#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـثـــــانـيـة و الثـــــلاثـــون بعـــد المـئـــة♧
ميرا راحت ناحية الزنزانات بخطوات سريعة و نزلت الدرج تتفقد الزنزانات وحدة بوحدة تا لقاتو يطل من بعيد بعد ما سمع صوت الجلبة لي عملتها تقدمت ليه بسرعة و ضربت بحذاءها الباب لي أصدر صوت صدى قوي هز كامل الزنزانات و حكمت فالحديد بقبضات ناوية تحطم القضبان بيهم و تدخلو عبرهم
ميرا بصك اسنانها " خرجت ماشي راجل.. واش من قذارة طلقتها باه حاوطك بيها كامل هاد الدبان.. كيفاه باه خليت آدم نفسو يحميك مني يا جبان.. و لا رجولتك راحت يوم تعداو على زوجتك قدام عينيك ياك"
وليد " أهدي ميرا.. صدقيني أنا ندمت لي جبتك من الأصل معاي لبريطانيا و ورطتك مع الوغد هاداك.. أما صدقيني راح نعمل أي شي باه ننتقم منو " تمد يدها عبر القضبان تمسكو من قميصو و تقول و هي تسحب فيه " و مين لي ينتقم منك نتا.. عمبالك نغفرلك.. عقلي فضا و روحي طفات و رجعت حية بدون روح بسببك و سبب الحقير الثاني.. عمبالك نغفرلك.. مانيش بالطيبة هاديك صدقني "
ديڤ كان يطل من وراها ليهم بصمت من غير ما يفهم كلمة من حديثهم و من بعد قال بالإنجليزية " خمس سنين ميرا.. توحشتك.. واضح من تصرفاتك أنك تغيرتي بزااف" رعشة سرات فجسمها حتى فشلت يدها وقت سمعت صوتو انتبه ليها وليد كيف إضطرب حالها فثواني. بقات فنفس وضعيتها ديك و ديڤ ابتسم من حالها.
وليد " أحسنلك تدخل.. شي ما يخصكش "
ميرا و هي تخاطب فوليد برعشة فصوتها " أغلق فمك انت.. راح يجي اليوم وين.. وين تتمنى المو..ت و ما تلقاهش"
ديڤ " ما تدوري تخلينا نشوفو وجهك.. اشتقت لملامح ميرا صديقتي اللطيفة.. معقول العشرة نسيتيها"
سيرجيو لي كان يحوس عليها و ما لقاهاش توقع تهورها و راح يجري للزنزانات وقت شاف ديڤ واقف عند الحديد و ميرا عاطياتو بظهرها مقابلة زنزانة وليد. راح يجري لديڤ دفعه لداخل و قال بنبرة تهديد " بالاك تحاول تفتح فمك بأي كلمة.. صدقني راح نقت..لك و لي يصرا يصرا. سحب ميرا من دراعها تحت أنظار وليد و هي لاحقاتو باستسلام حتى لحق برا و طلق يدها
سيرجيو " واش داك ليه.. علاه حابة تعارضي أوامر آدم.. صدقيني راح ينهي حياتك"
ميرا " سيرجيو.. قلبي يوجعني.. خف..فت ممنو.. كيفاه نننقتم و أنا كي نشوفو نرجف من خوفي.. خبرني" يشوف ليها بنظرة مكسورة عارف أنها ما تجاوزتش صدمتها لكنو ماعارفش واش ممكن يعمل باه يساعدها تتخطاها..
سيرجيو " راح تتخطايها ميرا.. الموضوع محتاج شوي جهد فاللول.. و لازم ترجعي للعلاج النفسي "
ميرا " صح.. لازم نرجع ".
سيرجيو" كلش مع الوقت ميرا.. هدي نفسك.. خلينا درك نركزو على مهمتنا.. لازم نعرفو مين هو الخاين " تضبط ميرا نفسها و تهدي روحها بأخد أنفاس طويلة و متتالية و بعدها ترد عليه بنوع من الهدوء
ميرا " صح المهمة أسبق درك .. مانيش عارفة علاه يخونو و هوما عارفين أنو نهاية الخونة الق. تل"
سيرجيو " مرات باه يسلكو من القت. ل من الجانب الثاني يرجعو خونة "
ميرا " و عندك أي مشتبه بيهم "
سيرجيو " عندي مجموعة من الناس خممت فيهم.. و لكن لازم نتأكد "
ميرا "شاركني أفكارك.. المهمة موكلة لينا في زوج".
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Fiction générale♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
