♧الحلقـــــــــــــة الــــواحـــدة و الأربـعــــون بعـــد المـئـــة♧

6 2 0
                                    

#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة

♧الحلقـــــــــــــة الــــواحـــدة و الأربـعــــون بعـــد المـئـــة♧
ما هي إلا لحظات و بداو المراسم.  دخلو الأعضاء الجدد لمنتصف الساحة و وقفو مواجهين جاد. و رضا تقدم ناحيتهم و قال.
رضا " اهلا بيكم فمنطقتنا من اليوم راح ترجعو أعضاء رسميين فمنظمتنا و لينا فالمنطقة الخاصة عادات نستقبلو بيها الأعضاء الجدد " أشار بيده لرجال وراه و لي جابو رجل مغطى الرأس بكيس قماشي أسود،  مكبل اليدين و وقفوه بجانب و أشار رضا للخمسة أنهم يجيو مقابلين ليه و لي نفدو الأمر بدون تساؤلات.  وقف جاد و تقدم منهم و قال " مع الأسف..  كاين خاين واحد برك..  و نتوما 5..  و مع ذلك لازم نطبقو العادات..  لكن قبل هاد الشي..  كاين كلام لازم تسمعوه مليح..  الشخص لي راح تنهيو عليه كان منذ أيام واحد من هاد المنظمة.. غلطتو أنو استهان بينا و حاول يلعب علينا و نتوما راح تاخدو حق المنظمة منه.. و لي يخون مصيرو نفس شي.. و الخيانة هنا هي عصيان أوامري كيف ما كانت.. و لي يخون مكانو النهائي فنفس مكان هاد الشخص..  حطو كلامي فراسكم..  لاني ما نحبش نعيد و ما نقدمش فرص للي ما سمعوش..  و الكلام موجه للجميع مفهوم"
الأعضاء مع بعض " مفهوم سيدي " يرجع لمكانو و فطريقو يركز بنظراتو فعيون وليد لي واقف رغما عن الوجع لي حاس بيه بأمر من جاد..  و الصدمة ظاهرة على وجهو..  معقول راح يقت..تلوه..  الناس هنا السلاح فيدها ماش للعب و التهديد..  هنا يقطعو الخاين و يشربو دمو. 
رضا " درك راح نكشف عن الخاين و لي هو نفسو لي فسد العملية " الرجال الكل شكو فأمر ماثيو و لي كان غايب الفترة لي فاتت لكنهم ما انتبهوش لأنو عاد و راه واقف معاهم فالخلف
رضا " بمساعدة من بعض أعضاءنا قدرنا نقبضو عليه..  ميرا و سيرجيو و ماثيو لي أثار الريبة بين الرجال باه دارت الشكوك حولو و ارتاح الخائن الحقيقي حتى قبضنا عليه..  ميرا..  تقدمي كشفي عليه " هزت راسها إيجابا و تقدمت منه ونزعت الكيس من على وجهه،  كان نفسو الرجل لي قبضو عليه.  ابتسمت باستخفاف من شكلو
ميرا بهمس " كان لازم تكون أذكى شوي..  شوي برك " تبعد عليه راجعة لبلاصها وقت يناديها جاد
جاد " أوقفي جنبي ميرا " تلتفت ليه بإستغراب. و ترجع تتقدم بخطوات ثابتة منه و نظراتها مركزة بكل غل فوليد حتى وصلت لجانب جاد الثاني.
جاد " نسيت نهنأك على إنجاز مهمتك و قبضك على الخاين "
ميرا " ماش أنا الوحيدة..  كان شك سيرجيو فالبداية و تعقبناه مع بعض باه قبضنا عليه..  حتى فكرة تسجيل الفيديو كانت فكرتو..  كنت راح نهجم عليه لو ما أنو وقفني هو "
جاد " نحب كي تعترفي بفضل سيرجيو عليك..  و أكيد متذكرة فضلي عليك ثاني..  لو ما أنا كان أكيد ديڤ قضا عليك باه ينتقم من وليد لي راه واقف قدامك " تخزر ميرا لوليد بعيون تطلق شرر و ترجع تلتفت " صح سيدي..  نقدر لي عملتو على جالي سيدي "
جاد " جيد..  مليح كي تقدري هاد شي..  مرة ثانية حطيها قدام عينيك قبل ما تفتحي فمك باي كلمة قدامي " عرفت ميرا انو قاعد يمعني على جرأتها فمواجهتو الصباح فاعتذرت منه
ميرا " نعتذر سيدي..  مرات نفقد السيطرة على نفسي و نحكي بدون وعي "
جاد " ههه.. نقدر ظروفك وقتها " وليد كان يراقب ميرا بصمت..  ما مصدقش أنو فعلا راهي مقابلاتو..  و لي مانعو أنو يصدق التغيير لي راها فيه.  نبرة صوتها..  طريقة كلامها..  نظراتها،  وقفتها، حتى ملامحها و جسدها،  كأنو سن البلوغ عندها كان متأخر و فجأة فالخمس سنوات لي فاتت رجعت مرأة بكل معاييرها.

اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐حيث تعيش القصص. اكتشف الآن