رواية #ذئاب_الحنين
الفصل الثامن عشر
بقلمي: Jawhara
**********
* *أحياناً نتمنى أن تكون أحلامنا حقيقة . .
وأحياناً نتمنى لو كانت حقيقتنا حلماً
بعض الأحزان لا تحتاج حلولاً . . .
هي فقط تحتاج لكف صديق
يربت على كتفك . . .
يقول لك: أنا أشعر بك.
،،،،،
* *في منتصف الليل أحب وحدتي . . . بالرغم من أنها معتمة، وباردة، . .
توقظ ذكرياتي وصفحات قد أتلفت . .
************
جنت احجي وية ام نصار اتصلت تطمن علية ،، سديته منها من انفتحت الباب ودخل اسحاق ،، بدون تفكير ضميته للموبايل ورى ظهري
خزرني وتقرب وهو يسالني ..
_ ويامن جنتي تحجين
رديت بكل برود ..
_ مرة عمي بيرغ
حك لحيته وتقدم خطوات قريب علية كلش انا بدون وعي مني رجعت ورى ظهري صار للشباك
مد أيده يريد الموبايل
_ جيبي خل اشوف
ماحبيت نظرته ولا نبرة صوته المغلفه بنوع من الشك
_ ماراح تشوف شي يخصني هذا كلت مرة عمي خابرتني مامجذبة عليك
انخرعت من سحبني بسرعه وقوة أيده بركبتي كضها بيدة تكول كماشة حديد حسيت أصابعه دخلت بجلدي ،،، رفع راسي واصابعه ضاغطتني ..
_ جربي مرة ثانية تقلين ادبج وشوفي الي اسوي بيج ،، جييييبي الموبااايل
أخذه مني وهدني بسرعه رجعت لزيت ظهري عالبردة وعيني عليه كعد على طرف السرير وفتحه يكلب بي ويهز براسه ماعاجبه مبين
رفع رأسه وياشر بإصبعه على موبايلي ..
_ شدعوة هلكثر كروبات مشتركه
بلعت ريك وانا أتوقعه يريد يفرمت جهازي لو يأخذه مني
_ كروب بنات
_ اي تا شوف ،، هاج
مده الية اجيت أخذته ورحت كعدت على جهة تنفست بعمق وبقيت مدنكه راسي وموبايلي بحظني رفعت راسي جان صافن علية بعدها طلع من الغرفه
تنفست براحه وشمرت موبايلي عالكومدي والله كلت راح الجهاز لو تفرمت يلة خل اتطمن شوية انو مراح يعترض
اسحاق ..
من شفتها ارتبكت حسبالي عدها شي بالموبايل وانوب تعاندني متقبل أخذه كلت هاي ضامه شي وتخاف من كعدت أفتش بي ماكو شي يخليني اشك رجعته وهي راحت كعدت على جهة منزلة رأسها وشعرها نزل غطى وجها
طلعت من الغرفه على أساس اروح اشوف شغلي وأمر للكاع بعدين امي من عرفت نيتي حجت علية شلون عريس وطالع والناس شيكولون ،، خلتني اهون ورحت للمضيف كاعد أبوية وجماعة خطار جايين
بقيت وياهم إلى أن تغدو وراحو من بقينا أنا وأبوي سألني
_ شلونها مريتك
رديت وانا احسب لسؤال اخر ...
_ زينة ما عليها خلاف
_ عجل كوم روح ليش مكابلني وانت عربس ماصارلك يوم
_ اكول يابة عندك نسوان اثنين عايفهن بحدهن عجل بس تحجي علية
_ ههههه ومنهي شكتلك ام اسحاق اعرفها والنعم منها ماتطلع منها حجاية والا ام فاتك ام گلب الطيب
_ والله هنيالك ضامنهن يبوي وتدري ما تطلع منهن حجاية
_ عجل ،، تربات ايدي وانت يوليدي مريتك هلت هالله بيها
_ أن شاء الله يابة يلة اترخص منك محتاج شي مني
_ غالي يبوي ،، سلامتك
رجعت البيت بس امي ووردة كاعدات بالمطبخ تيمور دوام كلية بعده ما راجع
_ تعال اكعد خوش كهوة وردة سوتها تا اصبلك
كعدت بسد امي وصبتلي فنجان شربته
_ عاشت ايدج
_ عافية
تلفتت ادحك سالي ماكو اكيد بالغرفه ،، امي انتبهت رأسا حجت ،،
_ وردة صيحي مرية اخوج تجي تتكهوى ويانه
راحت وردة شوية ورجعت وياها سالي
بصوت هاديء سلمت وكعدت بعيد عن إسحاق
صبتلها وردة فنجال كهوة
_ تفضلي شغل ايدي هاي الگهوة لا تعيبين عليها
شربته وانطتها الفنجال ..
_ تسلمي طيبة بس ناقصها قرنفل تضبط أكثر
_ هلو يعني انتي عندج خبرة عبالي بس اني
_ عمي بيرغ يحبها وانا دوم أحضرها خصوص من يجونه ضيوف
_ عجل اليوم بالليل انتي سويها وخل امي واسحاق الحكم بيناتنا ههههه
_ لا يرويحتي اكيد انتي رابحه
_ ياه وليش بللة !!؟
_ بنتهم متعودين على طعم كهوتج يجوز مايحبون طعم الغريب
