أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐

♧الحلقـــــــــــــة الـواحـــدة و الـسـتـــون بعـــد المـئـــة♧

#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة

♧الحلقـــــــــــــة الـواحـــدة و الـسـتـــون بعـــد المـئـــة♧
كامل الاعضاء لي ساكنين فهاداك المبنى مجتمعين يتناولو العشاء و البنات معهم.  سيرجيو تفقد كامل الطاولات و ميرا ماكانتش معاهم.  اِلتفت لكارلا و سألها.
سيرجيو"  كارلا..  علاه ما نزلتش ميرا تتعشا " تتلفت حولها و و قالت ليه " ماكانش فالغرفة..  توقعتها كانت معاك " مسح على وجهه بضيق عرف أنو تصرفه قبل قليل جرحها..  كونها لقات ذكريات من طفولتها الضائعة و هو لم يكترث شي أكيد يكسر الخاطر. 
كارلا " نروح نشوفها..  يمكن تكون فالحمام "
سيرجيو " لا خليكي..  نروح أنا نشوفها " وقتها يدخل رضا للمبنى و بدخولو يتحتم عليهم كامل يوقفو حتى لي اللقمة في فمه لازم يبلعها.  لما سكتت أصوات الكراسي بدا كلامو.
رضا " غدا راح نرجعو اعتبار المنظمة بعد العملية الفاشلة لي فاتت..  هاد المرة الفشل يعني نهايتكم..  راح تعملو كلش كوما علمتكم.. الأشخاص لي راح ناديهم هوما لي راح يشاركو فالعملية "..  بدا ينادي بالواحد و هوما يعلنو حضورهم حتى لحق إسم ميرا وقتها قال سيرجيو"  ميرا.. ماهاش هنا سيدي "
رضا " عارف.. ناتالي.... " استرسل في نداءهم حتى أنهى القائمة و استرسل " غدا كامل تكونو جاهزين فالوقت..  ما نقبلش اي غلطة..  كملو ماكلتم و بلغو ميرا وقت ترجع "
غادر رضا و سيرجيو  شاف قدامو بإنزعاج
كارلا " الظاهر كان عارف وينها ميرا..  تكون فأي مكان هنا ما تقلقش..  ارجع خلص عشاك "
سيرجيو " خلصو عشاكم..  بصحاتكم..  ما بقاليش نفس " يخرج سيرجيو يجري لاحق رضا
سيرجيو " سيدي "  التفت رضا ليه و هو استرسل
سيرجيو " ممكن نعرف وينها ميرا.. الظاهر من كلامك أنك شفتها "
رضا" كانت فمباني التدريب..  مهاراتها راهي تتحسن أكثر فأكثر ..  حتى فالليل بارعة..  راح تكون غدا مع القناصين المراقبين " يروح رضا بعد ما كمل على آخر عصب لسيرجيو لي أسرع الركض ناحية المباني.  ميرا لي كانت تتمرن وقت شافت سيرجيو ارتفع حاجبها و بتهور وجهت السلاح ناحيته بعد ما نزعت كاتم الصوت حتى شاف خط الليزر بجنبه.  التفت للأعلى و راح يصعد ليها و فثانية ضربت رصاصة جنبو عملت صدى كبير  خلاتو يتوقف في رهبة.  ابتسمت ميرا و جمعت أغراضها و نزلت  الدرج بينما جمع هو يديه عند صدره بنظرة عضب.  سارت بخطواتها المستقيمة و على ظهرها محفضة القناصة ابتسمت ابتسامة جانبية و هي تشوف ليه ثم تخطته بدون اهتمام و هي تقول " نعتذر..  حبيت نتسلى فقط "
سيرجيو" واضح أنها تسلية فقط.. علاه ما جيتيش تتعشي "
ميرا " ما عنديش نفس نتعشى درك "
سيرجيو " تعصبتي مني لي ما شفتش صورك " تلتفت ليه و هي مازالها تمشي و ترد بثقة " علاه نتعصب..  راني نبان معصبة..  نتا آخر شخص قادر يعصبني " يمسك دراعها يلفها ناحيته و يقول " ميرا.. ممكن نعرف علاه راكي تتعاملي معاي هاك " تبحلق فيه مطولا بأسلوبها المعتاد و تستطرد " هي 3 أشهر..  جرب فيها تغيرني للأحسن..  راح نكون فهاد الثلاث أشهر مثل العجينة..  تشكلها بالشكل لي حابه..  بعد 3 أشهر ما نضمنلكش تقدر تعمل اي شي "
سيرجيو باستغراب " علاه 3 أشهر  "
ترفع ميرا كتفيها و تهبطهم و ترد
ميرا " أقصى مدة نقدر نقدمهالك..  ( تتقدم منو أكثر و تكمل)  سيرجيو..  أنا إنسانة شريرة وقت يتعلق الموضوع بأشياء تخصني..  ما تخلينيش نظهر هاد الجانب هنا..  لانو مصيري راح يكون الإعد... ام. " ترجع تكمل سيرها ناحية صالة القنص و سيرجيو لي ما فهمش مقصدها مرر يده على شعره بضيق..  حاس أنو دخلاته ميرا متاهة ماعارفش ليها مخرج.