روايه #ذئاب_الحنين
الفصل الثامن والاربعون
بقلمي: Jawhara
*******************
مساؤ فل حبايبي 🌹
هذا البارت هدية وبعد باجر أو يومين تحديدا لأن جدا مشغولة والله ،،،، انزل لكم بارت جديد بي نقله للأحداث وكيف يعثر فاتك على رحمه
كرزن هسة بهذا بينما ينزل البارت القادم
*******************
**أحبّك . . .
وبداخلي ألف نبضة تخاف فقدانك
**تبكي سراً . . . وتضحك علناً . .
تلك هي الأرواحُ التي أرهقها الحنين
*******************
اسحاق وصفوان ..
_ يا هلة وچثير الهلة والله من اتصلت وكلت أنا هينة بالسليمانية ماصدكت شلونك مشتاكلك يخوي
_ وانا چثير افكر بيكم شخبارك انت والأهل
_ نحمدالله
بعدما تبادلوا السلام وكلمن يسأل صاحبو عن احواله ،،صفوان ساله ..
_ شلونو شغلكم مرتاحين بي ؟!
_ ماكو شي يجي بالسهل يخوي الحمدلله الأمور طيبة
_ اذا تحب تشتغل وياية أنا حاضر
_ مشكور يخوي ادري بيك ماتقصر ،، ماكلتلي جاي ونسة لو شي ثاني
_ تعال خل نتعشى بالمطعم واحجيلك
_ لا ماكو روحه للمطعم عشاك عندي بالبيت
_ لا والله نتعشى هينا من زمان ماطلعنا وكعدنا بروحنا يلة اسحاق لا ادك عناد
_ عجل انا ادفع انت اليوم ضيفي
_ ههههه لا بالله تطلب الي بنفسك وحسابك واصل
_ وانا اكدر اردك يلة خل نتوكل
طلبو الاكل وكملو العشا وهمة يتناقشون باحوالهم وحجالى صفوان انو باقي على عمله بتجارة السلاح واجى للشمال يتفق على صفقه جديدة وباقي اسبوع ويرجع
_ شوكت ماحبيت تشتغل وياي اتصل علية
_ صفوان انت متعود من سنين أنا ما اكدر خليني يشغلنا أنا واخوتي متعودين عليه وعدنا امل نرجع للرمادي ونعيد كلشي تدمر
_ يارب
،،،،
بقيت اسبوع كملت شغلي وبهالاسبوع اسحاق عزمني عالغدا ابيتهم وراها عزمني قتادة عالعشا وبقى عندي يوم كضيته ونسه تندمت لأن ماجبت ملك وياي يمكن لأن تونست بروحي جان المفروض اجيبها تا نتونس بس بوكتها ماكدرت ماردت اعوفها بالفندق لوحدها واطلع أرتب شغلي الي جاي علمودو خفت عليها لهذا عفتها ماسالتها تحب تجي وياي لو لا ،، بس الحين وانا بالمصيف افتر وادحك عالعوائل الي تتونس تندمت
اتصلت عليها لأن البارحه جنت حاجي وياها
تطمنت عليها لأن هالايام عدها دوخه وتتقيء مبين حملها صعب
_ هلة ملك شلونج
_ الحمدلله شخبارك وشوكت ترجع !؟
_ مشتاگتلي مو
_ مكانك خالي
_ ليش متكولين مشتاگتلك !!!!!!
_ هممم اسبوع وانت تتونس مافكرت تأخذني وياك
_ والله على بالي توني جنت افكر بيج كلت لو جايب ملك بس وين اعوفج بوحدج واطلع اكمل شغلاتي صدك اخاف عليج
_ يلة عجل تعوضني
_ تبشري لزوم هالشي ،، اكلج شتسوين الحين !!
_ مددة بفراشي نعسانه
_ بعد وكت عالنوم
_ صايرة اتعب وانام والله
_ نوم الهنا ،، محتاجه شي اجيبو من ارجع باجر باذن الله راجع
_ سلامتك
_ أنا اشتريتلج شغلات حلوة أن شاء الله تعجبج
_ تسلم ،، اا صفوان ؟؟!
_ يانعم !
_ بيك شي متغير !!؟
_ هههه ليش شنهو مثلا برأيج ؟؟؟!!!
_ مدري احس اسلوبك احلى ونفسيتك مرتاحه أن شاء الله دوم
_ التقيت بربعي ولد آل صايل وكعدنا سوالف وذكريات حسيت براحه وياهم
_ اي مابيها شي ،، وشوكت ترجع أن شاء الله !!؟
_ باجر اطلع ،، يلة راح انهي الاتصال إذا تحتاجين شي منا دزيلي برسالة ،، تصبح على خير
_ تلاكي الخير
سديته ورحت اتمشى لسيارتي شغلتها ورجعت للفندق كلت انام من وكت تا اصحى مبكر الصبح وارجع لبغداد
