#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـثــــامـنـة و الـثـــلاثـــون بعـــد المـئـــة♧
ميرا فغرفة التدريب على القنص ترسل طلقاتها لمنتصف الهدف بشكل ثابت. و سيرجيو من بعيد يتابع فيها بصمت. رغم أنو اليوم إجازة إلا أنها من وقت رجعت من بيت جاد و هي تتدرب. تقدم منها بعد فترة و حكم دراعها نزلو و هي اِلتفتت ليه و رجعت بعدت السماعات على ودنيها
ميرا " واش كاين؟ "
سيرجيو " والو.. يدك ما وجعاتكش؟ "
ميرا " أحسن ما يوجعني راسي من التفكير .. و عارفة انو حتى نتا ماكش قادر تتوقف عن التفكير "
سيرجيو " فاش قاعدة تفكري نتي "
ميرا " أنو وليد هاداك عندو حظ كبير.. عمل ذنب و هرب و رجع متزوج و بدل ما يتحاسب هو.. تحاسبت أنا على خطيئته . و درك بعد كل هاد السنين لقيتو و حبيت ناخذ حقي منو.. و دخلتو فقلب عصابة مافيا باه ياخذ الجزاء الأوفى.. خرج منها كيف الشعرة من العجين و دا جزاء يسير و رجع من رجال المنظمة.. يعني واش عامل في حياتو باه قدر ينجو من العقاب بهاد الشكل "
يتقدم سيرجيو من الجدار و يتكى عليه و يقول و هو مش مقتنع اصلا بكلامه " على الأقل كان آدم كريم و عطانا فرصة نخلفو منه "
ميرا " كنت حاب نتا أكثر "
سيرجيو " كنت حاب يكون المو..ت نهايتو "
ميرا " راح يجي يوم تق..تلو فيه.. حتى شي ما يبقى على حالو"
ترجع ميرا السماعات لودنيها و سيرجيو ينزعهم و يقولها
" خلاص وقت التدريب.. خلينا نخرجو"اخد السلاح من يدها حطو فمكانو و رجع سحبها من يدها و هي تراقب فيه بصمت.
ــــــــــــــــــــــــــــــــــــــــــــــــــــــــــــــــــــ
وليد فزنزانتو ممدود على بطنو و الوجع يقطع فيه.. حاس بكل جلدة كانها خط من نار على ظهرو.
ديڤ لي كان يتغنى بصوت أنين وليد، واقف عند باب زنزانتو و ينظر ناحية زنزانة وليد يابتسامة ساخرة يستهزا بيه
ديڤ " مازالك تتوجع.. نستدعيلك الطبيب.. راني خايف تموت من الوجع.. ههههههه " وليد يسمع ليه وماقادرش يرد و لما ما تلقاش رد منه استرسل فالحديث
ديڤ " ميرا فخور بيها بزاف.. للحظة درك ندمت أني عاقبتها هي بدالك.. و لكن لو ما عملت داك شي ماكانتش راح تنتقم منك " يرجع يروح لسريرو يتمدد عليه بإبتسامة، حاس كأنو عطاتو الحياة هدية. فعلة وليد خلات الكل يفرحو بالأذى لي يتعرضلو.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Ficción General♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
