رواية #ذئاب_الحنين
مقتطف من الفصل الواحد وخمسون
بقلمي : Jawhara
*******************
رحمه ..
انفتحت الباب ودخل محمد علية فاك عيونو الي تحومي على جسمي ،، والله ماخلي يشوف انكساري ابتسمت بوجهه ورفعت شعري لميتو كبوبه وكفت وانا الالم يلسع بروحي اخ يوجع يربي
_ تعال يگلب امك ونبضها حظنته على كيفي لأن جسمي كلو يون علية كعدت وياه عالفراش
_ يمه بعد أبوية مايقفل عليج الباب هاج المفتاح خلي عندج
مسحت خدو وأخذت المفتاح ..
_ انداريت عليك يمه ،، حبيبي تروح للمدرسة باجر ترى ازعل عليك
_ عجل انتي قريني جنطتي بغرفة جدتي
_ تبشر من عيوني
بقى عندي بالغرفه مانزل هو يسولف وانا استمع لسوالفو كلها على يومياتو هينة
حسيت محتاجة حمام تا أسبح وارتاح بس لزوم ارطب جسمي بزيت زيتون تا يخف الالم
_ حبيبي انزل لعمتك مهرة كللها امي تريد زيت الزيتون
نزل محمد وانا كمت اخذت ملابس ومنشفه حطيتهم بالحمام انتظرت يرجع اخيرا اجى وبيده علبه زيت اخذتها ووصيته يدير بالو على نفسه أنا ادخل أسبح
نزل جوة وانا دخلت الحمام وسديت الباب
نزعت ملابسي وفتحت العلبه حطيت على جسمي وكعدت على تختة مرمر بالحمام بداية حسيت بالم بس ورى دقائق بدى يخف وإحساس بالراحه بدى يسيطر على جسمي
تاخرت بالحمام لأن الزيت يبقى فترة بجسمي تا أرتاح
جفلت من انفتحت الباب لفيت راسي تا شوف وحاوطت جسمي بذراعي
غمضت عيوني مقهورة من شفتو دخل علية جان بس بالدشداشة فاتح دكمها وبرم ردانو
كزبر جسمي من جف ايدو مسحت متوني تأثرت بحركته هاي وبجيت حظني برقه وباس راسي شهكت بعبرتي ..
_ جاااااا ي. متأخرررر
_ من قهري يرحمه يولي سنين مو يوم ويومين
_ شوف جسمي كل ذرة منو تاجعني
مسح ظهري وذراعي وحسيت طبع بوسه بنص ظهري
خل اساعدج ادهنو بالزيت
أخذ زيت وبقى يدلك متوني وظهري وانا ساكته مرات احس بالالم من يضغط على مكان الضرب ومرات احس براحه
رديت بصوت ناصي ..
_ خل أسبح صار ساعه بالحمام
عافني وطلع وانا كملت سبح ونشفت جسمي ولبست كلبية قماشها ناعم وطلعت الغرفه
جان بعدو موجود وكفت مشطت وتعطرت ورحت مددت بالفراش نمت على بطني تا أرتاح احس عينو علية بس ما اهتميت اندكت الباب ودخلت مهرة سمعت صوتها بدون ماشوفها مالي خلك اكوم خل ارتاح جايبة صينية غدا حطتها وراحت
_ رحمه اكعدي تا شوف
_ عوفني بحالي كافي السويتو بية شتريد مني
_ زين ما ذبحتج على سوالفج عجل تنهزمين يولي وتخلين الوادم تتهامس علية ترى تصرفج ارعن ،، خلص عاد عقابج انتهى وما اكدر بعد ااذيج
_ ماقصرت اذيتني چثير
سحبني من الفراش وانا احتجيت متوجعه ..
_ انتي الي اذيتيني يولي طعنتيني يرحمة بنص گلبي من أنهزمتي ااخ ولج مرت ليالي عيني مانغفى وانا بالي عندج افكر بيج انتي وابني
بلعت ريك وانا بداخلي انطي حقو لأن هروبي عار يعتبر عليه وانا ماجنت بوعي وعقل مثل هسة جنت خايفه من كلشي ،، بس مو هيج يعاقبني
حجيتلو خوفي وقلة حيلتي وهو حاظني وساكت يسمع دنجت من باس خدي ..
_ يلة تعاي تغدي وبعد لاتفكرين باي شي يكدر الخاطر
كعدت تا اتغدى دخلو محمد وراه رعد الي بقى واكف بالباب يستحي يدخل
حسيت بعطف عليه صحتو
_ تعال حبيبي ليش واكف عندك
دخل وعينو علية ابتسمت بوجههو رغم الالم الي بجسمي
محمد يحجي وية أبوه وواضح صايرة ميانه بيناتهم مو مثل اول ايام
اخذو فلوس من فاتك تا يرحون وية عمهم اسحاق يطلعهم للأسواق همه وابنو صقر
نزلو وأنا اكلت لكمتين بعد ما أشتهي
رحمه اريد اسالج ..
_ ليش لبستي نقاب
صفنت بوجهو وانا اتذكر كلام خالتي ،،
البسي نقاب يمة ماريد العين عليج وانتي بنت حلوة
حجيتلو بس ماذكرت اسم اسلم لأن ما اضمن ردت فعله
يبين ارتاح للسىالفه بعد ما سألني شي
بالليل حالتي فدنوب صارت صخنت ورغم مدري منو يسويلي كمادات فتحت عيني وشفت فاتك ونظراتو كلها قلق علية
اسمعه يتصل بصيدلاني لأن يكلو راح أمر عليك حظرلي علاجات محتاجههم نص ساعه وأمر عليك
عافني ونزل ورى شوية صعدت عمتي تطمن علية كعدت بسدي وانا نايمه على ظهري رغم الالم
_ سودة علية يمة هسة فاتك يجيب علاج ويرجع
_ وينو وليدي
_ جوة بغرفه مهرة هو ورعد
********************
