أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐

♧الحلقـــــــــــــة الـســـابـعـــة و الـعشـــــرون بعـــد المـئـــة♧

#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة

♧الحلقـــــــــــــة الـســـابـعـــة و الـعشـــــرون بعـــد المـئـــة♧
نزلت ميرا من غرفتها مجهزة نفسها تحت انظار الرجال فالمنظمة كامل.  كأنهم وقتها عاد استوعبو أنو كاين أنثى فوسطهم. خرجت بخطوات ثابتة لبرا تقدمت ناحية سيرجيو لي بقدر ماكان مبهور بيها بقدر ما انزعج من نظرات الرجال ليها.  ابتسمت لما وقفت حده و سألته " كيفاه جيت "
سيرجيو ببعض الانزعاج" شوفي حولك تعرفي "
ميرا " رايك يهمني " مدت ليه يدها و هو استغرب حركتها.  أمسك بيها و هي لفت لفة حول نفسها تحت يده،  ضحك من عفستها هاديك و بادلاته بإبتسامة و قالت " تمنيت نعملها شي يوم..  و المرة لي فاتت غابت عن بالي بسبب توتري"
سيرجيو " و درك..  ماكيش متوترة "
ميرا " أكيد..  لأنك ماراكش جاي معاي..  حاسة بالضغط فبطني"
سيرجيو " ديتي معاك إبرة للإحتياط"
ميرا " واه ديت..  خصني قطعة منك نديها إحتياط" يستغرب كلامها لي يبان أقرب للغزل و يرد عليها بنوع من الجدية "ميرا..  ماش أي كلام تسمعيه فمسلسلاتك تقدري تستعمليه مع الناس..  راح يفهموك غلط"
ميرا " ممممم..  أنا بالأصل ما نحكيش بزاف..  من غير معاك أكيد.. عطيني حاجة منك "
سيرجيو " ماش نتي لي قلتي البارح لازم تتعلمي تعتمدي على نفسك "
ميرا " غيرت رايي..  فكرة تخوفني..  نخاف نتغدر و نتا ماش معاي " عارف أنو بتجاربها السابقة فالغدر ماعادت توثق فحد..  وفالمقابل تمسكت بيه لحد الإدمان.
سيرجيو " انتبهي لنفسك.. و أي شي يصرالك اتصلي بيا "
ميرا"عارفة هاد شي " تمد يدها لرقبته تفك ربطة عنقه شوي و زر الياقة بعدها تسحب العقد الخاص بيه، تفتح قفلو و تاخدو بين يديها.  كل هاد شي تحت أنظارو..  حاس بالخوف من تصرفاتها المريبة..  كأنها رسائل التحذير لي تسبق الحروب.
ميرا " راح نكتفي بعقدك..  طالما ما تكونش نتا معاي"
سيرجيو " تصرفاتك راهي تقلقني " توقفت لحظتها سيارة رضا لي ناداها باه تركب
ميرا " ما تتقلقش..  بالتوفيق فمهمتك " راحت ركبت بجانب رضا و سيرجيو متبعها حتى انطلقت السيارة خارجة من المنطقة و ميرا التفتت لرضا و سألاته " وين راح نروح مع السيد آدم"
رضا " راح نعطيك الخطة درك و ركزي مليح مع كلامي..  أي غلط ما ينغفرش "
ميرا " راني نسمعك سيدي "
رضا " درك راح تروحي مع واحد من التابعين لينا و هو صاحب شركة كبيرة لحفل افتتاح.. و راح يكون كاين هاد الشخص تما..  راح تتكفلي بإرعابه.. ركزي مع كلامي.. لازم تأذيه ماش تق.تليه.. لأنو مازال ماجا الوقت لي يمو.ت فيه. و لازم تنفدي الأمر وقت يطفا الضو كي يلقي صاحب الحفل كلمة الإفتتاح " يوريلها صورة لي تخص الهدف تركز بها جيدا قبل ما تلتفت ليه و تتساءل " يعني ماراحش نروح مع السيد آدم "
رضا بابسامة" علاه..  توقعتي راح تروحي معاه"
ميرا" الوضع مريح أكثر  لما يكون شخص ثاني"
رضا "و أءمن..  هادي صورة الشخص لي راح تروحي معاه" يقلب للصورة لي بعدها و هي تشوف ليه
ميرا " تمام.. ممكن نعرف سبب.. التهديد هادا لي راح نعمله"
رضا " فقط السيد آدم حاب يستمتع بترهييب أخوه"
ميرا " يعني هاد الشخص هو أخ السيد آدم "
رضا "كلمة عدو أنسب"
ميرا بهمس " صراع الإخوة " تحمل الحاسب اللوحي فيدها و مركزة فالصورة تحفض باه ملامح تيم. و المعلومات الخاصة بيه و رضا يعطيها باقي التفاصيل حول الخطة