Chapter 5
အနုပညာရှင်တို့၏ လက်ထောက်များကို အကြမ်းအားဖြင့် သုံးမျိုး ခွဲခြားနိုင်ပေသည်။
နံပါတ် ၁။ အတွင်းရေးမှူးလိုမျိုး အချိန်ဇယားကိုပဲ စီစဉ်ပေးရတဲ့ သာမန်လက်ထောက်
နံပါတ် ၂။ ပရိုမိုးရှင်းဆင်းဖို့၊ ကြေငြာဖို့၊ လူထုဆက်ဆံရေးနဲ့ တစ်ခြားကိစ္စတွေအတွက် မားကတ်တင်းဆင်းပေးဖို့အပြင် မန်နေဂျာအဖြစ်ပါ တာဝန်ယူပေးရမယ့် လက်ထောက်
နံပါတ် ၃။ အစားအသောက်၊ အဝတ်အစား စတဲ့ နေ့စဉ်ဘဝတွေကိုပါ လိုက်ပြီး ဂရုစိုက်ပေးရမယ့် နာနီပုံစံ လက်ထောက် ...
စီမံကိန်း ရေးဆွဲခြင်းနှင့် မားကတ်တင်းဆင်းပေးရမည့် လက်ထောက်အတွက် လိုအပ်ချက်မှာ ပိုမိုများပြားလှသော်ငြား တစ်ချိန်တည်းတွင်ပင် ၎ကသာ နောင်ရေးအတွက် အကောင်းဆုံးအလုပ်ဖြစ်သည်။ ထိုအလုပ်မှတစ်ဆင့် မ်ားစြာ လေ့လာသင်ယူနိုင်ကာ ရှောင်ကျားရှုကိုယ်တိုင်ကလည်း စီမံခြင်းနှင့် မားကတ်တင်းဆင်းခြင်းကို ပိုမိုစိတ်ဝင်စားလှသော်ငြား လိုအပ်ချက်များကို ဖတ်လိုက်ရချိန်တွင်မူ အနည်းငယ် တုန့်ဆိုင်းသွားမိတော့သည်။
စီမံကိန်းနှင့် မားကတ်တင်းဆင်းခြင်းဆိုင်ရာ လက်ထောက်တစ်ဦး ဖြစ်လိုပါလျှင် ဦးစြာပထမ ပွဲစဉ်ပွဲရပ်များနှင့် အထိအတွေ့ ရှိနေရမည့်အပြင် ပရောဂျက်ရေးဆွဲရေးနှင့် လူထုစည်းရုံးရေးတို့လည်း အရည်အချင်း ပြည့်ဝရမည်ဖြစ်သည်။ ထို့အပြင် ပုံနှိပ်ထုတ်ဝေသော မီဒီယာများနှင့် အင်တာနက်အရင်းအမြစ်များစွာကိုလည်း ထိန်းချုပ်နိုင်ရမည့်အပြင် ထက်မြက်သန်မာကာ ယုတ္တိကျသည့် အတွေးအခေါ်ကိုလည်း ပိုင်ဆိုင်ထားရန် လိုအပ်သေးသည်။ ထိုမွ်သာမက လူမှုဆက်ဆံရေးအရည်အချင်း ကောင်းမွန်ရန် လိုအပ္ကာ လုပ်ငန်းခွင်သုံး ဆော့ဖ်ဝဲလ်အမျိုးမျိုးနှင့် အင်တာနက်ကိုလည်း ကျွမ်းကျွမ်းကျင်ကျင် အသုံးပြုတတ်ရမည့်အပြင် တရုတ်စာအရေးအသားတွင်လည်း အခြေခံ ခိုင်မာကာ သတင်းဆောင်းပါးနှင့် မှတ်တမ်းမှတ်ရာများ ရေးသားရာ၌လည်း အလွန်အားကောင်းသည့် အရည်အချင်းကို ပိုင်ဆိုင်ထားရဦးမည်ဖြစ်သည်။ နောက်ဆုံးအနေဖြင့် သတင်းတစ်ပုဒ် ဖြစ်လာစေရန် စီမံခြင်းနှင့် စီးပွားရေးနှင့် ပတ်သက်ပြီး ဆက်ဆံပြောဆိုရမည့် ကိစ္စရပ်တို့တွက်လည်း ထူးထူးကဲကဲ ညှိုနှိုင်းတတ်သူ ဖြစ်ရဦးမည်ဖြစ်သည်။
