احداث لاحقة ...
للتشويق حبايبي 🌹
انتظرك يخوي قريب على مدخل الرمادي
سديته منو وذبيت موبايلي وفركت وجهي افكر شسوي
رحمه كاعدة بعيد وابنها بحظنها غافي ماسمعت صوتها بعد
كعد محمد وكام ياشرلي بيده ويصبحني أخذته بحظني بقيت العب وياه واسولفله
طلعنا على أساس انتظر فاتك كال جايك انتظرني بمكان تأخر دكيت عليه ماكو رد حطيت الموبايل جدامي
محمد اسمعه يبجي اشرتلها لرحمه تسكته مايسكت
تعال عمو ،، أخذته منها لزيتو لصدري واحجي وياه ..
_ ليش عمو حبيبي يلة هسة أنزل اشتريلك
نزلت وهو بحظني
اعترضت أمو بخوف واضح .. وين ماخذو جيبه
التفتت خزرتها ..
_ شبيج حسستيني اخطفو الولد متنحس وضايج خل أنفه عنو وتاشوف محل اشتريله
تلفتت لمحت جمبر صغير ييبع رحت اتمشى عليه
،،،،
بالمستشفى بعدما تعبت سحاب اضطربت اخذها واترك سالفه رحمه مؤقتا دامها بامانه اسحاق أنا مطمن عليها هي وابني
حيل انخبصت بحالة سحاب حالتها خطرة حسبما كالت الدكتورة
ميساء ،،
بالغرفه الي حجزها فاتك تا تبقى سحاب بالمستشفى
التهى وياها دك موبايله وهو ماموجود راح يتطمن على سحاب أخذوها يسوولها فحص
سونار
عرفت لكاها لرحمه بسبب اخوه وعلى أساس ينتظرونه تا يروح يجيبها
الله ياخذج يرحمه ولا اخليج تتهنين على حساب راحه اختي
اخذت الموبايل وفكرة شيطانية انزرعت بمخي كتبت رساله قصيرة ورسلتها انتظرت تم الارسال تا احذفها اكيد وصلت لأن قبل شوي جان الموبايل يرن من نفس الرقم مكتوب اسحاق
بقيت افكر بسرعه خاف يرجع يتصل شسوي يربي شسوي طلعت البطارية وذبيتها بالزبل ورجعت الموبايل وانا اجر نفس طويل
عدلت حجابي وطلعت اشوف وين صاروا بالممر اجى يمشي فاتك بخطوات سريعه
_ ها بشر
_ دخلوها عمليات حالها مايساعد ،، وينو موبايلي تا اتصل عالبيت
_ مدري مو جان بيدك
دخل الغرفه شوي وطلع عصبي أنا انخطف لوني وكلبي يدك سريع ارتاحيت من كال
_ طافي يمكن خلص شحن ومامنتبه عليه
طلعت موبايلي ..
_ اتصل منا
،،،
رنة رساله وصلت لموبايل اسحاق باوعت هو ماكو ابتعد سحبته وفتحته رساله من فاتك گلبي رجف وانا اقرا المكتوب
فتحت عيوني بصدمه مستحيل لا لا شلون هيج يحجي ويهين بية
دموعي نزلت ماكمت اشوف شي حسيت الدنيا اسودت بعيني ايدي على وجهي ابجي بحركه انهاريت وانا اقرا كلامه
وتريد ترجعني شلون وانت دازلي هاي الرسالة
انفتحت باب السيارة محمد يضحك فرحان بالحلويات بيده بعلاكه مخليهم أخذته بحظني واسحاق كعد بمكانه حجى وياي من ماسمع اي رد التفت شافني منهارة ابجي بصوت مخنوك
سال بقلق واضح .. شبيج خيتي ام محمد كولي يا الله هسة ماتحسين الا وفاتك وصل
صحت بحركة حتى ابني فز ..
_ شلون وليش تا يجي وهو مو بحالي شيسوي يرجعلي وهو طلكني وهسة كاتب مالها رجعه وو بعد كلام چثير يغث
فر جسمه علية أنا كاعدة ورى
_ انتي شتكولين شوكت هيج كال عجل ليش ماحجيتي قبل
أشرت على موبايله .. أقرا اقرا رسالتو وانت تعرف
فتحت موبايلي مصدوم بالكلام المكتوب ماصدك والله ماصدك فاتك هيج يسوي
اتصلت بسرعه عليه مغلق كررت الاتصال وماكو رد بعده مغلق
اضطربت اشغل سيارتي واطلع لابو غريب لبيت خالة رحمه لأن ظلتنا هينا خطرة
،،،،،،
