ဘဝႀကီးဟာဘယ္ေလာက္ခါးခါး ဒါဟာကိုယ့္ဘဝဘဲမို႔ က်ိတ္မွိတ္သည္းခံရင္း ရွင္သန္ခဲ့ရသည့္အခ်ိန္မ်ားလည္းရွိခဲ့သည္။ နန္းစံသည္းခံရမည္၊ နန္းစံရဲ႕မိခင္ေရာ သည္းခံၾကရမည္။ ေဒၚဝင္းမာကေတာ့ ဒုတိယအိမ္ေထာင္ကိုကြဲလိုက္ဖို႔ လုံးဝကိုမေတြးထားတဲ့ပုံပါဘဲ...၊ နန္းစံကေတာ့ရင္တထိတ္ထိတ္နဲ႔ အေမ့ကိုသာသနား၍ေနပါေတာ့သည္။
နန္းစံဘယ္လိုလုပ္ရင္ အေမ့ကိုေပ်ာ္ေအာင္ထားႏိုင္မလဲေတြးမိသည့္အခ်ိန္ ေခါင္းထဲမွာအေၾကာင္းအရာတစ္ခုသာ ထင္းခနဲေပၚလာပါသည္။
အို....သားသမီးတစ္ေယာက္ ပညာတတ္ႀကီးျဖစ္ရင္ မိခင္ေတြဘယ္ေလာက္ေတာင္ ဂုဏ္ယူရလိုက္သလဲဆိုတာ...၊ နန္းစံငယ္ငယ္ကတည္းက အေမဟာသူ႔အပူနဲ႔သူမို႔ နန္းစံအတြက္အခ်ိဳ႕တာဝန္ေတြ လစ္ဟင္းခဲ့ရေသာ္လည္း နန္းစံအတြက္ေတာ့အေမသာျဖစ္တာမို႔ သားသမီးတစ္ေယာက္အေနနဲ႔ ကိုယ့္မိဘကိုယ္စိတ္ခ်မ္းသာေအာင္ ထားခ်င္မိပါသည္။
အဲ့ဒါနဲ႔ဘဲနန္းစံစာႀကိဳးစားသည္၊ နာက်ည္းေလေလ....ခံျပင္းေလေလ....၊ စာကိုဖိလုပ္သည္။ ဒီထက္အမ်ားႀကီးပိုက္ဆံေတြရွာႏိုင္တဲ့အခါ ေလာကငရဲကေနလြတ္ေျမာက္ေအာင္ ကူကယ္ေပးခ်င္သည္။ တစ္ေယာက္ေယာက္ကိုမမွီခိုရတဲ့ဘဝမ်ိဳးကို နန္းစံလိုခ်င္မိသည္။
ရက္စက္ၾကမ္းၾကဳတ္ေသာဖခင္ေပၚလည္း မမွီခိုခ်င္သလို ေပ်ာ့ညံ့ေသာမိခင္ေပၚလည္း မွီခိုမႈကင္းမဲ့ခ်င္သည္။
အဲ့လိုနဲ႔ႀကိဳးစားလာလိုက္တာ....ေနာက္ဆုံးမွာေတာ့ ႀကိဳးစားမႈရဲ႕အသီးအပြင့္ေတြကို ကိုယ္တိုင္ခံစားခြင့္ရခဲ့ပါသည္။
ဆယ္တန္းေအာင္စာရင္းထြက္တဲ့ေန႔....၊ အဲ့ေန႔ကအေမအိပ္ေတာင္အိပ္ရဲ႕လားမသိ၊ ညကတည္းကမ႐ိုးမ႐ြျဖစ္ေနခဲ့တာ မနက္ေနေတာင္မထြက္ေသးတဲ့အခ်ိန္ တစ္ေယာက္ထဲေက်ာင္းကိုသြားၿပီး ေျခလွမ္းအမွားမွားနဲ႔ျပန္လာခဲ့သည့္အခ်ိန္....။
"သမီးေရ....သမီးေလ...ငါးဘာသာနဲ႔ေအာင္တယ္တဲ့....."
အဲ့ဒီစကားကိုတဖြဖြေျပာရင္း နန္းစံကိုဖက္ၿပီးငိုလိုက္တာဆိုတာ နန္းစံကိုယ္တိုင္ေတာင္ မ်က္ရည္က်မိတဲ့အထိပါဘဲ...။
YOU ARE READING
Runaway my Aurora:
Romanceချစ်ခြင်းမေတ္တာဆီကနေထွက်ပြေးရမှာမဟုတ်ပါဘူး၊ အတိတ်တွေဆီကနေ ထွက်ပြေးဖို့လိုတာပါကွယ်...၊ Aurora အလင်းတန်းတွေဟာ တောက်ပဖို့အတွက် လောင်ကျွမ်းစရာမှမလိုတာ...။ အကယ်၍နှစ်သန်းပေါင်းတစ်ထောင်မှာ တစ်ခါ လိုအပ်တယ်ဆိုရင်တောင် လောင်ကျွမ်းခံမယ့်သူဟာ ကိုယ်ဘဲဖြစ်လိုက်မယ...
