#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـسـبــعـــــــون بعـــد المـئـــة♧
ناتالي لي نقلوها من المستوصف ناحية المشفى.. بسبب تضررها من الغازات لي كانت تعمل بيهم أثناء تجهيز الفخاخ بعد يومين خرجت راجعة للمنطقة. نزلت من السيارة وقت انتبهت رضا واقف بجوار المبنى رفقة وليد يراقب الأوضاع كي العادة فتقدمت منهم و ألقت التحية
ناتالي " أهلا سيدي "
رضا " أهلا ناتالي.. كيفاه راكي درك "
ناتالي " بخير.. سهيت هاد المرة بما انها كانت مهمتي الاولى هنا "
رضا " حافضي على صحتك.. عناصر كيفك يهمنا تواجدهم معنا"
ناتالي " شكرا سيدي.. و شكرا ليك وليد على المساعدة "
وليد " أبدا.. كان واجبي.. ميرا كانت هي لي أسرعت ليكي قبل ما توقعي " تبتسم فوجهه و ترجع تستأذن قبل ما تغادر المكان.
رضا شاف لوليد لي كان لاحق ناتالي بعيونه و ابتسم
رضا " عن حق كل شر وراه خير كبير " التفت وليد ليه و رد
وليد " معك حق.. و لكن ما مناسبة هذا القول "
رضا " أبدا.. تذكرت شي "
ــــــــــــــــــــــــــــــــــــــــــــــــــــــــــ
ناتالي لي دخلت لقات صديقاتها واقفين يشوفو لمارثا لي كانت تظهر مهارتها في تحريك العصي بخفة. و أول ما انتبهت ليها توقفت مارثا و قالت
مارثة " جات ناتالي " التفتو ليها و تقدمو منها حياوها و صارو يسالوها على حالتها و هي ابتسمت و قالت
ناتالي " بخير شكرا.. علاه هاد الإستعراض درك "
مارثا " قاعدة نقنعهم أني أنا راح نفوز فالمنافسة لي راح تتقام هنا "
ناتالي " منافسة.. تخص واش "
كارلا " أصحاب المهارات القتالية راح يعملو منافسة.. السيد آدم سمح باه نعملو منافسة.. كان هادا اختيار ميرا الأفعى كوما لقبها هو "
ناتالي " ميرا الأفعى.. علاه هي اختارت "
إيڤا " كانت أجرأهم و نزلت لمنطقة الخطر اثناء المهمة قضات على رأسين أساسيين "
ميرا فالجانب المقابل قاعدة مربعة رجليها و تخزر ليهم. بداية كانت متبعة مهارات مارثا و درك الحوار لي رجع يدور حولها.
واش صراا؟؟ .
༺༽Flashback༼༻
الكل مجتمعين فالساحة و آدم و رضا و وليد مقابلين ليهم. وقتها رضا بدا يحكي.
رضا " بمناسبة نجاح المهمة يوم أمس.. قرر سيد آدم أنو يسمحلكم تختارو شي تعملوه فحدود المنطقة الخاصة.. و لأنكم بزاف و الخيارات راح تكون كثيرة فهو راح يحدد مين لي راح يختار المكافاة " الكل تساءلو بين بعضهم واش ممكن يختارو في حال أتيحت ليهم الفرصة و فعلا الخيارات كانت كثيرة. تقدم جاد بخطواتو الهادئة ناحية ميرا وقف مقابل ليها بنظرتو المعتادة و إبتسامتو الخفيفة و قال " قناصتي الأفعى.. ليكي الإختيار " الكل التفتو ليها و أولهم سيرجيو.. أزعجته ياء الملكية في آخر الكلمة.. ياء تخصه وحده و لا يحق لغيره استعماله لمخاطبة حبيبته.
ميرا " و علاه أنا من بينهم "
جاد " لأنك نتي لي حصدتي روح الخاين.. رضا خبرني على جرأتك وقت نزلتي.. عندي فضول نعرف كيفاه وحدة بحجمك عندها هاد القوة"تخزر ميرا للأرض وكانها تقيس طولها. ماهاش ضئيلة لهاد الدرجة.. لحظتها ما عرفتش إذا مدح لي راه يلقي فيه ولا ذم. رفعت نظراتها ناحيته و قالت بنبرة مؤدبة
ميرا " القوة ما يحملهاش الحجم سيدي.. القوة تحملها القلوب" ابتسم لكلامها و ربت على كتفها قبل ما يلف و يبعد خطوتين وراه و يقول " لكي الخيار.. واش شي لي تتوقعي يكون هدية مناسبة "
ميرا بعد صمت قصير " منافسة قتالية.. يحق لاي شخص عندو مهارة قتالية مميزة يشارك فيها ". الفكرة رغم غرابتها استحسنها معظم الحضور و هذا ظهر من خلال تعابيرهم. شاف حوله لتعابير رجالو و قال" واش رايكم؟ "
رضا " لي يوافق على الفكرة يرفع يده "
الأقلية القليلة لي كانو من الناس لي منزلين يديهم و من بينهم كارلا. لأنها أكثر شي يزعجها هو المنافسات رغم لي مهاراتها عالية جدا.
༺༽Back༼༻
قامت ميرا من مكانها لما خلص عرض مارثا بحضور ناتالي و سارت ناحيتهم و قالت " لا يروقني اسم الأفعى.. نادوني ميرا و خلاص..كي تحبو تنادوني " تغادرتهم بخطوتين وترجع توقف عقبها لتسترسل " كارلا.. ماش ذنبي إذا الجميع حبو فكرتي إلا نتي و حبات ثانيين "
كارلا " أبدا.. مانيش مزعوجة.. لي عليا أني ما نشاركش و خلاص "
ميرا " أما أنا راح نشارك.. الجائزة مغرية بالنسبة ليا" غادرت المكان و كارلا خمت فالمكافأة.. حقا راح تكون مغرية حتى ليها. كيفاه ما تكونش و هي قادرة تسمحلها بانو تختلي بسيرجيو وحدهم في رحلة لمدة اسبوعين.. تتوقع أنو يمكنها تقنع سيرجيو يروح معها. لانو جائزة الفائز رحلة لمدة أسبوعين لجزيرة خاصة و يحق ليه ياخد شخص ثاني معه من المنطقة الخاصة.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Ficțiune generală♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
