أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐

♧الحلقـــــــــــــة الـثـــــامـنـة و الأربـعـــــون بعـــد المـئـــة♧

#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة

♧الحلقـــــــــــــة الـثـــــامـنـة و الأربـعـــــون بعـــد المـئـــة♧
الدكتور قاعد يسمع لميرا و هي تحكي بتركيز في كل كلمة بيدو ورقة و قلم و قاعد يسجل فالملاحظات.
ميرا"  يعني القوة لي عندي كلها تزول بمجرد أني نقابل وجهو و لا نسمع صوتو..  و هاد شي لي يخليني نحس بالضعف "
داڤيد " لازم تتجاوزي العقدة باه تتجاوزي الخوف..  لازم تعرفي انو لي صرا ليكي شي مالازمش يضعفك..  بالعكس لازم يقويكي "
ميرا " كيفاه نقوى بأمر كيف هادا؟  الحقي..ر اعتدى عليا و المشكل مشهد اعتداؤو عليا هو الوحيد لي بقا فذاكرتي "
داڤيد " خوفك هادا هو لي سببلك فقدان الذاكرة..  طالما ما تعرضتيش لأي اذى براسك..  شي هادا نسميوه الشرود الإنفصالي "
ميرا " صح..  خبرني بيها الدكتور السابق "
داڤيد " و خبرني أنك خايفة ترجعلك ذاكرتك..  علاه خايفة "
ميرا " لأني ماحاباش نتفاجأ من نفسي..  نخاف نحب نرجع كوما فالسابق..  و حسب ما يحكيلي سيرجيو..  ماحاباش نرجع كوما كنت"  يحط داڤيد القلم من يده و يخزر ليها بنظرة عميقة قبل ما يستطرد " نتي راكي كالجدار المانع لذاكرتك انها ترجع..  و عقلك طالما مذكر الحادث وحدو..  هادا لي خلاه يعيش الرهاب هادا.. كاين طرق للعلاج لكن لازم تكوني شخص متعاون..  للازم تفتحي المجال لنفسك أنك تتذكري و بالنسبة لخوفك من أنك ترجعي كوما كنتي..  فهاد شي يرجع لرغبتك و لنظرتك..  نتي وقت ترجع ذاكرتك راح تعرفي اي الطريقين يناسبك "
ميرا " و إذا ناسبني الطريق الثاني و حبيت نرجعلو "
داڤيد " وقتها يا إما تختاري لي يناسبك..  أو أنك تغلقي على نفسك فالشي لي ما يوالمكش"
ميرا " لكن..  ما عنديش فرصة باه نختار..  راح نبقى فهاد الشخصية طوعا أو جبرا "
داڤيد " علاه؟  "
ميرا " ما تنساش وين راني.. إذا قررت باه نخرج..  الشي الوحيد لي راح يخرج هو روحي..  حضرت بعيوني هادو كيفاه عذبو خاين بأقسى طريقة..  و بيديا هادو صلبته..  ووهادا لي زاد حالتي سوءا"
داڤيد " عقلك الباطني راه يرفض الواقع لي راكي تفرضيه عليه..  ميرا.. لازم تبداي العلاج..  الضغط على نفسك ماشي حل..  رحلة العلاج راح تاخد وقت لكني راح نرافقك فيها و نساعدك حتى فخياراتك فقط ثيقي بيا وخلينا أصدقاء ماش مجرد طبيب و مريضتو..  و منا وطلع خليني أنا نجي عندك "
ميرا " تمام.. أهم شي نتعالج من رهابي " يبتسم داڤيد و يستطرد " رهابك..  و بزاف صوالح ثانيين..  لازم ترجع الحياة ليكي..  لاني شايفة الإنطفاء لي في عيونك و حالتك " تلفت الكلمة الأخيرة انتباهها و تقول
ميرا " مظهري أكيد مظهر شخص مريض نفسي "
داڤيد " لا ما قصدتش مظهرك..  قصدي تصرفاتك عموما تحكي انك عايشة بدون رغبة "
ميرا " صدقني..  حتى مظهري ".  داڤيد ما ردش عليها لما شاف الإقتناع بعيونها.
بعد فترة خرجت ميرا لقات سيرجيو يضيع الوقت فتيليفونه و لي رفع راسه لما سمع صوت الباب ينفته.  كي العادة بوجه مبتسم يقتبلها و هي بادلاته الابتسامة و راحو ناحيته
سيرجيو" كيش كانت الجلسة "
ميرا " جيدة..  خلينا نروحو "
سيرجيو " سبقي للسيارة..  عندي كلام نحكيه للطبيب و نلحقك "
ميرا " واش من كلام "
سيرجيو " علاه غير نتي لي تحتاجي دكتور نفسي..  أمور خاصة..  روحي سبقي "
ميرا " تمام " تروح ميرا للسيارة و سيرجيو يدخل عند الدكتور و لي كي يقابله يرتفع حاجبه لا إراديا..  وقتها فقط عرف واش قصدت ميرا.