#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الثـــــالثـة عشـــر بعـــد المـئـــة♧
طول الطريق و ميرا طل مع نافذة السيارة و تتأمل فالطريق حولها حتى وجها تجمد من البرد. سيرجيو يشوف فيها بإبتسامة حتى هو فرحان بخروجه أما فرحتو اكبر لما شاف إبتسامة ميرا لي نادرا ما تظهر.
سيرجيو " هادي اول جولة ليك فروسيا "
ميرا " شابة.. بصح نتا ما تشبهلهمش " ضحك سيرجيو على كلامها و رد بإبتسامة " لأني خرجت نشبه أمي.. أولغا هي لي كانت تشبه الروس " تبعد وجها من على النافذة و تلتفت ليه
ميرا " توحشت أختك؟ "
سيرجيو " أكيد.. كانت أختي و عايلتي الوحيدة "
ميرا " اعتبرني أختك.. راح نكون إنسانة مليحة معاك"
سيرجيو يلتفت ليها بابتسامة استهزاء و يقول " نعتبر هذا كرم منك و لا شفقة "
ميرا " ثنيناتنا وحيدين.. و ما عناش عايلة " رجعت تلتفت للشباك تكاات عليه بذراعيها و قالت بهمس " أصلا ما نعرفش غيرك ".
بعد فترة وصل سيرجيو للفندق و نزل هو و ميرا، سحب الحقائب من صندوق السيارة و تقدمو ناحية المدخل قبل ما يمر على التفتيش سلم بطاقة سوداء للحارس لي فالمدخل و هو تكفل بتمرير الحقائب وميرا متبعة كلش بعينيها قبل ما يناديها سيرجيو تلحق بيه.
ميرا" حاجة ممتعة يكون عندك سلطة من هاد النوع "
سيرجيو " حنا خدم.. ماناش اصحاب السلطة.. إذا قرر آدم أنو يدمرنا.. راح يفجر المبنى على راسنا"
ميرا بهمس " متشائم على الدوام"
استلم سيرجيو مفتاح الجناح لي حجزوه و صعد رفقة ميرا لقا الحقائب مدخلينهم. ميرا بقات تشوف حولها بإنبهار و قالت
ميرا " وااو جناح ملكي .. كوما لي فالأفلام و المسلسلات"
سيرجيو " هادا كلو قطرة فبحر ثروة آدم " تتقدم ميرا تجلس على اريكة تماك و هي تتحسس ملمسها بحواجب مرفوعة
ميرا " و حنا معيشنا فهاداك المبنى البسيط"
سيرجيو" أحسن من زنزانات تحت.. لو ما عفا علينا اول يوم كنا انحبسنا تماك لين ما يشوفلنا صرفة. "
ميرا " عندك الحق.. درك لازم نعملو خطة "
سيرجيو " صح.. لازم نشوفو شي يخلينا نقدو نتقربو منو بدون ما يشك بينا "
ميرا " حسب ما قريت فهو شخص يحب الجن.س اللطيف أكثر من حبو لجمع الس.لاح..و أكبر نقطة ضعف لشخص نسون..جي هو النساء.. و أنا الأنثى الوحيدة هنا" يضيق عينيه بتعجب من كلامها بينما هي تسترسل فالحديث
ميرا " راح نتقرب منو كأي فتاة عا. هرة تحب تقضي ليلة مع رجل غني.. و ننهي حياتو فبداية الليلة"
سيرجيو بدهشة جلية فنبرة صوتو و تعابير وجهو " وينتا خططتي لهاد شي.. و بلا إذني فنفس الوقت "
ميرا " كي كنت فالسيارة مرينا بمحل فساتين.. كانت كاينة دمية لابسة فستان قمة فالإثارة.. وقتها خطرت فبالي "
سيرجيو " كأنو استبدلو دماغك القديم و لا الصدمة لي تعرضتيلها سابقا أثرت بدماغك.. ميرا القديمة حملتها بدافع عفوي.. بهدلت بيا.. حتى يدي منعتني نحطها على ظهرها "
ميرا " مين قال يعجبني كي يلمسني شي حد "
سيرجيو " بخطتك هادي أكيد راح يلمسك "
ميرا " و عليها ماراحش نندم كي نقضي عليه.. حتى أني خططت للطريقة لي نقت.لو بيها"
سيرجيو " واش هي "
ميرا " نحب نخليها سر"
سيرجيو بتفاجؤ " رجعت نخاف من أفكارك "
ميرا " المفروض أنك تحبهم.. صدقني هادي الخطة الوحيدة لي تنفع.. اكيد ماراحش تروح عنده نتا.. و تبدا تحكي على قصة حب فاشلة عشتها و انتهت و تشربو كيف كيف من بعد تستدرجو لمكان و تق..تلو.. و تاع التسلل لغرفتو و هو ناعس فكرة سيئة حنا حابين نقضيو عليه وحدو و اكيد ماراحش يبات هو وحدو"
سيرجيو " أنا نسكت أحسن.. راح نكون نراقب.. فأي لحظة حسيت أنو رايح ياذيكي.. راح ننهي حياتو قدام العامة"
ميرا " حبيبي الغيور " عقد حواجبو مستغرب كلامها
سيرجيو " واش قصدك"
ميرا " تصرفات الرجل العاشق لي يغار على حبيبتو.. حبيبي الغيور "
سيرجيو " مانيش حبيبك "
ميرا " آااه صح رجعت أختك .. أخي الغيور " يبتسم من كلامها و بعدها يشوف حوله و يقول " بما أنو خططتي وحدك.. خلينا نروحو ندورو برا شوي "
ميرا " اوكي " خرجو بعدما رتبو أغراضهم كل واحد فغرفتو و راحو برا يتجولو فالشوارع سيرجيو يسترجع ذكريات طفولتو و ميرا تجمع ذكريات جديدة فبلد غريب عليها
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
General Fiction♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
