#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة التـــــــاسـعة بعـــد المـئـــة♧
خلونا نفوتو يامات. ميرا عرفت صوالح بزاف ماكانتش عارفتهم على المافيا و كانت الدروس ممتعة رفقة سيرجيو بما أنو أقرب واحد ليها فالمكان هادا .
فالليل قاعدين برا على كراسي و بجانبهم طاولة صغيرة حاط عليها حاسوبه اللوحي و يمرر فالصور تاع شخصيات و كل وحدة يعطيها عليها أهم المعلومات لي لازم تعرفها عليه. ميرا متكية على يديها ( ركيزة الهم) و مركزة مع الصور.
ميرا " هادا والد الحقير لي عنا.. علاه مازال ما استغليتوش وجودو باه تنتصرو عليه "
سيرجيو " الموضوع ماهوش بهاد البساطة.. يعني ديڤ ورقة وحدة.. لازم نعرفو كيفاه نستغلوها مليح فالوقت المناسب "
ميرا " و هو ما علابالوش بلي ولدو راه عند آدم "
سيرجيو " حتى و يكون عارف ما يقدر يعمل حتى شي.. لأنو فالنهاية راح يكونو الخسائر كبار بالنسبة ليه"
ميرا بهمس "المصلحة أسبق"
سيرجيو " راح نقلب الصورة.. صورة ديڤ هي الموالية " عقدت حواجبها في تخوف و وقت قلب الصورة غمضت عينيها و لفت ناحيت كتف سيرجيو غطات بيه بوجها. مازالها ما تحبش تشوفه لأنو كل كوابيسها هو البطل فيها. عصرت ميرا على كتف سيرجيو بقهر و قالت "كيفاه راح نفذ الشرط الثاني و أنا حتى وجهو ماقادراش نشوفو" قلب سيرجيو صورتو بسرعة و انتبه تشبتها بيه بديك الطريقة و لي فكره من قبل كيفاه كانت ما تسمح لحتى حد انو يحط يدو عليها تبسم بتعجب من الظروف لي تغير الانسان
سيرجيو " صح ما نعرفكش بزاف من غير لي حكاهلي ديڤ عليك.. و لكن راني شايف شحال تغيرتي على من قبل " تبعد عليه و هي مركزة مع عينيه
ميرا " واش تغير فيا "
سيرجيو " بزاف صوالح.. نبرة صوتك.. تصرفاتك.. شخصيتك.. حتى مبادئك.. حتى شكلك تبدل فهاد الخمس سنوات.. ما علاباليش إذا العمر غيرك و لا الظروف لي عشتيها"
ميرا " كل شيء راه طي النسيان.. شي لي نخاف منو أنو ترجع ذاكرتي و ننصدم من نفسي.. و راني فتساؤل دائم أي ميرا راح نكمل بيها باقي حياتي"
سيرجيو " ماهمش شخصين منفصلين.. نتي نفسها ميرا القديمة و مهما تغيرتي راح تبقي نفس الشخص "
ميرا " و أي وحدة حبيتها كتر.. ميرا القديمة و لا هادي " سؤال غريب طرحاتو على سيرجيو حك فدقنو بحرج و هو يدور وجهو بعيد و قال " ما نقدرش نقولك مين أفضل لأني ما نعرفكش من قبل " حكمت خدو و دورت وجهو ليها قابلاتو بنظرة غريبة فعينيها
ميرا " ماكانش هادا سؤالي.. قلت مين حبيت ماشي مين أفضل" ينظر سيرجيو ليها بتركيز متوتر من سؤالها و لمسة يدها و نظرتها لي يحسها دوامة تسحبو
سيرجيو " واش تقصدي بحبيت " تبعد يدها و تلتفت للحاسوب اللوحي
ميرا بهمس " نيتك ناقصة "
سيرجيو " واش قلتي "
ميرا " إذا خبرتني مين تحب أكثر نعرف مين لي كانت أفضل.. ما يروحش فكرك بعيد"
سيرجيو " ماراح حتى لمكان.. قلتلك ما نعرفش ميرا القديمة بزاف باه نحكم عليها "
ميرا " بدون ما نشوف صورتو.. واش المعلومات لي تخصو "
سيرجيو " تحبي تغيري المواضيع فالنص "
ميرا " إذا فتحت هاد الموضوع راح تندم.. خلينا نركزو فالشخصيات "
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Tiểu Thuyết Chung♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
