ကိုယ်မင်းကိုဘယ်လိုဖွင့်ပြောရမလဲ

Chapter 143
Sue Xing NwayApril 19, 2023

Chapter 143

အသစ်စက်စက် ရိုက်ကူးထားသော ဓာတ်ပုံများကို ကြည့်နေရင်း ကျောက်ချွမ်၏ နှလုံးသားတစ်ခုလုံး မီးဟုန်းဟုန်းတောက်လာတော့သည်။

ဒီလောက်အထိ ထူးချွန်တဲ့ သရုပ်ဆောင်မျိုး ငှားနိုင်တာ တကယ် ကံကောင်းတာပဲ ဒါဆို PDA မှာ ဝန်လေးနေရင် ဘယ်လိုလုပ်မလဲ ...

ရိုက်ကူးနေစဉ်အတွင်း chemistry မိနေသရွေ့ ကျောက်ချွမ်သည် ထိုအခန်းများကို ရှင်းလင်းကာ သူတို့ကို ကြွားဝါခွင့် ပြုနိုင်ပေသည်။

"ကျိကော ပင်ပန်းသွားပြီ ရှောင်ကျားရှုလည်း ပင်ပန်းသွားပြီ မင်းတို့နှစ်ယောက် ခဏနား‌လိုက်နော် ငါ ဓာတ်ပုံနည်းနည်းလောက် ရွေးလိုက်ဦးမယ် ..."

သူက အလွန်အမင်း ကပ်ဖားရပ်ဖားလေသံဖြင့် ပြောလိုက်လျှင် ဘေးနားတွင် ရပ်နေသည့် ဓာတ်ပုံဆရာ၏ အမူအယာမှာ အတော်လေး စိတ်မရှည်သည့်ဟန် ဖြစ်သွားတော့သည်။ ဤကဲ့သို့ ပြီးပြည့်စုံလှသည့် ဓာတ်ပုံမျိုး ရိုက်ကူးနိုင်ရန် ခဲယဉ်းလှရာ အမြန်ဆုံး လက်စသတ်လိုနေပေသည်။

နှစ်ယောက်လုံး ထွက်သွားပြီးနောက် ကျိမြန်က ဖုန်းကိုထုတ်ကာ ပြောလိုက်သည်။

"ဓာတ်ပုံရိုက်ဖို့လည်း ပြီးသွားပြီဆိုတော့ ကိုယ်တို့နှစ်ယောက် အတူတူ ဓာတ်ပုံရိုက်ကြမလား ..."

"ကျိကော Weibo မှာ တင်မလို့လား ..."

ရှောင်ကျားရှုက ပြုတ်မကျရန် အလို့ငှာ သူ့ကို ဖက်တွယ်ထားရင်း မေးလိုက်သည်။

"ဟုတ်တယ် တင်လို့ရလားဟင် ..."

ကျိမြန်က သူ့ကို ဆွဲပွေ့ကာ ပေါင်ပေါ် တင်လိုက်သည်။

"သေချာပေါက်ကို တင်လို့ရတာပေါ့ ကျွန်တော်က ရုပ်ဆိုးတာကို မကြောက်ပါဘူး ..."

သူသည် ကျိမြန်တစ်ဦးတည်း၏ ရှေ့တွင်သာ ရှက်သွေးဖြာတတ်သူဖြစ်ကာ ပြင်ပကမ္ဘာ အထူးသဖြင့် ရုပ်ရှင်ရိုက်ကူးသည့်အခါတွင် သူ့မျက်နှာမှာ များစွာ မပါးလှ။