HUNTING PAST ✓

chapter 75

"සුදු පුතා...සුදු පුතා...අරිනවා මේක"

හයියෝ...මම ඉවරයි..උදේ මම උඩ ගිහින් බිම වැටුනේ මිනු ආන්ටිගේ කෑගැහිල්ලෙන්..

නිදි මරගාතෙම දොර ඇරිය මගේ ඇඟට මිනු ආන්ටි හිතක් පපුවක් නැතුව කඩන් පැන්නේ කෙලින්ම එයාට මගේ කනම සෙට් වෙද්දී..

"ආහ්හ්හ් සුදු අම්මේ...ඌයි..."

"ෂුඩු අම්මා තමා..කීපාරක් කියලා තියෙනවද දොර ලොක් කරන්න එපා කියලා..මම මේ දොරේ ලොක් එකත් අයින් කරනවා හොඳේ දැන්"

කන අඹරන ගමන් එයා කිව්වා..අම්මපා කනේ අස්ථියක් තිබ්බා නම් මෙලහකට ඒක සිය වතාවක් විතර කැඩිලා..

"ගැත්තාට අනුකම්පා කරන්න සුදු අම්මියෝ...හයියෝ කන.."

එයා මගේ කන අනෙක් අතටත් අඹරලා අතහැරියේ මට ලාවට මුත්‍රා බරකුත් එද්දී...

"මූන හෝදන් එනවා පහලට..දැන් ලොක් වලින් වැඩක් වෙන්නේ නෑ කොහොමත්"

එයා කිව්ව කුනුහරැපෙ තේරැනේ නැති කොට මම ඔලුවත් කස කස මට ගස්සගෙන යන සුදු අම්මා දිහා බලන් හිටියා..

දැන් එයා මගේ සුදු අම්මා..ගෙදරට ආව මුල් කාලේ එයාට අම්මා කියලා කතා කරන්න කොච්චර කිව්වත් නුහුරට මට කියවුනේ නෑ..ඒත් එකපාරක් මිනූ ආන්ටි කියලා වැරදිලා කියපු දවසේ චූ යන්න කාපු පොල් කටු හැන්දේ පාර⁣ට එදා ඉදන් වැරදලාවත් ආන්ටි කියවුනේ නෑ..

අංකල් නම් ලොකු සුදක් නෑ..ඒත් ඉතින් කලු තාත්තා කියන්න බැරි කමට නිකම් තාත්තා කියනවා..

මම මෙහෙට ආවත් හරි මෙතුලුයි විනෝ අක්කයි නෙතිල් අයියයි තුන් දෙනාම කැලේ..මම ගෙදර එකම සුදු පුතා වුනා..

ඔලුවත් කස කස පහලට බහින්න හදපු මම නැවතුනේ ගෙදර තිබ්බ යුද්දේ දැකලා..සාම්ත හැමතැනම බඩු අරහේ මෙහෙ දාලා..සැරසිලි ඒවත් තිබ්බා..සරසලා නම් නෑ..ඒත් පාටියකට හරි යන්න බඩු තිබ්බා..

අද කාගෙවත් උපන් දිනයක් නෙමේ නේ..මගේ උපන් දි⁣නෙත් ලබන මාසේ..නෙතිල් අයියා එන එක සමරනවද ? ඕකේ සමරන්න දෙයක් නෑනේ අප්පා..

"මොකද මේ ?"

මොකක් වෙනවද කියලා හිතා ගන්න බැරැව පහලට ආව මාව දැකලා ගෙදර හැමෝම එකතැන ගල් වුනා..