#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـثــانـيـة و الـسـبـعـــون بعـــد المـئـــة♧
خلونا نفتو وقت.. بعد أسبوعين كان كل مشارك يتمرن لوحده باه يحقق الإنتصار و يفوز بالرحلة.
ميرا خارج حدود المنطقة الخاصة فقلب الغابة تعمل تمريناتها. و سيرجيو على بعد مسافة منها يقدف ليها الأهداف فالسما و هي تقنصهم. مهما حاول يغدر بيها هي تكون متأهبة فأي لحظة. لي ازعج سيرجيو لما كانت مرة على مرة تسقط طير من على الشجرة بعد ما تستهدفو. و هو إنسان صديق للبيئة
ميرا تنزل سلاحها بنظرة إحباط.
ميرا " ندمت على رأيي.. ماحاباش ندخل المنافسة "
سيرجيو " علاه.. حابة تستسلمي قبل ما تبداي "
ميرا " معظم لي هنا قناصين.. ماشي شيء مميز "
سيرجيو " لكنك مميزة بينهم.. و جريئة " تشوف ميرا للعدم بشرود و فبالها يدور كلام رضا. و رجعت تقدمت لسيرجيو و قالت " جربت شعور نكون دمية جنـ..سية.. لكن ما جربتش نكون دمية متحركة.. و ماحاباش نكون دمية أصلا "
سيرجيو " علاه تحكي هاد الكلام درك "
ميرا " رضا حذرني من أنو نستفز السيد آدم "
سيرجيو " علاه عاود رجعتي استفزيتيه "
ميرا " نستفزو بقوتي.. هو يكره النساء القويات.. كنت حكيتلك على إسراء.. تتوقع يرجعني كيفها؟.. ما أنا تقريبا كيفها.. مي..تة فبلدي عايشة فقلب عصابة مافيا"
سيرجيو " قاعدة تخوفيني ميرا.. واش حكالك رضا "
༺༽Flashback༼༻
وقفت ميرا مقابلة رضا بعيدا عن مسامع وليد و سألت
ميرا " تفضل سيدي.. الموضوع يخص المهمة صح؟ "
رضا " أبدا.. الموضوع يخصك نتي.. ما تتباهايش بقوتك هنا.. الامر راح يرجع عليك بالسلب.. ماش السيد آدم لي يفتخر بأعضاؤو الأقوياء.. و لي نقصدو بالقوة ماش القوة لي تعرفيها.. و إنما قوة عند ناس قلال بزاف.. تاع إنسان يتعرض للأذى و لكنو يصمد.. برأيو هو الوحيد لي صمد بعد ما عاش حياة صعبة لكنو لما قابل إسراء استفزو الأمر و بقا ملاحقها حتى خلاها درك اسيرة عندو و ما عندها أي حل غير أنها تبقى أسيرته.. سيد آدم يحب يشوف غيرو منهار و خاسر و لي يقوى يحب يكسره تماما كوما عمل مع إسراء فما تخليش روحك تلحقيها. هادي نصيحة من شخص يعرف السيد آدم من يوم فتح عينيه على الدنيا " راح رضا و خلاها مكانها تستوعب كلامو..
༺༽Back༼༻
ميرا " طلب مني ما نستعرضش بقوتي.. عرفت درك علاه حابني ننتقم من ديڤ قدام الجميع.. حابني ننهار قدامهم و هاك يستمتع بشوفتي ضعيفة.. و إلا راح نكون ضحية جديدة" تقدم منها سيرجيو حط ييده على خدها بنظرة غضب
سيرجيو " تتوقعي أنا نسمح بهاد الشي.. بسبب المافيا و أفعالهم هربت اختي و ما هتميتش بواش ممكن يصرالي.. و مستعد نكرر فعلتي بدون ندم "
ميرا و هي تحط يدها على ذراعو " كونك قد كلمتك سيرجيو.. قادرة فلحظة نروح بدون رجعة.. خليني نرجع ندرب.. حابة نعمل شي مميز فالمنافسة.. و نتا حميني من آدم هاداك "
يحب ثقتها بنفسها و يحب أكثر ثقتها بيه.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Narrativa generale♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
