أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐

♧الحلقـــــــــــــة الــرابــعــة و الـخـمـســـون بعـــد المـئـــة♧

#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة

♧الحلقـــــــــــــة الــرابــعــة و الـخـمـســـون بعـــد المـئـــة♧
سيرجيو " واش كاين؟  علاه راكي هنا "
ميرا " والو.. ماكان والو "
يسرع خطواتو ناحيتها يشوف وين كان ستيڤن يعالج فيها . و لي تصدم لما شاف حالة جنبها . 
سيرجيو بعصبية " أكيد هادي بسبب القتال..  ماش خبرتك حبسي هاد التدريب..  عمبالك أنا علمتك القنص وحدو بدون سبب..  أنا علمتك الشي لي يحميك من أنو تتأذاي "
ستيڤن " على رسلك..  ما تعصبش عليها "
سيرجيو " كيفاه مانعصبش..  نتا ثاني دكتور و عارف وضعها مليح "
ميرا " لا تكون خايف عليا نمو..ت؟ "
سيرجيو " علاه ماشي إحتمال وارد؟ "
ميرا بهمس " على أساس يهمك "
ستيڤن " مين خبرك عليها " ضرب سيرجيو على جبينو لحظتها برك تذكر على واش جا. 
سيرجيو " آااه..  نسييت..  مارثا و كارلا عملو مبارزة بالسيف و تأذات..  جيت ناخد باه نسعفها "
ستيڤن " مارثا ابدا ما ترحمش..  حتى لو كان منافسها صديق ليها..  بصح علاه ما جبتهاش هنا أحسن "
سيرجيو" ماش جرح كبير.. راح ناخد علبة الإسعاف و خلاص "
ستيڤن " راح نروح أنا نعالجها..  و نتوما حلو مشكلتكم "
نزلت ميرا من مكانها و هي تعدل  تريكوها و قالت " ماكان حتى مشكل بينا باه نحلوه..  عندي شغل ثاني..  اهتمو بكارلا احسن " ينتبه سيرجيو وقتها لضربة فخدها هي الاخرى كبيرة نفخ بضيق و تقدم منها رفعها من خصرها رجعها مكانها  و تكي بيديه على جانبيوالسرير و هي بين ذراعية و بتحديقة جدية فعيونها مباشرة استطرد " لا كاين "
ستيڤن رفع حاجبه بإبتسامة و راح رفد علبة الإسعافات و قال
ستيڤن " وين راهي كارلا نروح عندها "
سيرجيو " فصالة التدريب.. وصلها اعتذاري على التأخير "
ستيڤن " أوكي.. و ما تعصبش على ميرا " راح ستيفن يبتسم من الموقف و ميرا مازالها مركزة بعينيها فملامحه.  رجع اِلتفت ليها بعد مغادرة ستيڤن قابل نظراتها العميقة. الفترة لي فاتت كاملة و هي تتجنب تقابلو و درك بعيونها لي تشبه الدوامة قاعدة تبحلق فيه
سيرجيو " ما تبقيش تبحلقي فيا هاك..  ما تحاوليش تشوشيني لأني عن حق معصب منك بزاف "
ميرا " واضح أنك معصب مني " ياخد الكريم من على السرير و يحط منو على فخدها زعجو السروال الشبكي لي لابساه  و لي زاعجو اكثر لبسها القصير عن العادة
سيرجيو " ماش عادتك تلبسي هاك..  كأنو السروال هادا أقصر من اللازم..  ماكيش حاسة بالبرد "
ميرا " أبدا..  ماني حاسة بشي.. شريتو يوم تسوقنا مع بعض"
سيرجيو" مممم.. لو انتبهتلك كنت منعتك"
ميرا " ما منعنيش حتى زوجي لما شافني.. خف عالجني عندي حكي معاه " يرفع راسه ناحيتها بنظرة غضب
سيرجيو " زوجك..  هههه لو كنت عارف أنو زوجك ما كنتش جلدتو يومها حفاضا على مشاعرك " تحط ميرا يدها على خده بحنية و قالت بهمس " ترجع شخص ثاني لمما تعصب "
يبعد عليها لحظتها و يجمع يديه عند صدره " تصرفاتك رجعت غريبة..  الظاهر حالتك راهي تسوء اكثر " تبتسم ميرا و تقوم من مكانها تلبس معطفها و هي تقول " ابدا..  نتا سبب التغيير هذا..  راني رايحة درك..  نشوفك من بعد " تروح و تخليه عيونه معلقة مع لبسها اكثر شي..  يعني من وقت جاو البنات و هي صارت غريبة و درك قاعدة تقلدهم فلبسهم.
سيرجيو " غيرتك هادي ما فهمتهاش "