رواية #ذئاب_الحنين
الفصل الثاني والعشرون
بقلمي : Jawhara
************
أحياناً يَغلق الله سبحانه وتعالى أمامنا باباً لكي يفتح لنا باباً آخر أفضل منه . .
ولكن مُعظم الناس يضيع تركيزه ووقته وطاقته . . .
في النظر إلى الباب الذي أغلق
بدلاً من باب الأمل . . .
الذي انفتح أمامه على مصراعيه
*************
ارق التحايا للمتابعات الراقيات وتعليقاتهن الارقى احب اقرا تعليقاتكم واتونس بيها فعلا
وبودي أخذ استراحه يوميا أقرر هالشي لكن من اشوف تفاعلكم والتعليقات استمر بالكتابة
لكن اليوم فعلا تعبانه ومرهقه من الكتابه لذا أخذ استراحه يومين اجدد نشاطي ...
حبايبي 🌹 ربي يحفظكم ودمتم بألف خير
♥️♥️🥰
************
دخلت البيت ساعه ثنتين من الصبح طلعت اليوم عندي شغل وية صفوان وجان موصيني عالصكر مالتو اخذته وياي
سلمت على امي ووردة كاعدات بالمطبخ. وسالت على سالي
_ شلونها اليوم !؟
_ تبين احسن بس ماقبلت تاكل
_ ليش عجل الابر والعلاج مو يحتاج تغذية
_ والله يمه توسلت بيها اكلت لكمتين وبطلت
وتوني عفتها نايمه
_هسة اشوفها
_ كومي وردة حضري غدا لاخوج
_ تغديت عد صفوان بس سويلي كهوة
_ تدلل هسة أحضرها
فتت لغرفه وردة فتحت الباب بهدوء ودخلت
عليها نايمه ،،
سديت الباب وكعدت بسدها عالفراش سحبت أيدها حظنتها بين ايدية ومسدت عليها ادحك بوجهها مصوفر والعيون تحتهم سواد وخلال هال جم يوم جسمها ضعف صارت انعم من السابق ،، تنهدت ورجعت أيدها وكمت اريد اطلع فتحت عيونها بدون ما تميز منو وياها بالغرفه ..
_ اريد ماي ،، وردة
دنكت عليها ومسحت على رأسها ..
_ خل اجيبلج اكل واجي
رمشت بعيونها مستوعبة وجودي وياها بالغرفه
_ ماريد منك شي
_ ليش يولي شنهو تموتين روحج من الجوع
_ ياريت ميته
_ استغفر الله ،، أنا طالع وخل وردة اجيبلج اكل
طلعت وصيت امي توديلها بيد وردة. وخل يجبرنها تاكل
_ يمه تعاند شسويلها
_ اجيربها لخاطر الله شفتي وجها شلون اصفر وذبلان
_ هسة أنا اوديلها وبيدي اوكلها
_ طال عمرج يمه
حضرتلها صينية صغيرة وراحت الغرفه وتبين اكلت وأخذت علاجها طلعت ام اسحاق وعافتها هي ووردة الي كعدت تقرا
سالي حست روحها شوية احسن من اكلت وأخذت العلاج
ردت الحمام نهضت على مهل وبحذر طلعت من الغرفه وردة سالتها إذا تحتاج مساعدة
_ اجي اساعدج
_ لا يرويحتي مشكورة
*********
_ يروحي فديتك والله شوفي شلون يفتح حلكو يريد يمص اصبعي
_ لا يولي طلعي اصبعج خطية
_ رحمه عليج الله خل أخذه بغرفتي انومه
_ تلعبين بي طوبه لا عيني ابني مامستغنية عنو
_ ابن اخوية ترى وآلية حصة بي لا ااشكيج لفاتك
_ اكول مهرة جيبي وليدي بعده وينو مامكمل الاربعين يوم روحي على رعودي شحلاته ويفرح من واحد يلاعبو
_ رعودي من الصبح راحو لخواله متشوفبني حولت على محمد هههه
_ عجل ديري بالج عليه اروح اكوي ملابس أبوه
،،،
الظهر ورى الغدا صعدت لغرفتي محمد نام حطيتو بفراشه
وفتت للحمام سبحت وطلعت وبقيت بغرفتي كلت ما أنزل هل امدد شوية
انتبهت على موبايلي كل شوية يضوي ويصل اشعار فتحته واصلتني رسالتين والرقم غريب ماعندي هيج رقم دورت بسجل الارقام مموجود
بلعت ريك وانا اقرا شكد ادبسزز ،، منهو هذا يعرفني ويعرف حتى غرفتي فوك اجيت ارد برسالة ارزلو تذكرت فاتك إذا يعرف شيخلصني ومنهو يفكني منه
حذفتهن وذبيته وانا عقلي انشغل بهاي الرسالة والكلام الي بيها صخام بعيني لو طايحه بيد فاتك والله يموتني
