#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـثــــالـثــة و الـتـسـعـــون بعـــد المـئـــة♧
جاد قاعد فمكتبه فإجتماع لما دخلت سكرتيرته. بنظرة انزعاج قابلها قبل ما تقول و هي بجواره.
السكرتيرة " السيد رضا حاب يحكي معك سيدي.. يقول بلي الامر مستعجل "
جاد وقف من مكانو ببهدوء و استأذن للخروج. عند الباب رد على رضا
جاد " واش الشي المهم لي يخليك تخرجني من إجتماع "
رصا " سيدي ديڤ عمل مشكل.. قتل واحد من الرجال باه يشتت الإنتباه و فالوقت ذاته ارسل واحد من جواسيسه و لي أصاب العضوة ميرا.. و هي حاليا فالغرفة العمليات " تنكمش ملامحه قليلا " الظاهر كرامة ديڤ انجرحت بإنتقامها الصغير هاداك.. تعرف وين تحط ديڤ اليوم.. خوده وين بيقى يتمنى الموت و ما يلقاهش.. خليه يحس أنو انتقام ميرا كان أهون "
رضا " و إذا مات سيدي.. المـ..وت تما إحتمال وارد "
جاد " إذا مات يكون ارتاح العالم من شره.. كل لي علينا نعملوه نتجهزو لردة فعل اب متبري من إبنه.. واش راح تكون مثلا "
رضا " أمرك سيدي "
جاد " مواقف كيف هادي ترجع ذكريات قديمة.. وهتمو بميرا و أحل فكرة سفرها لين ما تشفى تماما"
رضا " تمام سيدي " غلق جاد الخط و ابتسامة مريبة على وجهه قبل ما يشوف أمامه لثواني و رجع دخل يخلص إجتماعه.
ـــــــــــــــــــــــــــــــــــــــــــــــــــــــــــ
نرجعو للمشفى
فغرفة العناية المشددة واقفين اثنين من الحرس عند الباب احتسابا لأي خطر. رضا و سيرجيو واقفين امام الزجاج. و وليد قاعد على الكرسي بجوارو كارلا.. الصمت كان سيد الموقف.. و الإنتظار الخيار الوحيد المتاح. لحظتها رضا لف ناحية سيرجيو و قال ليه.
رضا " لازم نروحو درك.. كاين شي لازم نعملوه و حابك تكون حاضر "
سيرجيو " وين نروحو سيدي.. لازم يبقى حد مع ميرا "
رضا " الحرس موجودين.. خلينا نروحو " التفت سيرجيو بضيق ناحية ميرا الممدودة على سريرة لا حول و لا قوة لها.
سيرجيو " أمرك سيدي " سبق رضا و لحق بيه بعد ما رمق وليد بنظرات حادة و غادر معه من غير ما يعرف هوما وين رايحين.
ــــــــــــــــــــــــــــــــــــــــــــــــــــــــــــ
لحقو رضا و سيرجيو للمنطقة الخاصة وين سار بيه ناحية السجون و هو يقول
رضا " تتذكر منطقة الحفرة "
سيرجيو " سمعت بيها وقت كنت صغير.. حكالي عليها والدي "
رضا " راح توصل ديڤ ليها.. بأمر من السيد آدم.. كعقاب ليه على لي عملو فميرا " دهشة تتجلى على ملامح سيرجيو.. مع ابتسامة جانبية
سيرجيو " عن حق.. هه يستاهل "
رضا " ما تطمنش بهاد الشي.. جاد ما يرسلش لي كان للحفرة.. و ديڤ بالأخص.. إنتقامو بهاد الشكل في خاطر ميرا ماهوش شي يطمن "
سيرجيو " راح تروح ميرا قريبا و لو تأخر الموعد شوي.. المهم راح تروح.. لي يهم درك اني نخلف منو لي عمله فميرا "
رضا " و لهذا استدعيتك معي.. فالنعاية استغلك نتا باه حقق انتقامو " قال كلامو و هو ينزل عبر الدرج ناحية السجون و سارو لحد ما بلغو زنزانة ديڤ لي كان متكئ على سريره و لي ما إن لمحهم حتى ابتسم.
ديڤ " نعتذر على وفاة عزيزتك سيرجيو "
رضا " ما تستعجلش الأمور.. ميرا مازالها عايشة.. راح نغيرو مكان إقامتك بما أنو كترو جواسيسك "
ديڤ" و لو تحطوني تحت سابع أرض.. ماراحش ترتاحو مني لحد ما تفكو اسري "
رضا " هنا كنا حاسنين إقامتك.. لهذا اغتريت بنفسك.. لكن راح تشوف إقامة أمثالك وين تكون.. فتحو الباب " قام واحد من الحرس بفتح الباب و سيرجيو دخل بخفة هجم على ديڤ أحكم قيد يديه و غلق عليهم بالأصفاد و ديڤ كبرياؤو خلاه يثبت و سار معهم و إبتسامة غرور على وجهه.. ماعارفش وين راه رايح.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
General Fiction♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
