روايه #ذئاب_الحنين
الفصل الثاني والاربعون
بقلمي: Jawhara
******************
** كانوا حولي ومعي في الحياة . .
على قائمة الانتظار . . .
يتحدثون معي . . .
عن فراق المقربين في حياتهم . .
وبعد العودة مرة أخرى . . .
رحلوا عن حياتي . .
وبقيت وحدي . . . .
في حالة من الحزن والألم . .
أحاول الحفاظ على بقايا مشاعري المحطمة . . .
**أصعب أنواع الحزن . .
هو الذي لا نستطيع التعبير عنه بالكلمات ونكتفي بقول . .
أشعر بالألم ولا أعلم بسبب ذلك . .
وأنت على علم تمام بما يحزنك . .
ويزيد من شعورك بالانكسار.
*****************
فاتك ..
الدكتورة كالت حالة سحاب خطرة ولزوم تكمل فحوصاتها والسونار تا يدخلوها عملية لأن أي تأخير مو لصالحها ،، والله الوضع الي انا بي يقهر احير بيمن افكر بسحاب والخطر الي محاوطها لو برحمه ووليدي الي همة بنص الخطر گلبي رف عليهم وما أنكر هالشي رحمه وابني گلبي محترك عليهم وانا جاي أكابر بقيت مربط الايدين بسبب وضع سحاب وانا جنت ناوي ارجع مستحيل اعوفهم الا تخبلت وانوب أبوية حالتو انتكست بسبب طلعتنا من الديرة وبسبب رحمه الي اختفت منعرف عنها شي بقينا نلوم بأرواحنا وطول الوكت نحجي بهاي السالفه إلى أن زمخ أبوية من جانت امي تحجي هية وخالتي كلثوم ام اسحاق كاللهن ممنوع تحجن وتكولن شردت والله أن سمعت كلمه طالعه من هالبيت كل وحدة الزمها الباب واهججها لاهلها سكتن بعدما جابن طاريها
وانا احرك بروحي حرك راح اتخبل ،،
رجعت للمستشفى راح يدخلون سحاب للعمليات
بغرفتها الي حجزتها بالمستشفى دنكت عليها اطمنها وهي رفعت راسها ولزمت ايدي تتوسل
_ ابني امانه بركبتك فاتك دير بالك عليه
انقهرت عليها خايفه من العملية ..
_ كولي يا الله أن شاء الله تطلعين بسلامه
_ أن شاء الله
دخلت الممرضه فحصت الضغط الي جان مامستقر وكالت يستقر يلة تكدر نأخذها لصاله العمليات واحتمال تتأخر عمليتها
دك موبايلي فتحته بسرعه وعيني عليهن هي واختها وجوهن مغلتمه..
اسحاق يتصل بية بشرني راح يطلع من الرمادي ولزوم ارجع تا أخذ رحمه وابني
وعدته راح اطلع من السليمانية ولزوم ينتظروني لأن عملية سحاب واريد اتطمن عليها وارجع للرمادي ،،
كلتلو انطيني احجي وياها كال ماتقبل ،، سديته وانا أتأمل تكمل العملية تا ارجع اوف أنا شيصبرني أنا وهذا الندم الي اكل گلبي اكل يعني جانت أبيت ابوها من رحت ادورها عجل شلون مافتحت الباب شلون بقت ساكته وما كالت هذا رجلي خل اطلع اطمنوه اوف يرحمه شلعتي گلبي وگلبج
عند اسحاق ..
_ انتظرك يخوي قريب على مدخل الرمادي
سديته منو وذبيت موبايلي وفركت وجهي افكر شسوي
رحمه كاعدة بعيد وابنها بحظنها غافي ماسمعت صوتها بعد
كعد محمد وكام ياشرلي بيده ويصبحني أخذته بحظني بقيت العب وياه واسولفلو وهو منطلق يدردم مرات كلمات مفهومة والباقي ماافهمو
