شافهم قدام عينه والتفت عليها ؛ كلنا حولك لا تنسين ، نصير لك الاخ والاب والام اذا ودك ، بس لا يضيق هالخاطر .
رفعت نظرها عليه وابتسمت له ، وابتعدت وطلعت خارج الكوفي من حست انها اشتهت تاخذ رشفه من الدخان ، هي تعرف تهورها ، من وهي صغيره تحب تسوي الاشياء الي تحس بشعور التهور فيه ، وبعمر 13 هي جربت الدخان من بكت نواف وقت كانو يروحون عند حليمه تلاقي بكته على الطاوله وتاخذ حبه تجربها ومن بعد م كبرو م صارو يرحون عند حليمه وقت يكون فيه نواف وم عاد صارت تجربه حتى ، ورجع لها شعور التجربه وقت شافته في يد فهد واعجبها وقت اخذت رشفه في المعمل ، طلعت من جيبها البكت واخذت وحده واشعلتها ولامست شفايفها زقاره واخذت نفس منها ونفثت في الهواء ، لمحت وقوف فهد ولا اهتمت واخذت رشفه ثانيه تتقدم لفهد ورمتها في الشارع ونفثته في الهواء وكان كل هذا على انظار فهد المذهوله ؛ مجنونه !
وتقدم ناحيتها ياخذ من جيبها البكت وناظره هو نفسه حقه وتأكد من فتح العلبه يشوف كم عددهم ، رفع نظره لها ؛ غبيه انتي فهميني على اي اساس تجربينه ؟ انتي تعرفين خطورته عليك ولا م تعرفين ؟ .
رفعت اكتافها بعدم اهتمام ؛ تجربه بس .
رفعت نظرها على رتيل من شافت في يدها طلبهم ؛ نجلس هنا ؟
هزت راسها ليان بالنفي ؛ بنروح لأمير .
ناظرها ورفع حاجبه ؛ وعلي أي اساس تقررين ، امير عنده دوام وماله داعي نروح .
ليان وبإصرار ؛ بنروح له واذا م ودك عادي اروح مع اوبر .
تنهد يأشر لها تروح لسياره ؛ بيجي يوم اموت فيه بسببك .
تقدمت ناحية السياره تركب متجهين لأمير ، وناظرت رتيل ؛ في خاطري اكلم سمر .
ناظرتها رتيل بذهول ؛ ارقام المعلمات كلها عندك ؟ شسالفه ؟
رفعت اكتافها ؛ تسلية خاطر .
رفعت جوالها تتصل على سمر وسرعان ما وصلها صوتها ؛ اهلاً ؟
ناظرت رتيل وفهد بإبتسامه ؛ ي هلا فيك .
عقدت حواجبها وكأن الصوت مألوف عليها ؛ اعرفك ؟
ليان ؛ حق المعرفه بعد .
سمر ؛ ليان ؟
ليان ؛ ما توقعت انك تنسين صوتي .
سمر ؛ اخلصي علي ، شتبين متصله وبعدين كيف تعرفين رقمي الشخصي ؟
طقطقت ليان اصابعها تاخذ نفس ؛ مو شغلك كيف اخذته ، بس خليك معي طيب ثواني بس .
واشرت لرتيل تعطيها جوالها واخذته تسجل رقم زوج سمر الي اخذته من جوال سمر من قبل واتصلت عليه تحطه على سبيكر وتنتظر رد منه ؛ لأسمع لك صوت .
وصلها صوت زوج سمر " فالح " ؛ هلا .
تكلمت ليان بصوت ناعم ؛ فلوح .
وسرعان م عرفها فالح ؛ ي عيون فلوح سمي .
ليان بدلع ؛ وش صار على سفرتنا ؟
فالح ؛ ابد كلها يومين واكلم زوجتي على انها سفرة شغل واخذك نروح .
ليان بدلع ؛ فلوح كم بناخذ يوم .
فالح ؛ المده الي تبينها ، حجزت لنا فندق على هواك .
رجعت ليان لصوتها الطبيعي وهي تكره الدلع اساساً بس سوت الفلم ذا كله علشان يجي اليوم الي تقهر في سمر على كل افعالها معها ؛ طيب شكل الليله بيجيك خلع من زوجتك .
فالح بعدم استيعاب ؛ هاه ؟
ليان وهي تناظر بفهد الي بينفجر من العصبيه ؛ تفاهم مع زوجتك يا استاذ فالح لان كل شي وصلها .
فالح ؛ ايا ي بنت الكلب .
ليان ؛ والله م الكلب الي يلاحق بنات الناس وعنده زوجه بالحلال .
وقفلت منه وناظرت بسمر الي للحين على المكالمه ؛ والله وشاطره جلستي تسمعين ، هذا رد على افعالك معي السنه كلها ، تفاهمي مع زوجك .
وقفلت منها وسرعان م وصلها صوت فهد الغاضب ؛ بنت !
ناظرته برفعة حاجب ؛ شسالفه .
رفعت نظرها من وصلو للشركة الي يشتغل فيها امير ولفت بنظرها على رتيل ؛ خذي قهوته واطلعي له اعطيه وتعالي .
ناظرتها رتيل بذهول ؛ هاه ؟ ليان م اعرف .
ليان ؛ روحي اسألي مكتب امير وين بيقولون لك يلا .
هزت راسها بالايجاب ونزلت تاخذ القهوه .
لف عليها فهد ؛ ممكن افهم ليش ذا كله ؟ مدرسه وحرقتي المعمل حقها ، والحين هذي وخربتي علاقتها في زوجها ، ليش ذا كله انسه ليان ؟
لفت عليه ؛ وانت تدري وش سوو فيني ؟ تدري ان هذي الي اسمها اسماء شتسوي فيني ؟ تدري انها اذا صارت اي مشكله في المدرسه ترميها علي ؟ اذا تهاوشت مع وحده وش تسوي فيني وهي تعرف انها هي الغلطانه تجي تحملني اللوم كله ، اجي لها واقول الي صار تدري وش ترد علي " محد يجي يتهاوش معك ي ليان الا اذا انتي مسويه شي " هذا جزء بسيط الي اسماء تسويه ولا سمر ، تدري ان ذي مثلها مثل اسماء ، تعطيني انا اكثر وحده مشاريع وواجبات وغيري لا ، تترك حصتها كلها وتجي تحارشني وتدقق على كل حركه اسويها ، تدري انها مره طلعتني بدون اي سبب قدام المشرفه الي عندنا يقالك انها معلمه نظاميه ، بسببها انكسرت يدي مره لانها هي الي طيحتني من على الدرج ووقت جيت يشتكي كل الطالبات وقفو معها ولا كأن شي صاير وان انا اتبلى على سمر ، لا تلومني على الي اسويه فيهم .
صُعق تماماً من امه ومن هذي الي اسمها سمر وكيف انهم يحملونها فوق طاقتها ؛ ليش طيب انت شمسويه ؟
اخذت نفس تصد عنه ؛ يمكن لان البنات طلعو عن إشاعه اني بنت مو متربيه واني اسوي مشاكل ، وسوو هذا كله يقالك انهم بذي الطريقه يربوني ، بس مو بنت فيصل الي تسكت .
