ذئاب الحنين

الفصل الاحد عشر

الفصل الاحد عشر
بقلمي : Jawhara

********
أتعلمين ما الخطأ الذي نقع فيه دائماً؟!
هو أن نعتقد أنّ الحياة ثابتةٌ،
وأنّه إذا اتخذنا في طريقنا رصيفاً معيّناً
يجب أن نعبره حتّى النهاية،
ولكنّ القدر خياله أوسع منا بكثير،
ففي اللحظة التي تعتقدين فيها أنّك في وضع لا مخرج منه،
وعندما تصلين إلى القمة النهائية لليأس،
يتغيّر كل شيء في قبضة الريح،
وينقلب كل شيء، وبين اللحظة والأخرى تجدين نفسك تعيشين حياةً جديدة.

********
صفوان ..
بعدما طلعت من البيت فكرت منين أخطب صح بنات ربعنا جثيرات والنعم منهن ما اجت على بالي الا اخت عاهد ويمكن ما ينطوها عمرها صغير مدري عنها كل الاعرفه تدرس بعدها
اتصلت على عاهد اريد احجي وياه كال انتظرك بالبيت
وصلت بيتهم وتلكاني عاهد ودخلنا المضيف
سولفنا أمور عادية وانا بداخلي مقرر احجي وياه
_ اكول ابو عزوز أنا كبل ما كون صاحبك اعتبرني رجال ويريد يشوف رايك بي
قاطعه عاهد .. صفوان انت والنعم منك خويي وصاحب وعضيد
_ عجل إذا أخطب منكم تنطوني !!!!
انتجيت على قنفه التخم وعيني عليه اشوف شنهو رده أنا الصراحه إذا رفض عادي ماراح اهتم بس لشغلة وحدة راح احتار منين أخطب انوب
_ عن نفسي اكول اجتك المرة واتشرف بيك صدك تحجي وين الكى لأختي رجال يعزها ويصونها مثلك وشي ثاني راح تصيرلي نعم النسيب
صافن بكلامو أريده يكمل ماقاطتعو
_ بس يخوي لازم اشورهم خصوص اختي وسلطان الي ماراح يرضى ،، صفوان انت تدري شكد عمرها
_ لا والله كل الاعرفو عدكم اخت صغيرة
_ اي ومدللة البيت نحبها ونعزها چثير
وما اضمن سلطان يقبل
_ عجل انت قبلت
_ أنا اخيك وصاحبك واعرفك مثلما اعرف راحة ايدي ،، خل احجي وية سلطان وارجعلك خبر
_ عجل كلو إذا تحججت بدراستها ماعندي مانع تكمل بس نمشيها خطبة اول شي
_ هذا اول شرط يحطو سلطان اهم شي دراستها
_ ماكلتلي هي بيا صف تدرس
_ سادس ادبي
_ أن شاء الله تفرحون بنجاحها
_ أن شاء الله
ترخص صفوان وطلع ومعاهد راح للبيت وعقله انشغل بطلب صفوان
مراح يحجي جدام أهله مايريد ملك تسمع خل يتصل بسلطان يحجي وياه
،،،،،،،،
سلطان من اتصل عليه عاهد ..
_ انت شلون تكلو موافق اختنا بعدها خل نفرح بنجاحها مو زواجها لاحكين على هالشي يخوي
_ ابو ياسين أنا كلتلو رايي بي بس مانطيتو موافقتنا وهو يدري بهالشي ويدري لازم اخذ حجاية منك
_ اي بس المفروض من اول جان تسد مايها بعبرتها
_ صفوان ماعندو مانع ينتظر لما تكمل يكول خلها بس خطبة بينما تكمل أن شاء الله
وترى صفوان والنعم منه انت ماتعرفه مثلما اعرفو أنا هذا صاحبي من احنا صغار
_ الا اعرفو ليش أنا وين عن صفوان صح شغلي يحكم علية ابعد بس اتواصل واعرف الاخبار بالديرة
_ والله يخوي اكول فكر ورجع خبر وترى هو مامتوازي تكدر تكول يحجز البنت لروحو
حتى لحد يهوب عليها
_ عاهد خل بعدين أنا ارجعلك خبر والأهم من هذا كلو راي ملك إذا رفضت لاتلح عليها
_ أن شاء الله
_ شلونهم الوليدات خوما مضوجيكم
_ افا والله ماشين دايركت همة وجهالي ههههه ،،، لاتشيل همهم يخوي تطمن
_ تسلم يبو عزوز يلة سلملي على الكل أن شاء الله هالاسبوع انزل يعني نهايتو أنا يمكم
_ ترجع بالسلامه