أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐

♧الحلقـــــــــــــة الـرابــــــعـة و الـثـــلاثــــون بعـــد المـئـــة♧

#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة

♧الحلقـــــــــــــة الـرابــــــعـة و الـثـــلاثــــون بعـــد المـئـــة♧
نفوتو أسبوع..  فهاد الاسبوع بدات الشكوك الدور بين الرجال حول مين هو الخاين و كان هادا هدف ميرا من المشكل لي عملتها مع ماثيو.  ليل نزل و هاد الليلة الإجازة..  رجال قاعدين ساهرين بأرياحية يحكو و يشربو بين بعضهم و ميرا هاد اليوم شاركتهم مجلسهم . تدعي أنها فاقدة وعيها من الثمالة و قاعدة تقول كلام إعتباطي و سيرجيو مقابل ليها كان على لحظة راح يأمن تمثيلها حتى أنو بعد عليها الخمر شاك فأمرها.
ميرا " سيرجيو..  عملت لي خبرتك "
سيرجيو " واش قصدك " توقف فمكانها و تتقدم بجدعها ناحيتو يفصل بينهم الطاولة و قالت " خبرت رضا أنو الخاين فقنا بيه " يتلفت سيرجيو حولو و يقول " ميرا..  خليني نوصلك لغرفتك واضح أنو سكرتي"
ميرا " علااه تتهرب..  ما تقوليش ما خبرتوش أنو ماثيو الحي..وان هو لي الخاين.. حتى أنو ماهش معانا مين يعرف؟.. يمكن راح يسرب معلومات كثر.. علاه ما خبرتش للآن.. واش كسر خاطرك..  و لي ما..تو بسبابه ما كسروش خاطرك؟ "
سيرجيو " ميرا..  أمشي معاي " راح ناحيتها يسحبها و هي بدات تتخبط مكانها رافضة تغادر
واحد من الرجال " خليها و خبرنا..  صح هو الخاين "
سيرجيو " ما تعملوش على كلامها..  راهي ثاملة و اكيد راهي تحكي بدون وعي" بدات النظرات بين الرجال و ميرا مركزة مع ملامحهم كاملين و بالأخص واحد فيهم و لي كان اكبر مشتبه بيه فيهم.  بعد دقائق أخذ كاسو و خرج برا و ميرا لحقاتو بعينيها و رجعت حطت يدها على فمها كأنها حابة تستفرغ (عزكم الله)  و خرجت تجري لاحقاتو.  انتبه ليها سيرجيو و راح عامل نفسو لاحقها.
وقفت ميرا على مبعدة من الرجل لي خرج باه تتجسس عليه و سيرجيو لي كان ابعد منها بخطوتين جهز هاتفو باه يصوره.
حط الرجل الهاتف على ودنه بعد ما راقب الاجواء حوله و  بعد لحظات سمعوه يقول " أهلا سيدي.. نعتذر على الإتصال بيك فهاد الوقت لكنك طلبت مني نبلغك بأي جديد.. الظاهر اليوم قبضو على شخص و اتهموه بانو هو لي بلغ على العملية** درك وين سمعت وحدة من الافراد تحكي تحت تأثير الشرب..  سيدي لازم تكون حذر.. كلامها يعني أنو سيد آدم راه مكثف البحث..  واش لازم نعمل درك ** "ميرا عصرت على يديها و جات لاحقاته لكن سيرجيو أسرع ليها حكمها و تخبا معاها خلف سيارة تما حاكم فمها و ورالها التيليفون لي قاعد يسجل بيه"
استرسل الرجل " راني عامل كامل إحتياطي ** أمرك سيدي** غدا راح يكون إجازة و راح نقدر نجي من غير أي إشتباه ** تمام..  تصبح بخير سيدي " غلق الرجل المكالمة و راقب الوضع حوله بترقب قبل ما يرجع أدراجو لداخل المبنى. ترك سيرجيو ميرا لي إلتفتت ليه بإعجاب و قالت " واو.. كيفاه نتعلم نتصرف بحكمة فمواقف كوما هاك..  كنت راح نتهور أنا"
سيرجيو " مع الوقت تتعلمي كلش.. درك بهاد التسجيل نقدرو نتبتو كلامنا وقت نبلغو السيد رضا بيه "
ميرا " معك حق.. خلينا نرجعو درك "..  رجعو بخطواتهم لداخل و ميرا عند الباب عملت نفسها دايخة و سيرجيو ماسكها من كتافها  حتى لحقو لعند الرجال.  شاف ناحيتهم نفس الرجل و قال بتوتر"  وين كنتو "
سيرجيو " فالحمام..  ميرا ترجع شخص ثالث كي تثمل لأنها حتى بوعيها راهي شخص ثاني "
ترفع ميرا راسها وهي تبعد شعرها على وجها و تقول " سما أنا ثلاثة في واحد..  ههههههه سيرجيو فكاهي " يساعدها تقعد على كرسي و يبعد عليها المشروب. و رجع بعث الفيديو لرضا و كتب تحته " نظن قبضنا على الخاين سيدي..  هادا فيديو ليه "
رجع عقبها يشاركهم أحاديثهم كأنو ماكاين حتى شي.