#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـســـادســـة و الأربـعـــــون بعـــد المـئـــة♧
ميرا قاعدة على الكانابي و سيرجيو جنبها يشوف لنظرات عيونها عارف أنو حالتها النفسية تعبت و لكن لي صرا خلاها تسوء اكثر.
سيرجيو " ميرا.. خلينا نرجعو لجلسات العلاج النفسي.. ماش كنتي موافقة باه تقدري تاخدي حقك من ديڤ "
ميرا " أكيد حابة.. لكن الوقت ما يسعفنيش "
سيرجيو " ميرا.. صحتك اهم من كلش.. اكيد ماحاباش ترجعي لحالتك من قبل 5 سنين "
ميرا " ماحاباش نرجعلها.. حابة نتجاوز الخوف " يبتسم سيرجيو و يربت على كتفها
سيرجيو " هادي هي ميرا.. لي تسمع الكلام "
ميرا بهمس "كلامك فقط" يضحك سيرجيو و يرد بنفس نبرتها
سيرجيو " سمعتك هههه "
ميرا " عيونك قبل شوي حبت تبلع الطفلة.. الظاهر تحب لي يلبسو هاكك" يعقد جبينو متعجب و تنبثق ابتسامة على شفافو
سيرجيو " علاه تحكي هاك؟؟ "
ميرا " دخول النساء للمنظمة راح يعمل مشاكل.. أهمها تشتيت الإنتباه "
سيرجيو " علاه نتي ما كنتيش مرأة " توقف أمامه و تدور حول نفسها بقميصها الواسع و تجاوب عليه" واضح اني مرأة.. نروح نرجع لغرفتي.. و نتا ثاني أرجع تنعس.. صحيتك فهاد الليل"
سيرجيو بقا يشوف ليها بنظرات غريبة و صمت أغرب بدون ما يرد عليها. و هاد المرة هو لي قدر يزرع توتر فداخلها
ميرا " علاه تخزر ليا هاك؟ "
سيرجيو " كونك ما تبانيش مثيرة في ملابسك شي يبعث على الراحة "
ميرا " علاه ترتاح نتا.. لا تكون تغير عليا "
سيرجيو " يمكن.. كي كنتي البنت الوحيدة هنا كان مصدر قلق بالنسبة ليا.. راح تبعد الانظار عليكي و هادا شي يريحني "
ميرا " ما نحبش.. راح نلفت الانظار انا ثاني.. لأني نكره النظرة لي اهديتها للبنت هاديك مجانا.. تصبح بخير " تروح راجعة لغرفتها تحت انظار سيرجيو لي اكتفى بالصمت و لو أنو شي داخلو رافض الصمت المستمر هادا.
وليد لي كان يراقب فيهم تصادفت معاه فالطريق شاف ليها بنظرة غضب و هي بادلاته ذلك
وليد " وقت ترجع ليك ذاكرتك راح تتفاجئي من التغيير لي راكي فيه "
ميرا " حتى إذا رجعت.. طالما نتا فيها راح نمحيها من جديد.. مبارك.. اول يوم ليك كرجل مافيا عنا.. الغريب انو ما ترسمتش بنفس الاسلوب لي ترسمنا فيه " يعقد جبينو من كلامها ما توقعش انو ميرا عملت نفس شي لي صرا بالخاين
وليد " علاه؟ .. نتي ثاني عملتي نفس شي " ابتسمت باستهزاء من شكل تعابيرو و طلعت الدرج من غير ما ترد و هو قال بصوت مرتفع نوعا ما
وليد " ما تنسيش.. شرعا و قانونا مازالكي زوجتي.. و هاد الشي ما تقدريش تغيريه.. و لازم نحدو مصير علاقتنا هادي عاجرا أم آجلا " تلفتت ليه ميرا بإبتسامة و نزلت درجتين جات قدامو مباشرة مركزة في عينيه باسلوبها المعتاد
ميرا " زوجي حبيبي.. يا روحي.. فكرة أني نكون زوجتك ابدا ما تزعجنيش.. و حتى إذا زاعجك زواجنا تقدر تنهيه و راح نوقعلك بكل سرور.. وجودك كلو ما هامنيش.. فما تتعاملش معي كأننا زوجين هنا.. تصبح بخير يا قرة عيني" مسحت بيدها على خدو و طلعت مكملة طريقها مخلياتو مكانو متبعها بعينيه لي ما ترويش خير أبدا .. كل مرة يتأكد أنو ميرا الموجودة هنا ماهاش البنت لي تزوجها.
دخلت ميرا غرفتها و كارلا كانت ناعسة وقفت ميرا عند راسها تشوف في ثيابها و ترجع تشوف لثياب كارلا.. شافت امامها و براسها تحكي الكثير "ما نبانش مرأة مثيرة.. و انا بسن الثلاثين مازال نبان غير مثيرة.. شي مزعج" تروح تمد روحها على السرير و تسحب من الدرج أصفاد تشوف ليهم مطولا بضيق
ميرا " ما توقعتش نرجع نلبسكم من جديد.. لا و زيد قدام بنت غريبة.. لكن احسن من أني نرجع لأفعالي القديمة ". غلقت على يدها بالأصفاد مع طرف السرير و رجعت تنعس. و لتمضي هذه الليلة الطويلة على خير.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
General Fiction♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
