#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـخــــامـسـة و الـسـبـعــــون بعـــد المـئـــة♧
حـــــــــــان الــــــــــوقــــــــت..
ارتجافة يدي ميرا زادت و قلبها فقد ثبات نبضاتو.. وقفت و تقدمت نحو الوسط و هي عاصرة على قبضتيها و قالت بصوت هادي معضمهم ما سمعوهش.
ميرا " ماكانش لي يقوم من مكانو.. عندي عرض صغير ليكم"
تهامسو بين بعضهم يتساءلو واش قالت و رضا تقدم حكا بدلها.
رضا " العرض مازال ما خلاصش.. ميرا راح تقدم ليكم عرضها الخاص هي أيضا " تسير بخطواتها المرتبكة ناحية الداخل و يلحقها سيرجيو يلقاها تطلب من رجلين يسحبوه و لفت بعدها لقات سيرجيو وراها مباشرة.. مسكت دراعه و قالت " عطيني المهدئ سيرجيو " يسحبو من جيبه يفتح الحبة و يحطها في فمها و يمسح على راسها قبل ما يستطرد " ميرا.. مالازمش تبقاي فهاد الخوف.. صدقيني هو أضعف مما تتوقعي لما يكون وحده.. قوتو كلها فالرجال لي يخدمو تحت امرو اما هو درك راح يكون أضعف منك ميرا.. ما تنسيش انك رجعتي أقوى من قبل.. و هاد المرة راني معاك أنا.. نقطعو قطع قبل ما يحط صبعه عليك "
ديڤ " ميراا.. أخيرا قررتي تنتقمي.. ههههههه الظاهر عندك ثقة مبالغ فيها.. ميرا.. صديقتي.. معقول صديقتي ميرا تأذي حد" كان يحكي ديڤ لي يسحبو فيه لبرا و هي كانت عاطياته بظهرها. عصرت على يد سيرجيو حتى كادت تكسرها و هذا الاخير انتبهلها و التفت لديڤ بغضب
سيرجيو " أحسنلك ما تكونش واثق من نفسك.. راح تتألم أضعاف ألم ميرا " ضحك ديڤ عليه و هوما يسحبو فيه و رجت يشوف ليها سيرجيو و نظرة الغضب ظاهرة على عينيها.. بقدر ما خايفة بقد ما متعصبة لأنو قاعد يستحقر فيها بكل ثقة.. لكنو واثق من ميرا النسخة الضعيفة.. بالحقيقة هو مازالو ما واجه نسختها الجديدة.
ميرا " علاه ما نقدرش نقت..لو.. علاه ما نقدرش "
سيرجيو " ما تتهوريش ميرا.. قت..لك ليه يعني مو..تك بعدو.. راح نروحو ورا بعض ميرا "
ميرا " لازم نروح.. مالازمش نخلي هواجسي تسيطر عليا "
سيرجيو " ماكانش هواجس.. كاين ميرا لي ما تهاب حد.. تذكري واش نتي.. تذكري كيفاه انجزتي مهماتك ببساطة.. و بذات البساطة راح تحصدي إنتقامك.. بعد خمس سنوات من الإنتظار.. ميرا ما تخليش الفترة تطول أكثر.. هادي فرصتك و أنا راح نكون درعك " حضناتو مع كلماتو الأخيرة لتستشعر نبضه.. نبض لطالما كان يؤكد لها بأن الحياة تستمر..
تقدمت وهو وراها ناحية الداخل الكل يشوفو لديڤ المربوط على الأرض بحبل و عيونو معصوبين.. أول ما قابلاته رجع الشريط لذاكرتها بالصوت و الصورة و الشعور.. شريط يستدعي حتى الألم نفسو.. نعم.. هو شريط الذكريات بكل قساوته تقدم يعرض نفسه. عصرت على عيونها تحاول تكسر الشاشة.. أو تطفيها.. تهز راسها باه تخفيها. بأنفاس طويلة متتالية تعصر على ألمها و تمشي.. كانها تمشي على الجمر.. معقول كامل هاد الرهاب.. ما التراكم مع الوقت يتصلب. و الوقت لي مضى ماشي قليل. وقفت مقابلة ليه مغمضة عينيها و بصعوبة فتحتهم.. رجعو جفونها للحظة أثقل من باب فولاذي. و لكن.. الكل مقابلينها و لازم تستجمع قوتها و تفتحهم.. قابلت شعر أشقر و جسم هزيل.. هو نفسو.. ديڤ.. عضت على شفتها و دارت تقابل الحضور و قالت " معضمكم يعرفو علاقتي بهاد الشخص.. لي ما يعرفش يسأل.. لأنو القصة طويلة.. و من المقزز ترديدها.. المهم حبيت اليوم بما أنو الكل مجتمعين أني ناخد حقي منو بعد 5 سنوات من التردد.. ما بقاليش وقت طويل فيدي و لازم نعملها.. يا اليوم.. يا ماكانش " تلف ناحية ديڤ تحني مقابلة ليه و عيونها تتجنب النظر لوجهو و تاخد مقص من جيبها بيد مرتعشة تقص قميصة من عليه و هو يضحك و يقول بهمس " كلامك اكبر منك ميرا " بقبضة يدها لي حاملة بيها المقص ضربت وجهه فالمنتصف حتى نزف أنفه و أطلق صوت ألم
ميرا " أحسنلك تسكت.. ماحاباش ننهي على حياتك.. فخاطري ماش فخاطرك "
ديڤ " تتوقعي راح تنفذي بجلدك " رفعت نفس طويل و طلقاته بقوة و هجمت على وجهه بلكمات متتالية حتى تورم كامل وجههو طاح على ظهره. وهي تصرخ فيه باه يسكت. خزرت ليديها لي تغطات بدمه و ابتسمت بإنتشاء. دم عدوها صار بيدها. مسحاته على وجها بعد ما رجعو عيونها يحملو نظرات شخص فاقد عقله. و كملت تمزيق ملابسه من عليه من غير ما يعمل أي شي. رغم محاولاته اليائسة في فك يديه.
سيرجيو واقف على مقربة منها يراقب فيها و جاد مركز مع ميرا فقط لأنو هي الأساس بالنسبة ليه فهاد العرض. أما إسراء لي كانت تراقب فيهم بتركيز شديد قالت فنفسها
إسراء " قريبا راح نال شرف الإنتقام أنا أيضا.. قريبا"
...... يتبع♟️
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
General Fiction♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
