أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐

♧الحلقـــــــــــــة الخــامـســة و الأربـعـــون بعـــد المـئـــة♧

#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة

♧الحلقـــــــــــــة الخــامـســة و الأربـعـــون بعـــد المـئـــة♧
سيرجيو نايم في غرفتو بعد يوم متعب لكن ميرا ما تخليهش فحالو..  من النوم لنوم صحاتو بيه بالرجل لي كان معاه  بطرقات قوية على الباب. قام مفجوع من بلاصو فتح الباب و هي زدمت عليه تتكلم بسرعة
ميرا " وليد..  حاول يخطفني..  كان يحاول يخطفني..  وكان ما صحيتش كان راح يخطفني " سيرجيو عقد حواجبه مستغرب كلامها الغير منطقي و لكن لسبب ما كان ممكن. حضنها و حط يده على راسها يحاول يهديها  بعد ما كان جسمها كلو يرعش مبلول من الثلج لي رجع قطرات غرقت ملابسها و شعرها. ثواني و لحقها وليد و هو يلهث.  ما إن شاف سيرجيو محضنها نقلب وجهو و سيرجيو اكيد ماراحش يكون مبتسم.
سيرجيو " واش راهي قاعدة تقول ميرا "
وليد يمد يدو لكتفها يسحبها بعيد عليه و عيونو تطلق شرر
وليد " الظاهر راك مستغل وضعها غاية..  ما تزيدش تلمسها سمعت "
سيرجيو بسخرية " ههه..  ما تقوليش راك تغير عليها "
ميرا " أبعدني يا حق.. يير..  سيرجيو..  الوغد هادا كان رايح يخطفني..  لقيتو دايني برا"
وليد " أنا لي شفتك تمشي برا رحت باه نشوف شكون لي خرج..  لقيتك واقفة برا بهاد اللبس و الظاهر كنتي ناعسة و تمشي " سيرجيو يشوف في ميرا مصدق كلامو لأنها كانت تصرالها بزاف في بدلية خروجها من حالة اللاوعي لي كانت فيها
سيرجيو " ميرا.. معقول تكوني رجعتي تمشي فنومك "
ميرا بغضب مكبوت" يعني راك مصدقو "
وليد " هادا لي صرا..  رحتي قعدتي مقابلة الجثة لي راهي معلقة برا فهاد البرد بلا ما تحسي "
ميرا " أسكت أنت..  ماتحاولش تكذب..  وين كنت رايح بيا احكي" وقتها دخلت فصلب الحوار كارلا لي كانت فاقت على صوتهم و خرجت تشوف واش كاين و ماش هي الوحيدة لي صحات. 
كارلا " لي قاعد يقولو صح..  شفتك وقت خرجتي و ناديتك لكنك ما رديتيش عليا..  قلت أكيد منزعجة من وجودي و ماحاباش تردي عليا فما اهتميتش " تلتفت ليها ميرا و البقية  واقفة على بعد خطوات جامعة يديها عند صدرها ولابسة ثياب فاضحة جدا ( الصورة)، وليد عينيه دارو بمنظرها و نسا للحظة ميرا لي جنبو.  سيرجيو هو الآخر نزلو عينيه على جسدها لكنو التفت لميرا و حط يده على راسها
سيريجو " ميرا.. اكيد هادا صرالك بعد لي شفتيه..  يعني صدمة لي تعرضتيلها اليوم ماش قليلة " هزت راسها بنفي لكلامو ماحاباش تقتنع أنو نفسيتها قاعدة تسوء من وقت انضمت للمافيا
ميرا " مستحيل..  أنا ما تعرضتش لصدمة.. كل ما في الامر اني نخلعت من منظر الجثة..  ما يوصلش بيا الحال نمشي فنومي..  أكيد هاد الاثنين متفقين عليا "  خرجت وقتها إيڤا و ناتالي يستطلعو الأمر. 
إيڤا " هادي عادة عندكم تصحو فهاد الوقت..  نتمنى ما تكونش لأنو ماراحش نسكت " تلتفت ليها كارلا و تجاوب عليها
كارلا " صاري سوء فهم بين الثلاثة هادو "
ميرا " الظاهر راكم تستمتعو بالعرض..  احسن شي ترجعو لغرفكم "
إيڤا" ماهوش عرض مسلي..  أحسن شي تنقصو حسكم..  ناس حابة تنعس "
ميرا " تتوقعي مني نعتذر منكم "
ناتالي بنص ضحكة " هه..  راهي تستفزني هاد البنت" تلتفت ليها ميرا بنظرة غضب و قبل ما ترد قاطعها سيرجيو
سيرجيو " يا الله كل واحد يرجع لغرفتو..  ميرا اجي معاي " يسحبها سيرجيو من يدها و وليد يوقف في طريقه و يقول بنبرة غضب " خليها حتى هي ترجع لغرفتها..  وين رايح معها "
سيرجيو و هو يبعد فيه على طريقو " ما تخلينيش نتعصب منك..  بسيف راني حاكم روحي عليك..  حطها فراسك ميرا ماهاش زوجتك بعد اليوم " دفعه بعيد عليه و سحب ميرا ناحية الطابق الارضي. ناتالي و كارلا و إيڤا استغربو كلامو.
ناتالي " هادي زوجتك؟  واو..  ما توقعتش نلقى اثنين متزوجين فالمافيا"
وليد " قصة ماراحش تفهموها.. نعتذر على الإزعاج..  كل واحد يرجع لغرفتو " يفترقو كلهم فالأخير و وليد اكيد راح يرجع يتجسس على لي نزلو تحت.