اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بديت بخط شغل جديد وية تاجر تعرفت عليه من أهل البصرة وجان لازم اطلع للبصرة وهذا الصار وبقيت اسبوع بيها كملت ورجعت جنت رايح بسيارتي طبكتها يم الباب ونزلت سلمت عليهم وامي تلكتني حبيت رأسها وايدها _ شلونج يمه مشتاكلج يرويحتي _ يمه أنا ميته على شوفتك ليش تاخرت _ يلة كملت شغلي .. شكو ماكو أبوية اخوتي وينهم _ كاعدين بالهول ذبيت جنطتي عالقنفه جنت جايب شغلات مناك كلت لامي طلعهم دخلت سلمت وكامو بوجهي سلمو علية ،، قريت الوجوه موهية مثلما رحت كعدت بسد أبوية _ خير يابة شبيكم ،، وانتم ازور وعادل شبيكم
أبوية كال .. _ ارتاح شعليك بيهم _ غير اعرف الصاير تا أرتاح عجل داود وينو
رد ازور وعينو على ابوي .. _ بالمركز موقفينه صارت عركة وضارب ولد على راسو بحديدة وبالمستشفى الولد _ لا يالاغبر وخوما حالتو خطرة الولد _ صوابه ثجيل بعد مدري باجر نزورهم أبوية ساكت جن ابالو حسبة _ هسة غير اعرف السبب هيج ضربو بدون سبب تنهد ابوي وحط ايدو على ذراعي .. _ متعاركين على بنت صخم الله وجيههم اليسالني شاحجي مالي وجه بين العالم
_ رحت حجيت وية أبوه يكول ابني ما أتنازل عن حقو رجعت وباجر أخذ شيخ يعكوب والشيخ أبو فاتك نروح نزور الولد ونحجي وية ابوه
ام صفوان كاعدة وساكته تخاف تحجي يكب بوجهها رجلها ويبقى يحجي عليها ويذب اللوم عليها لأن ظلت ساكته وتستر على داود ازور يدري باخو يحب البنت وجانو حاجين بسالفتها قبل فترة وهم ساكت ماراد يفضح اخوه لاتروح تجي عيطه ورزالة من ابوهم ماجان متوقع توصل هالمواصيل ويطلع واحد ثاني بحياة البنت ويتعاركون عليها
التفتت على صفوان الي واضح عليه العصبية هو طبعو هيج من سالفة ماتعجبو يعصب وغضبو يصعد جان لازم يدري خاف يسمع من الناس ويعاتبني خل احجيلو تا يشوف حل لأن أهل البنت واصلهم طشار وهاي صعبة عليهم بيها سمعة ناس حجى ازور وفهم اخوه واهلو كمز صفوان وزمخ بأزور .. _ شلون تسكت جان من بدايتها حجيت الله يغربلكم انت واخوك الي طايح يتمعشك وجابلنا البلا والمصايب التفت أبوية على امي .. سهام انتي تدرين بسالفة ابنج _ كال لاتحجين وانا سكتت ،، البنت يكول عاجبتني واهلها ناس طيبين اصل وفصل وهي تدرس وياه بالكلية زمخ بيها ابو صفوان .. _ لاتخبلوني انتي وولدج شبيكم ياهو تسأله كال داود لاتحجي من انعل ابو داود لابو الخلفو خل الكفو الا اكطع عكالي على جلدو
