⚜កូនបំណុលចងចិត្ត⚜(ចប់)

ភាគ10៖ថេហ៍កើតអ្វីនឹង?

"ចំពោះអុននី ម៉ាក់ទទួលមិនបានតែជាមួយគេម៉ាក់បែជាហ៊ានទទួលទាំងដែលគេជាកូនបំណុលសោះ"ជុងហ្គុក

"នាងអុននី,ម៉ាក់មិនត្រូវការទេ"

"ក្មេងនេះក៏ខ្ញុំមិនត្រូវការដែរ ខ្ញុំស្រលាញ់តែអុននីប៉ុណ្ណោះ"ស្ដីចប់ភ្លាម នាយរៀបនឹងដើរចេញទៅហើយតែក៏ត្រូវអាក់ដំណើរវិញពេលលោកស្រីចនស្រដីឡើង៖

"កុំទាន់អាលទៅ ជួយជូនម៉ាក់ទៅព្រលានយន្តហោះសិន"គ្រាន់តែឮបែបហ្នឹង កំលោះតូចរហ័សងាកមកមើលមុខគាត់ភ្លេតរីឯនាយក្រាស់ក៏ដូចគ្នា

"ម៉ាក់ទៅព្រលានយន្តហោះធ្វើអី?" ជុងហ្គុកសួរនាំស្របពេលដែលអ្នកបម្រើម្នាក់បានយកវ៉ាលីរបស់លោកស្រីចនមក

"ម៉ាក់នឹងឡើងទៅប្រទេសស្វីស មួយរយៈធំ" គាត់និយាយឆ្លើយប្រាប់មកកាន់កូនប្រុសរួចទើបងាកមករកថេហ្យុងម្ដង៖

"ពេលម៉ាក់មិននៅ កូនកុំបាច់ខ្លាចអី នៅទីនេះមានអ៊ំមេដោះ អ្នកបម្រើស្រីៗនិងអ្នកបើកឡានទៀត,មិនបាច់ភ័យខ្លាចថាប្រុសជុងនឹងធ្វើបាបបានទេ អូហ៌មែន!ពេលម៉ាក់មកវិញ សង្ឃឹមថានឹងបានចៅពរណា"

"លោកស្រីទៅយូរដែរទេ? ថ្ងៃណាទើបត្រឡប់មកវិញ" ថេហ្យុងសួរនាំទាំងបង្ហាញទឹកមុខដូចជាមិនចង់ឲ្យគាត់ទៅទាល់តែសោះ រីឯកំលោះសង្ហាខាងនេះវិញពេលដែលបានឃើញទឹកមុខក្មេងបែបហ្នឹង គំនិតខូចក៏លេចឡើងមកតែម្ដង។

"មិនយូរទេ ប្រហែលជាពីរឆ្នាំ"

"ពីរឆ្នាំ!!"ថេហ្យុងបន្ទោរពីក្រោយទាំងបើកភ្នែកធំៗ,រយៈពេលពីរឆ្នាំសម្រាប់ថេហ៍គឺយូរខ្លាំងណាស់ នេះលែងហៅថាមួយរយៈហើយគឺមួយយ៉ូជ><

"ឆាប់ឡើងមកអ្នកម៉ាក់ខ្ញុំ ប្រញាប់ទៅធ្វើការ" ជុងហ្គុកធ្វើជាតឿនឲ្យគាត់ឆាប់ទៅ

"កូនមិននៅញ៉ាំអាហារពេលព្រឹកសិនទេ?"

"អត់ទេ ចាំញ៉ាំនៅក្រុមហ៊ុន"

"អញ្ចឹងតស់" ចប់សម្ដីពួកគេក៏ចេញទៅ រីឯកំលោះតូចវិញនេះម៉ឹងម៉ាំង មិនដឹងគួរធ្វើបែបណាបន្តទេ បើលោកស្រីទៅបាត់ តើនឹងមានអ្វីកើតឡើងទៅ?
,,,,,,,
ក្រឡេកមកកាន់លោកគីមឯណេះវិញ ពេលនេះគាត់បានចេញពីមន្ទីពេទ្យហើយ បើនិយាយរឿងល្បែងវិញគឺគាត់នៅតែប្រព្រឹត្តដដែល