بالنسبة للي يتساءلو حول قصة آدم و إسراء و رضا.. هوما شخصيات من كرونيك كتبتها من سنتين ولكن سحبتها و درك قررت ندخل شخصياتهم فهاد القصة. راح نحط ليكم معلومات على الشخصيات باه يكون ليكم فكرة عليها
🗝⚜️🗝⚜️ الفكرة العامة للقصة ⚜️🗝⚜️🗝
🖤يتلاقا بطلنا جاد المجنون و المهووس بجمع الدمى البشرية بالصدفة بطلتنا إسراء المتعجرفة و لي تتباها بقوتها و عنفوانها و تحدث بيناتهم مناوشة بسيطة و تتوالا الصدف لي تزيد الحقد و الكره بيناتهم و جاد ينوي يخليها الدمية الأساسية فمجموعته و لي حاب تكون نهايتها غير الدمى الثانية. بطلتنا أكيد ما تكونش بالضعف لي يخليها تستسلم لمحاولاتو فالإيقاع بيها.
يصرا بيناتهم بزاف مشاكل يأذي فيها كل طرف الطرف الثاني. و تقرر اسراء باش تنتقم منه و تجيها فرصة وقت تعرف بقصة البنات لي يوقعهم في فخه من بعد يحبسهم فالمعرض من طرف وحدة منهم و لي هي مروى وقت العرض تاع اللعبة لي كانت مروى هي العارضة تاع اللعبة و تقرر باه تحررهم و تنتقم منه بكسر غروره وقتها تروح تشارك فمنافسة دولية للملاكمة و تدي مرتبة الاولى و اكيد جاد كان تابعها على الدقة من بعد ترجع و تفوت شوي وقت و تروح تخرجهم بعد تخطيط كبير و لكن تكتشف بلي جاد كان فايق بيها و هددها انو يا تخليهم يخرجو و هي تقعد يا إما يموتو كامل و هي اختارت الثاني و لكن هو وقتها حطها فموقف رجعلها ذكريات تكرهم و يسببو ليها ضعف و خوف كبير و لي هو انها تنسجن و هي فقدت أعصابها كونها تعرضت لداك شي فطفولة من طرف اقرب ناس ليها و فقلب ديك المشاعر كي واجها و هددها باش يقتل كامل ناس لي تحبهم كونها تعدات على أملاكو قت.لاتو و خرجت من تماك فصدمة كبيرة.. اصدقاءها هربوها و بقاو يخمو فحل اما لقات بلي رضا مازالو لاحقها باه ينتقم منها خاصة كونو خبا قضية قت.لو و رجعها قضية انت.حار و راحت سلمت روحها. فالمحكمة خبرت الكل بقصتها و شي لي عملو جاد و فضحاتو و فضحت باها بأنها هي بنت غير شرعية منو و حكات قصة طفولتها المأساوية لي عاشتها فقلب عائلة مشتتة.
حكمو عليها بالسجن 15 عام و وقت قررو أصدقاءها باه يخرجوها بحكم فاقدة الاهلية العقلية باتفاق بينهم صرا مشكل بينها و بين وحدة فالسجن تبلاتها بلعاني و دخلوها للزنزانة المنفردة.. رجعلها نفس الشعور لي تكرهو بقات كي الجثة تما قبل ما يزدم عليها رضا و رجالو و لي دوخوها و بعدها شعلو نار و بقا العياط يدوي فكل بلاص. صباح انتشر خبر بلي صابو جثة محترقة و بعد التأكد منها عرفو بلي اسراء هي لي كانت تماك و تحرقت. بقاو البنات يلومو رواحهم كونها بسبب انقاذها ليهم صرالها كامل هاد شي و وقت جنازة اسراء تعرضت منهم وحدة لطلق ناري. من شخص كانو باعتينو باه يقتلهم بصح سلكت منها. و انتهت القصة بمرور 3 سنين على الابطال و كل واحد رجع لحياتو العادية حتى البنات لي بعد ما داو نصيب من التعويضات فحق لي عملو جاد فيهم. بعدها نروحو لبلاص تاني وين نلقاو وحدة راكبة لوطو و تسوق بسرعة كبيرة فيدها بطاقة عمل و صوت الغنا عامل حالة وقفها بوليسي بصح كي صابها زوجة ادم سمحلها تفوت و عند باب الفيلا ضربو طلق ناري قدام رجلها و هي سحبت سلاحها و طلقت جنب راسو و لي كان نفسو جاد. نعم جاد و إسراء كملو حياتهم فجهة ثانية بقلوب تكره بعضها و هاداك كان ألذ من الحب بالنسبة ليهم. و كل واحد فيهم كان ليه هدف فروسيا.. إسراء تعيش باه تنتقم و آدم تفرغ لشغلو هناك.. و لكنو ما نساش أبدا أنو غادي يرجع شي يوم لبلدو و يرد حقو لي ابدا ما تخلاش عليه.. و إنما آخذ وقتو فكل شي يعملو.
⚜️ يتبـــــــــع ⚜️
#NaDjLaA 💙
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
General Fiction♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
