفتها اجتت نار جانت خامدة وايقدت شرار بجمر مازال محتفظ بلسعة حرارته
أيده أطبقت على عنقها الابيض وضغطه وصوته يعلو بزمجرة شر ناوي بيها
يسمع اعتراض صبي بعمر صغير ما اهتم من اول ما فتحله الباب دخل البيت وهو يدورها بعيونه من صارت بوجهه تقرب وسحبها ايدو ضاغطه بقوة خلتها تكح مختنكه تطلب النفس
صرخ بيها وعيونو اطك شرار
_ ذبحج على أيدي يرحمه ولج أنا الشيخ فاتك تخليني أصير علج بحلوك العالم ولج سنين وانا ادبرلج واكول مريضه خالتها تهتم بيها وعاض جرحي وساكت
دمعت عيونها ونزل يسري على خدها الابيض الي صار احمر
ضربها سطرة بقوة جفه وبعدها بين ايديه مسيطر عليها
الصبي صرخ من شاف امو هذا حالها هجم على فاتك يضربو ويبجي
_ عوف امي عوفهااا
ضربات صغيرة من ايدين صبي ما يتجاوز الثمان سنوات وصوت البجي وهو يكول عوف امي خلة گلبو يرجف بين ضلوعه ،، حنينه وخيالاته دوم يحظنه لصدره ويشم ريحته العطرة ياما مرت عليه ليالي نهشت گلبو وروحو ذكريات وهواجس غرست مخالبها بروحو تا تخليه يأن بحنين متواصل لشوفتهم الي انحرم منها ياما تخيل كيف راح يكون شكل وليدو من يكبر ،، حس لسعه بطول جسمه وايدو تركت رحمه الي وكعت بالكاع تبجي بصوت مخنوك
التفت على الصبي وجره لحظنو رغم اعتراض وممانعه الثاني الي بعده يبجي على أمه
قفله بحظنه وهو ينزل للكاع يثني على ركبو
وبصوت شرس موغل بالحنين متروس حنين الى درجة الانفجار بالبكاء
شهك بقوة وهو يشم ركبه وخد الولد ويطبع بوسه قوية ..
_ عيون وروح ابوك اندار عليك يبوي ياكل هلي وعشيرتي يمحمد
*******
دخل وقفل الباب التفتت برعب ورجعت خطوات ورى
سحب عكالو وشمر شماغو تقرب عليها وضربها على ظهرها لسعتها الضربة خلتها تصرخ متأذية ممتحمله الوجع والالم رجع يضربها مرة ثانية وثالثه إلى أن تعب عافها وطلع وهو يقفل الباب
_ افتح الباب اريد امي افتح الباب
التفت على صوت محمد الي صعد يركض يلهث من سمع صريخ امو
فاتك جر حسرة وذبها وهو يعرف راح يزيد كره هالولد بسبب الجاي يسوي بأمه
صار اسبوع معاقبها يومية يدخل الغرفه الغ ياذيها يلة يطلع يريد النار الي بگلبه تطفى
نتر بي بصوت قوي .. الشيخ يعلي صوتو على أبوه
صفن محمد يفرزن كلام ابوه
_ امي ماتمد ايدك عليها انت متحبها
ابتسم فاتك بمرارة واضحه وهو يأشر بإصبعه عالغرفه ..
_ امك هاي هي المرة الوحيدة الي حبيتها ماحبيت لاقبلها ولا بعدها
_ ليش تضربها عوفها خل نرجع لبيتنا
_ مالكم بيت غير هذا البيت افتهمت
_ انت تاذي امي وتخليها تبجي
_ عجل أن عفتها تبقى وما تعترض
_ شنو
_ تبقى عندي انت وليدي حالك من حال رعد
وامك تبقى وهذا الباب هاك المفتاح افتحوا
انت صاحب البيت ورأيك يهمني
محمد رد بقوة .. امي ماتمد ايدك عليها
سحبه لحظنه ودنك باس راسو .. مثلما تريد
يصير
******
