#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـســــادسـة و الـتـسـعــــون بعـــد المـئـــة♧
ميرا و سيرجيو قاعدين فالمشفى يلعبو الشطرنج لما جا وليد و فسد عليهم الضحكة. رجعت ميرا بضهرها ورا تكات على المخدة و سيرجيو نفخ بضيق
وليد " الظاهر زاعجكم وجودي "
ميرا " تتوقع نفرحو بشوفتك.. خاصة سيرجيو "
وليد " جيت نعمل الواجب و نطمن عليك "
ميرا " فضلت.. راني بخير "
وليد " براي خفا باه نرجعو للبلاد.. ما قادرش نتصور فرحة أهلك لما يشوفوك " تشوف ميرا ناحية سيرجيو و تشرد بعقلها شوي
سيرجيو " الظاهر صدقت أنو راح تكون زوجها.. ما تنساش أنو هادي مهمة فقط "
وليد " ما تعرفش واش ممكن يصرا " وقف سيرجيو بغضب راح ناحيته حكمه من ياقة معطفه و قال صارخا " أحسنلك ما تستفزنيش "
وليد " الظاهر راك خايف.. و إلا علاه كامل هاد العصبية " نفتح لحظتها الباب و دخلت كارلا و إيڤا و لي استغربو من الجو المشحون بين الإثنين.
كارلا "مساء الخير.. واش كاين هنا" يبعد سيرجيو عنه راجع ادراجه لمكانه الأول و استطرد " ماكان والو "
إيڤا " كيراكي اليوم ميرا "
ميرا " بخير.. شكرا "
إيڤا" جينا مع ناتالي وقعت من فترة " تلفتت لوليد و استرسلت
" وليد.. الشك كان فمحله.. ناتالي حامل " كلهم التفتو ليها باستغراب و وليد ما حصا باش بتلا..
وليد "واااش.. وين راهي؟ "
إيڤا " مازال مغمى عليها فالطوارئ أبخرة المعمل أثرت على تنفسها من جديد.. البنت هاديك ما تسمعش الكلام " خرج وليد يجري ناحيتها و كارلا نفخت بإنزعاج من تصرفه
كارلا " اكيد ماهوش مقلق عليها.. همو الحمل فقط "
سيرجيو " واش قصدك "
كارلا " نتوما ما علابالكمش.. ناتالي حامل منه " ابتسم باستهزاء و استطرد " هه.. ما خلا بنت فهاد الأرض ما استغلهاش "
ميرا " زوجي الخائن هههههه "
سيرجيو " ما تزيديش تقولي هاد الكلمة قدامي " بلعت ميرا شفتيها و هي تشوف ليه و كارلا انزعجت من غيرتو عليها.. أكيد مازالها متعلقة بيه ووتستنى الفرصة تسنح و تدخل بينهم. و بالنسبة لوليد.. موقف لا يحسد عليه .. درك بصعوبة راح يحاول يخرج من بركة الوحل لي غرق فيها أكثر.. فوق كل اعمالو الوسخة زاد حبة كرز.
نزل يجري ناحية الإستعجالات وين كانت ناتالي ممدودة فاقدة وعيها و عاملينلها أكسجين . وقف بجوارها و هو حاس بالغرابة.. يعني إذا ما تصرفش درك.. إحتمال يصير أب بعد بضعة أشهر. التفت لبطنها لثواني قبل ما تكسر نظراته الممرضة لي تقدمت تتفقدها
وليد " ممكن نسالك على وضعها "
الممرضة بإبتسامة " المواد لي تعرضت ليهم أثرو على تنفسها.. و لكن البيبي سليم.. نتا أب الطفل "
وليد " لكنا رافضين نجيبو طفل حاليا.. تقدر تعمل اجهاض بعد ما تصحى "
الممرضة " رغم أنو حملها تخطى الشهرين.. إلا انو تقدر.. لكن الإجهاض خطر على الأم.. خاصة فسنها هادا "
وليد" حتى هي ماهاش حابة تجيب هاد الطفل.. نتمنى تعملو عملية فاسرع وقت "
الممرضة " ما نقدرو نعملو شي حتى تفيق و يتحسن حالها.. نستأذن منك " غادرت الممرضة و هو بإنزعاج بادي على وجهه شاف ناحيتها. علاه ما تفهمش انو هو كان هذفو من تلك الليلة المتعة فقط و ليس شيئا آخر.
..... يتبع ♟️
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
قصص عامة♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
