#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـثـــامـنـة و الـتـسـعـــون بعـــد المـئـــة♧
مرت أربع أيام بعدها. ميرا رجعت للمنطقة الخاصة و لكن ناتالي وضعها كان ما يسمحش كونها تعرضت لتسمم تعب جهاز تنفسها بزاف.
في صباح يوم جديد ميرا صحيت على صوت كارلا و لي كان جايب خبر ما توقعاتوش كامل.
ميرا " واش كاين على الصباح؟ "
كارلا " السيد آدم و رضا طالبينك تحت "
ميرا " علاه واش كاين؟ "
كارلا " شي ليه علاقة بمهمة تخصك "
ميرا " مهمة؟.. راني نازلة ".. قامت ميرا بهدوء غيرت ثيابها، دفات جسدها و نزلت وين كانو واقفين على بعد امتار منها و الغريب كان وليد لي واقف و بجوارو حقيبة سفر شي لي زاد قلقها.. شافت حولها على سيرجيو ماكانش و كملت سير لين ما لحقت مقابلة جاد.
ميرا" أهلا سيدي.. خير واش من مهمة عندي "
جاد " عارف أنو مازال ما طاب جرحك.. و لكن الأمور تستدعي تروحي اليوم للجزائر "
ميرا بصدمة " اليوم؟.. علاه تبدل القرار فجأة "
رضا " موضوع ما يحتملش التأجيل.. من بعد نرسلك التفاصيل"
ميرا بإنزعاج " لكن.. مانيش جاهزة كامل "
رضا " الأهم وراقك و راهي جاهزة.. بالنسبة لثيابك فدقائق تقدري تجمعيهم "
جاد بإبتسامة " إذا تقصدي سيرجيو.. فهو عندو مهمة أيضا.. روحي جهزي نفسك "
وليد " راح نجي نساعدك إذا حابة "
ميرا بقحرة " ما ستحقيتش.. و وينتا الرحلة "
جاد " بعد ساعة.. ما يكفيش الوقت تودعي أصدقاءك.. أسرعي" تشوف ليه مطولا بنظرة مزيجها الحزن و الترجي.. كانت تخاف من إقتراب موعد الفراق و لكن حظورو المفاجئ و بغياب سيرجيو.. شي ماكانش فالحسبان.
ميرا " أمرك سيدي " سارت ناحية الغرفة و هي تحاول تتصل بيه لكن هاتفو كان مغلق. كي العادة لما يكون فأي مهمة
صعدت لغرفتها جمعت أغراضها بأبطأ ما يكون.. تحاول تربح ثواني اكثر لصالحها.. الصباح ما شافتش سيرجيو.. ما ودعاتوش.. ما خبراتوش يعتني بنفسو و يبقى بإنتظار عودتها.. ينتظرها لأنها راح ترجع شي يوم لأحضانه مهما طالت الأيام و بعدت المسافات بينهم. كارلا كانت مستغربة كونها ماكانتش سامعة بالمهمة هادي و لما شافتها تجمع حقيبتها تساءلت بفضول.
كارلا " واش كاين.. وين رايحة "
ميرا " رايحة نهنيك مني.. تقدري تجيبي وحدة من البنات ترافقك فالغرفة بدالي "
كارلا " واش قصدك؟ .. علاه وين آخدينك "
ميرا " مهمة طويلة الأمد ( تغلق السحاب و تلتفت ليها) لكن ما تتوقعيش أنو راح يخلالك المكان بقلب سيرجيو.. مكاني فقلبو محجوز على الدوام "
كارلا " يعني مهمة فمنطقة ثانية.. و لا خارج البلد أصلا "
ميرا " ما يهمكش التفاصيل "
كارلا "على كل حال.. بالتوفيق.. نتمنالك مهمة ناجحة "
ميرا بهمس " إذا ما نجحتش تما نهايتي " تساعد كارلا ميرا باه تنزل الحقيبة للأرض و تستطرد " راح نزلها معك.. نتي مازالكي مريضة" تسبق و هي تجر فيها و ميرا خلفها بقات ثابتة للحظات حاسة أنو كارلا سعيدة بهاد الفرصة و لو ماظاهرش على وجهها. هي فرصة من ذهب بالنسبة لها.. تتوقع أنو سيرجيو يخلي بابو مفتوح لضيف جديد بعدما تغادر ميرا.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
General Fiction♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
