#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الســــابعـــــــة بعـــد المـئـــة♧
ميرا فبيتها قاعدة و سيرجيو يحقن ليها الإبرة و هي خزرت ليدها بإنزعاج " شحال مزعج هاد المرض "
سيرجيو" هو مزعج أكثر للناس لي ما متوفرلهمش العلاج.. يعني مشاكل فالمفاصل و غيرها.. واضح أنو أهلك كانو مهتمين بيك مليح "
ميرا " زعما درك راهم حاسبيني مي.. تة"
سيرجيو و هو يضم الثلج فالكيس و يعملو على خدها" أكيد وليد يكون خبرهم بلي تو. فيتي"
ميرا "أنا متهورة أكيد"
سيرجيو " مازالك شاكة بعد لي عملتيه.. علاه وافقتي باه تنضمي لينا "
ميرا " حابة نرجع كيفكم.. مليت من المسلسلات حابة نعيش المغامرة فالواقع.. آااه تفكرت " حكمت تيليفونها حوست على الحلقة لي كانت تابعها من المسلسل و قالت " كي عيطلي آدم كنت نفرج و حبست فنص الحلقة " تبسم سيرجيو من تصرفاتها المتقلبة و سألها" كيفاه جاتك باه قلتي ديك الجملة ليها "
ميرا" هو خبرني أنو كان يحب يجمع البنات فزنزانات خاصة كيف الدمى يتحكم بيهم و إسراء كانت دمية أساسية باه يحصل عليها حرر كامل البنات لخرين " عقد حواجبو و قال سيرجيو"ماش بعيدة عليه.. تصرفاتو دايما غريبة.. مرة ثانية ما تحكيش كلام زايد حتى آدم ماهوش ساهل"
ميرا و هي تخزر لتيليفونها" العالم كلو ماهوش ساهل.. تحب تتفرج معاي و لا تسكت" حطلها ثلج فيدها و رد " نروح نكمل شغلي.. غدا راح نعرفك بالقواعد "
ميرا " اوكي.. نشوفك غدا " لوحت ليه بيدها متبعاتو بعينيها حتى غلق الباب و رجعت مدت روحها على فراشها حاطة الثلج على خدها و تابع الحلقة وين حبستها.
أما سيرجيو فراح ناحيت زنزانة ديڤ لي كان قاعد على سريرو وقت انتبه ليه ضحك على جنب و هو يخزر ليه
ديڤ "الظاهر توحشتني.. ما مداريش تزورني مرتين فاليوم"
سيرجيو " الخائن لي كان يسرب المعلومات لأختك.. قبضو عليه و تق..تل" راحت إبتسامة ديڤ و استوطنها نظرات غرور باردة "جاي تخوفني زعما"
سيرجيو " ميرا هي لي خلصت عليه.. برصاصة فنص راسو.. رغم لي ما حبيتش هاد شي إلا أنو حبيت نخبرك باه تعرف واش راه يستناك.. كان انضمامها للمافيا الشرط الأول و الشرط الثاني راح يكون مفاجأة ليك "
ديڤ " هه.. مادامني عايش 5 سنين بلا ما تعملو فيا أي شي.. أكيد راني اهم من أني ننقتل"
سيرجيو " كوما قالت ميرا.. كاين أساليب تعذيب ما تقتلش.. نشوفك غدا" راح سيرجيو بعد ما شاف ديڤ.. كان هدفو من زيارتو ليه أنو يتقبل رأي ميرا بعد ما يشوف وقاحة ديڤ".
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Fiksi Umum♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
