أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐

♧الحلقـــــــــــــة الـثـــامـنـة و الـخـمـســــون بعـــد المـئـــة♧

#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة

♧الحلقـــــــــــــة الـثـــامـنـة و الـخـمـســــون بعـــد المـئـــة♧
‏صباح جديد..  سيرجيو قاعد تحت يتقهوى و هو يستنى في ميرا حتى شافها نازلة و عيونها نص مفتوحة. تقدم ليها بنظرة قلق.  حتى نتبه لكف البارح مرسوم على خدها.  منظر خلا جبينو ينكمش في ضيق
سيرجيو " راكي مليحة ميرا " تحط إصبعها على خدها و تجيب
ميرا " وجهي ماهش مليح " يحط يده غلى خدها بأسف مطبوه على وجهو.  هو عملها من خوفو و درك نادم لأنو خوفو خلا اثر على خدها
سيرجيو " نعتذر منك..  خفت عليك ما تصحيش البارح لأنك طولتي باه استجبتي ليا "
ميرا " ما تعتذرش مني.. هادي قهوة ليا؟ " يبتسم و يسلمها فنجانو.. عارف انها قاعدة تقول بشكل غير مباشر عطيني نشربها.  ارتشفت منها أول رشفة و هو شاف للبسها بتفحص
سيرجيو " ميرا البرد راه برا.. لازم تلبسي شي يدفيك "
ميرا و هي تهز راسها نفيا " مانيش بردانة "
سيرجيو " لأنو راكي لداخل " يشوف ليها بقلة حيلة وقت يدخل داڤيد للمبنى و لي يبتسم وقت يشوف ميرا
داڤيد " صباح الخير عليكم " التفتو كلاهم ليه و ميرا ابتسمت
ميرا " صباح الخير.. زيارة مفاجئة "
داڤيد " حبيت نعملو جلستنا فالهواء الطلق "
سيرجيو " مليح كي جيت..  كاين شي حاب نسقسيك عليه "
داڤيد " تفضل "
سيرجيو " البارح ميرا..  كانت فايقة فنومها..  و المشكل أنها ما استجابتش لمحاولاتنا فإيقاظها " هزت ميرا راسها إيجابا و التفتت لداڤيد و هي تشير لخدها " صح ..  و صحاني بكف مازالو مطبوع على وجهي "
داڤيد ينتبه لخدها يحط يده على دقنها و يلف وجها جانبا
داڤيد " ماكانش لازم تصحيها بهاد الشكل..  لأنو ممكن تتعرض للصدمة  و ذعر لما تفيق..  و شي عادي تتأخر لأنو تكون في مرحلة النوم العميق.
سيرجيو " يعني  ماهش إحتمال أنو تدخل في حالة من اللاوعي..  كوما صرالها فالسابق "
داڤيد " إحتمال ضعيف..  إلا إذا تعرضت لصدمة ثانية "
ميرا " يعني لازم تعوضني على الكف لي كليتو بدون سبب..  خلينا نخرجو اليوم "
سيرجيو " راح نعوضك..  لكن ماشي اليوم..  عندي موعد ثاني "
ميرا " إذا ماشي اليوم إنسى أصلا "
سيرجيو " ميرااااا.. تعيشي "
يتقدم داڤيد منها يحط يده على كتفها و يخاطبها " كأنك نسيتي جلستنا " يخزر ليه سيرجيو بتفاجؤ من تقربو السريع منها
ميرا " تمام..  خلينا ننساو التعويض..  صحتي أهم..  حابة نوريلك شي داڤيد ..  لحظات و نجي " تلقي نظرة أخيرة على سيرجيو لي ازعجو كلامها و تطلع الدرج بسرعة ناحية غرفتها وين تصطدم بكارلا كي كانت خارجة..  لابسة ملابس أنيقة و عاملة مكياج بسيط و جميل. 
كارلا " صباح الخير..  راكي مليحة اليوم.. آااه.. الكدمة على وجهك!!  "
ميرا " لازم تتعودي على منظر الكدمات فجسمي " تدخل ميرا تاخد الكيس لي قدمهولها وليد و ترجع ركضا للأسفل حتى تتجاوز كارلا لي نازلة بهدوء
سيرجيو " على مهلك ميرا..  راح توقعي "
كارلا " صباح الخير "
داڤيد و سيرجيو " صباح الخير "
ميرا " وليد البارح جابلي أغراض تخص طفولتي..  يمكن تقدر تساعد بشكل ما في إرجاع ذاكرتي " سيرجيو تفاجأ لانو ماخبراتوش على هاد الشي.
سيرجيو " عليها كنتي حابة تحكي معاه البارح "
ميرا " لا..  حبيت نسألو بعض الأسئلة و هو كان جايبهم مسبقا لما راح للجزائر "
سيرجيو " أوكييي..  ما نشدوكش حنا درك..  كارلا خلينا نروحو"
كارلا " أوكي..  نشوفك من بعد ميرا " يغادر سيرجيو رفقة كارلا و هو حاس بالإستياء..  كأنو تعود يكون أول من يعرف اي شي يخص ميرا.
كارلا " وجها كان متورم مكان الضربة..  اكيد راهي زعفانة من هاد شي "
سيرجيو "أبدا..  ميرا تبدلت من وقت انضمت للمنظمة"
كارلا " انسى..  وين حاب نروحو اليوم "
سيرجيو " لأماكن جميلة هنا بروسيا..  ماش قلتي حابة تتعرفي عليها "
كارلا " أوكي..  و منها نتعرف عليك " ابتسم سيرجيو و راحو ركبو مغادرين المكان تحت أنظار ميرا لي خرجت رفقة داڤيد باه يبداو الجلسة في مكان هادي.

                       ♟️ ڪــــــــــــارلا ♟️