أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐

♧الحلقـــــــــــــة الـثـــانـيـة بعـــد المـئـــة♧

#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة

♧الحلقـــــــــــــة  الثانــــــــــــية  بعـــد المـئـــة♧
واش صـرا فـهاد الفتـرة لـي فـاتت؟.. 
خلونا نرجعو بالوقت خمس سنين ورا..  لوقت الرصاصة لي أطلقها آدم و لا خلونا نقولو جاد باه نعرفوه كامل و لي عبرت بين ميرا و سيرجيو كتحذير منو ليه و بعدها دار  و راح داخل للمبنى وهو يقول ليه " تمثالك راه فالورشة السفلية.. كونك حذر مني..  و إلا راح نكسرو و نتا تعرف أنو لي يتكسر تمثالو يعد ايامو بعدها" تقدم رضا من ميرا و سار بيها لاحق جاد فيما ديڤ وصلوه لمكان يهتمو بيه فيه لين ما يشفاو جراحو و يصحى، و بقى سيرجيو مكانو ما عارفش واش يعمل.  بعد خطوات لتفت ليه رضا و قال " بما أنك جبت ديڤ لينا..  فراح تكون نتا المسؤول عليه..  من هاد اللحظة " رجع كمل طريقو و سيرجيو ظلو مكانو متبع خطواتهم لين ما اختفو و طلق زفير طويل و تلفت وراه يستشعر أنو مازال عايش و الرصاصة لي قراب ما تحطم جمجمته فاتت من غير ما تخترقو ، رجع طلق زفير و راح ناحيت المكان لي وصلو ديڤ ليه وين راح تبدا مهمتو.
بعد ما صحا ديڤ لقا روحه مقيد بالسرير لي ممدود عليه ما عرفش واش صرا فيه حتى لقا سيرجيو واقف مقابلو ببدلة سوداء و جامع يديه عند صدره.  شك ديڤ لحضتها بالأمر تلفت حولو و قال
ديڤ" وين راني..  و علاه راك رابطني هاك "
سيرجيو " ماش أنا لي رابطك..  السيد آدم هو لي أمر بهاد الشي " بنفس متسارع و عصبية ظاهرة على ملامحو عيط على سيرجيو
ديڤ " يا الوغ.د..  خرجت إنسان خاين "
سيرجيو " أبدا.. أنا كنت نعمل معاك فبريطانيا صح و لكن هادا ما يعنيش أنو كنت كل.ب مطيع ليك"
ديڤ " هه الظاهر كنت تلعب عليا من البداية.. و إلا كيفاه مازالك عايش و زيد تخدم معاهم "
سيرجيو ". كل ما في الأمر أني ضحيت بيك.. سلمتك للسيد آدم مقابل أنو يعفو عليا.. طرقك الغبية فالانتقام خلاتني نفقد الرغبة فالعمل معاك.. نتا الشي الوحيد لي استفدت منو أنك اغتص..بت فتاة و أشبعت شهوتك بعذراء..  أما وليد فمازالو عايش..  و أنا لي راح نسلب روحو منو..  ما علاباليش واش راح يعمل فيك سيد آدم و لكن إذا بقيت عايش راح تشوف الانتقام على حقيقتو"
ديڤ" عمبالك رجالي ماراحش يحوسو عليا ..  راح تكونو قاب قوسين أو أدنى فخبر كان "
سيرجيو " ما تقولش هاك لا يسمعك آدم..  نتا ما تعرفوش كي يستفزو شي حد كيفاه يرجع".
توالاو الأيام و سيرجيو كان متكفل بديڤ و يتدرب كل يوم و فالليل يسمحو ليه يطل على ميرا لي كانت فحالة من اللاوعي استمرت فيها لأكثر من ست أشهر و بعد علاج طويل قدرت تسترجع وعيها و لكن ذاكرتها اختفت تماما و تبقى ليها كوابيس الحادث فقط..  حاول سيرجيو يعلمها مهارات جديدة تشغل نفسها بيها و من بينها الشطرنج لي رجعت أمهر منو فيه و القنص بما أنو سيرجيو من وقت انضم للمافيا و هو صغير تدرب على القنص فكانت مهاراتو عالية تكفي باه يكون مدرب ليها. و شي لي كانت تحبو أكثر هو متابعة المسلسلات و لي تسهر عليهم لوقت متأخر.
فاتو 5 سنين كانو بمثابة سجن لسيرجيو و ديڤ و ميرا و لو اختلف النطاق المتاح ليهم..  ديڤ فزنزانة محبوس و سيرجيو و ميرا ممنوع يغادرو المنطقة المسيجة. و لو رحنا لبريطانيا نلقاو بزاف صوالح تغيرو. و لكن كل شي نحكوه فوقتو.