#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـثـــــالـثـة و الـسـبـعـــــون بعـــد المـئـــة♧
لحقت المنافسة المنتظرة و الغير منتظرة بالوقت نفسو.
الكل مجهزين نفسهم و المهارة لي تنال إعجاب أكبر عدد من الاعضاء هي لي تفوز.
ميرا واقفة برا بزي القنص خاصتها و على ظهرها قنأصتها و على فخديها مسدسين. تعدل فقفازاتها فيدها حتى شافت كارلا خارجة و هي رافدة نوعين من الأقواس بزي أبيض على غير العادة و سارت متوجهة ناحية الصالة لي راح تتقام فيها المنافسة. و هي ضلت تستنا حتى وصل السيد آدم وين توقفت سيارتو و نزل بكل هيبتو و من الجهة الثانية نزلت إسراء بملابس رياضية حاطة يديها بجيوب السيرفات و تمشي بكل غرور. ركزت ميرا معها و قالت همسا " إسراء.. رجعت" تقدمت خطوتين مقابلة بيهم و قالت " أهلا سيدي.. ممكن نكلمك فشي "
آدم " أكيد.. أحكي راني نسمعك "
ميرا " إنتقامي.. حابة نفذه اليوم.. بما انو الكل راح يجتمعو.. و مهمة الرجوع قربت و راح نرجع وين كنت.. فماحاباش نضيع وقت أكثر " يبسم جاد و يقول " حبيت هادي مهمة الرجوع.. بهاد الكلام راكي تطلبي مني نسلمك ورقتي الرابحة باه تلعبي بيها شوي "
ميرا " نوعدك سيدي.. نرجعهالك بخدوش بسيطة فقط" يلتفت لإسراء و يضحك و هي مقابلاتو بوجه ما يحمل أي تعبير. رجعت اِلتفتت ناحية ميرا براسها تساؤل واحد.. واش هي مهمة الرجوع هادي.. واش تقصد بعودتها لوين كانت؟؟.
جاد " أوكي.. راح يكون ليك طلبك.. أخيرا راح يكون كااين عرض يستهويني "
إسراء " لو بلغتني مسبقا كنت جهزت نفسي.. من زمن ما شاركتش فمسابقة "
ميرا " راح يكون شي ممتع نشوف مهاراتك.. ريتك شاركتي"
إسراء " منافسات كيف هادي ما تستهوينيش.. تناسب لي مثلك فقط..إذا هامك تشوفي مهاراتي تلقيها فاليوتيوب.. هه أما قديمة شوي " قالت كلمتها الاخيرة و عيونها تطلق شرر اتجاه جاد.
ميرا " راح نشوفو كي نتفرغ إسراء.. نستأذن منكم درك " غادرت المكان متجهة للصالة وين كانت التجهيزات خلصت و حان وقت بداية المنافسة.
ــــــــــــــــــــــــــــــــــــــــــــــــــــــــــــــــــــــــــ
ديـــــــــــــــڤ.. القاعد في زنزانته كانو قاعد بقصر.. ولا على بالو.. رغم لي مضى 5 سنوات عليه هناك.. يدعي الصمود و لا لأنو أخذ انتقامو رجع ما يهموش حياتو الباقية.. و لكن درك جا وقت ميرا تدي حقها.. فـكما تدين تدان
و قانون الفيزياء راح يتغير.. ردة الفعل راح تكون أقوى من الفعل نفسو.
نزل سيرجيو و معه إثنين من الرجال لي كلفهم آدم يجيبو ديڤ للصالة. نازل بإبتسامة على وجهه حاس انو ميرا راح تتحرر من قيد الإنتقام. بعد كل ما مضى من سنوات.. عل و عسى تقدر تتخطى رهابها و كوابيسها.
توقف سيرجيو مقابل باب الزنزانة و قال بنبرة مستهزئة
سيرجيو " مستعد للخروج من زنزانتك " رفع ديڤ راسه مستغرب كلام سيرجيو.
ديڤ " جاي تتمسخر "
سيرجيو " أبدا.. هاه جايين لي يخرجوك " فك القفل الباب و الرجلين دخلو قيدو يديه بالأصفاد تحت نظرات إستغراب.. أكيد ماهش مطمئن.. ماش شي لي يطمن "
ديڤ " وين رايحين بيا "
سيرجيو " تشم شوي هوا برا جو السجن مزعج اكيد "
ديڤ " ما تنساش مين أنا.. ما تقدر تعمل شي فيا.. لانو مصيركم أسود بعد مو..تي "
سيرجيو " ما نتا هادا شي لي راه مطمنك.. أمشي و غلق فمك" سحبوه الرجال معهم ناحية الصالة وين تما قيدوه فغرفة جانبية ليكون العرض الختامي للمنافسة.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Ficción General♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
