#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الســــــابــعة عشــــر بعـــد المـئـــة♧
وليد بعد ما فاق لقا نفسو فغرفتو و تيسا و جايسن واقفين حداه. عقد وليد حواجبه فاستغراب بعد ما تذكر الموقف الغريب لي وقع فيه.
جايسن " لوما تيسا راحت تشوف علاه تأخرت ما كناش راح ننتبهولك.. مين عمل فيك هاك؟ "
وليد بنوع من الاستغراب " كان صوت مرأة.. كان كاين سكين على الأرض و كي رحت ناخدها هددتني أني نلمسها، كنت راح نلف نشوف مين يكلمني قبل ما نحس بضربة على راسي"
تيسا " حاس بالوجع فراسك؟ " ما ردش وليد برك كان يحاول يتذكر واش شاف قبل ما يغمى عليه.. و لا شي غير لون أحمر لي تخطاه و صوت الكعب العالي يضرب فالأرض بخطوات متناسقة.
وليد " كانت لابسة أحمر.. و صوتها.. صوتها غريب.. كأنو صوتها مألوف " يلتفت جايسن لتيسا لي كانت هي الأخرى لابسة فستان أحمر قان ولكن وليد لي انتبه لنظرات الشك بعيون صديقو نفا الأمر فورا بقوله " ماهاش تيسا.. صوت تيسا نعرفه هادي صوتها مختلف.. كان تحت مستوى الصوت الطبيعي بقليل.. يحتله برود خلاني نتوقف ما نلمسش السكين.. من صوتها كان واضح أنها ممكن تقت..لني إذا لمستها"
جايسن "روسيا فيها الكثير من العص.ابات.. لازم تكون حذر" سكت الجو بعد صمت وليد لي كان حاس رغم كل هادا انو النبرة هاديك مألوفة بالنسبة ليه.
ـــــــــــــــــــــــــــــــــــــــــــــــــــــــــــــــــ
فتحت ميرا الباب و دخلت لقات سيرجيو رايح يخرج يحوس عليها. و لي توقف كي شافها داخلة
سيرجيو " وين كنتي؟ " وراتله السكين و ردت " طيحت هادي و رحت نجيبها.. عيط لشي حد يامر بحدف تسجيل الكاميرات و يحدفو المقطع لي يخص وقت رفدتها "
سيرجيو " علاه "
ميرا " كان رايح ياخدها واحد و اضطريت ندوخه باه نديها بلا ما يشوفني " ياخد سيرجيو الهاتف و يتصل سريعا بشخص يتكفل بالأمر و ميرا تروح لغرفتها تغير ملابسها و تمسح مكياجها.
بعد ما خلص سيرجيو راح ناحية غرفتها و دق الباب
سيرجيو " ميرا.. حاب نحكي معاك " بعد ما خلصت ميرا فتحت الباب و خرجت ليه شافت ناحيته مطولا قبل ما تكمل طريقها نحو المجلس لي يتوسط الجناح و قعدت عليه رافعة رجليها من على الارض و ضامتهم بدراعيها. تقدم هو الآخر ناحيتها و قعد مقابل ليها يشوف نظرات عيونها الشاردة فاللاشيء
سيرجيو " بلغت السيد رضا بإتمام المهمة و قدم لينا اليومين هادو إجازة.. خلينا نروحو لمكان ثاني أحسن "
ميرا " علاه ماكش حاب هاد المكان.. مين الشخص لي قبل شوي كنت خايف يشوفك "
سيرجيو " شخص نعرفو من زمان.. ما تعرفيهش نتي "
ميرا "على جاله حابنا نخرجو من فندق كيف هادا.. ماحاباش.. إذا زاعجك لهاد الدرجة خلص عليه"
سيرجيو " أكيد راح نخلص عليه لأنو بيناتنا تار قديم بصح ماش بوجودك.. ما نضمنش واش ممكن يعمل"
ميرا " ما تستهينش. بيا.. نقدر نساعدك.. نتا قلبك طيب ما تقدرش تأذي حتى شخص "
سيرجيو " هادا تاري و ناخدو أنا بيدي.. مهم نتي لازم ترجعي للعلاج النفسي "
ميرا " علاه.. لأني نفذت المهمة رجعت مريضة نفسيا.. سما كامل رجال المافيا مراض "
سيرجيو " ماش دا قصدي.. لكن نتي مريتي بظروف صعبة غيرت تصرفاتك.. لازم تعالجي باه ما يتأزمش وضعك "
ميرا " مانيش متذكرة تصرفاتي من قبل باه نرجع ليها.. و على حساب لي عشتو اكيد ماكانتش موالمتني"
سيرجيو " شي يوم راح ترجعي لحياتك السابقة و راح تندمي على كامل واش راكي تعملي "
ميرا " ماحاباش نرجع.. و ما حاباش اصلا ترجعلي ذاكرتي.. كافي إني نعرفك نتا "
سيرجيو "و عايلتك.. ماحاباش ترجعيلهم"
ميرا "يكونو درك تعودو على غيابي من الغريب نرجعلهم بعد هاد الفترة بهاد الشكل"
سيرجيو " يعني حابة تكملي حياتك فالمافيا "
ميرا " يمكن شي يوم تتغير الاحوال مين يعرف.. انقلبت حياتي رأسا على عقب بين ليلة و ضحاها.. و مين يدري يمكن يكون اللأيام الجاية مفاجآت ثانية مخبيتها.. خلينا نلعبو شطرنج درك.. بما أنو حتى واحد فينا ماجاه نوم "
سيرجيو " وين نلعبو ماكانش رقعة و لا احجار " تبتسم ميرا و توقف متوجهة ناحية غرفتها و ترجع بعد لحظات و هي رافدتها فديها. تفتحها و تخرج الاحجار و تمدها على الطاولة و ترتبهم
سيرجيو " كنتي حاسبتلها حساب "
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Ficción General♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
