#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الثــــــامنـــــــة بعـــد المـئـــة♧
صابحة ميرا ناعسة لأنها ما رڨدتش حتى ل 3 تاع صباح بسباب المسلسل لي سهرت عليه، ندق الباب و ميرا نقلبت لجهة ثانية و غطات وجها. تفتح بعد طرق طويل و دخلت الخادمة بأدب
الخادمة " آنسة ميرا.. لازم تصحي.. سيد سيرجيو قاعد يستناكي تحت"
ميرا " مممممم.. خلاص فقت " خرجت الخدامة و هي قامت عينيها نص مغلوقين و راحت للحمام.
سيرجيو واقف تحت بجانب طاولة الفطور بالبدلة السوداء تاعه يحرك في فنجان قهوة بين يديه وقت شاف ميرا نازلة لابسة لباس شتوي باج و فاست فوقها عينيها تعبانين و الكدمة فوجها واضحة عقد حواجبو و هي تقدمت منه بسيف باه تفتح عينيها و قالت
ميرا " صباح الخير.. نسيت بلي اليوم نصحا بكري و سهرت حتى ل 3 تاع صباح"
سيرجيو " الظاهر راح نتعامل معاك بأسلوب الأولياء.. ناخد تيليفون قبل ما نروح"
ميرا " بصح كاين تيلي.. هاد القهوة ليا؟ " يشوف للفنجان لي فيده و يقدمو ناحيتها " تفضلي بصحتك " تاخدو من يدو و تقعد على كرسي جنبو و هو يحني ناحيتها و يحكم دقنها بصباعه مدور وجها لجهة الضربة و قال "واش داك تحكي كلام زايد.. شو كيش رجع خدك" تتلفت ناحيتو تا يتقابلو عيونهم و تركز فعينيه مطولا بطريقة توتره يرجع يبعد عليها و يستطرد "مرة ثانية ما تحكيش بزاف"
ميرا بهمس " هي طلبت مني نعيد كلامي "
سيرجيو " سمعتك.. كأنك ما فهمتيش أنها حست بالإهانة من كلامك"
ميرا " حبيت نشوف قوتها لي يتباها بيها آدم "
سيرجيو " نتي غريبة.. و رجعتي أغرب بعد ما فقدتي ذاكرتك"
ميرا " نروحو درك و لا مازال شوي "
سيرجيو " آااخ.. فطري قبل و شربي قهوتك.. ما تكتريش منها "
ميرا " تمام دكتور "
سيرجيو " رجعت دكتور درك "
ميرا " خصك فقط شهادة.. واش راح تعلمني اليوم زعما"
سيرجيو " راح تبقي متدربة حاليا و راح يتكثف التدريب منا و طلع.. مي اليوم راح نوريلك القواعد و الأماكن لي ما تعرفيهاش"
ميرا " أحسن شي أنو طلب منك نتا تعلمني هاد الأمور"
سيرجيو " ما أنا لي جبتك.. و درك ندمت عليها.. راح توسخي يديك بدم تاع بشر و هادا لي ماا حبيتوش ليك "
ميرا " أحسن ما يوسخ حد تاني يديه بدمي.. و لا يستغلني للإنتقام" يركز سيرجيو نظراتو ليها من بعد يقعد فالكرسي جنبها و يقول " الموضوع ماهوش سهل لهاد الدرجة ميرا "
ميرا " سهل بزاف.. تتوقع أني خفت من التهديد البارح.. شي لي خلاني نقت..لو وقتها ابتسامتو بعد ما سمع أنو ليه فرصة باه يقضي عليا و ينقد نفسو.. ماكنتش حابة نعملها حتى شفت الأمل فعينيه.. علاه لازم برك أنا لي نخمم اني ما نأذيهش فالوقت لي هو فكرة أنو ياذيني باه ينجو عجباتو.. هادا ما ينفعش " نظرت عينيها كانت تخوف سيرجيو.. و لو أنو ما عرفهاش من فترة طويلة قبل الحادث إلا أنو شايف الفرق الكبير بين ميرا القديمة و ميرا تاع اليوم.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Ficción General♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
