#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـثـــــــالـثـة و الـثـلاثــــون بعـــد المـئـــة♧
جاد واقف مقابل الرجال لي كانو فالتدريب وقت تقدم منه رضا و قال بنبرة احترام
رضا" نقدّر سيدي عفوك عليهم.. و اكيد راح يرجعو حق المنظمة "
جاد " لازم يرجعوه.. ماكانش خيار ثاني متاح "
رضا " أكيد سيدي.. بالنسبة لوليد.. واش حاب نعملو فيه حاليا"
ابتسم جاد و سأله " كيفاه كان رد فعل ميرا وقت سمعت "
رضا " انصدمت و فقدت أعصابها "
جاد " كان لازم نشوفها فداك الوضع.. جهز الوراق لي يوقع عليها.. باه نضمنو ما يغدرش لازم يوقع على حياتو.. و لقاولي الخاين فأسرع وقت.. لازم ينقت..ل قدام عينيه.. باه يعرف واش معناها الغدر فمنظمتنا "
رضا " أمرك سيدي.. وكلتهم بالمهمة و راح ينفدوها فأسرع وقت "
جاد " بالمناسبة.. استدعي ميرا رفقة سيرجيو للفيلا و جيبو وليد أيضا"
رضا " كاين شي مخطط فراسك سيدي.. ماش من عادتك تستدعي أعضاء من المنظمة للفيلا الخاصة بيك "
جاد " حاب نستمتع فقط "
رضا" أمرك سيد جاد "
ـــــــــــــــــــــــــــــــــــــــــــــــــــــــــــ
ميرا قاعدة تراقب من بعيد الرجال حولها بصمت وقت تقدم منها واحد منهم و قال " أهلا ميرا " تلتفتت ليه و ردت ببرود
" أهلا "
ماثيو " مبارك.. فغضون فترة قصيرة قدرتي تكسبي ود آدم"
ميرا " ماكانش عندي هاد الهدف من البداية.. و لكن حبيت فكرة أني نكون شخص مميز فالمنظمة "
ماثيو " صح.. أنا راق لي انضمامك لينا.. على عكس الكثيرين هنا.. حاسين بالغيرة منك.. خصوصا بعد الإهانة لي تلقاوها البارح.. لكن بالفعل اعجبت بيكي.. كيفاه قدرتي تحقي مهمة لوحدك بدون مساعدة "
ميرا " كأنو استجواب.. ولا حاب تاخذ سر مهنتي" يضحك ماثيو على كلامها و يضرب بيده على رجلها و هي تكتفي بتحريك عينيها ناحية يده و تقول بهمس " يدك "
ماثيو " لطيفة بزاف.. واش من سر مهنة.. رانا ف.. " تضربو بكوعها لوجهو فلحظة غفلة و هو يحكم فنييفه لي رجع ينزف بألم و نظر ناحيتها بغل، راح يهجم عليها و هي ما بدلاته بأي ردة فعل فقط قامت من مجلسها و ابتعدت عنه خطوتين و الرجال سارعو منعوه يقترب منها
ماثيو " واش حاسبة نفسك.. واضح أنك اغتريتي بعد مدحو لكي.. لكن راح ينتهي بيك المطاف عشيقة للسيد آدم "
ميرا " مرة ثانية ما تحطش يدك عليا بدون رضاي "
ماثيو " هه.. كأنو ما نعرفوش واش صرا فيك قبل ما تجي للمنظمة"
ميرا " إذا راك تحاول تستفزني فراك تعب نفسك برك.. ماراح يستفزني حتى شي" تلف و تروح مكملة طريقها و هي تشوف فيدها و تقول " أعتذر .. إذا كانت الضربة أقوى من اللازم"
يفك ماثيو نفسو من بين يديهم بعصبية و يقول " هاد الحقي..رة .. جات بعدنا و راها تتعامل بتسلط.. حتى مكانتها صارت اعلى رغم لي حنا أقدم منها .. و لكن.. راح نشوفو مين لي راح يبقى.. و تبا ليها و لآدم لي مستعبدنا". بقاو الرجال يشوفو ليه بصمت متفاجئين من كلامو و هو راح بخطوات تهز الأرض تحت أقدامو.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Ficção Geral♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
