#أَوَلَــــــــــــمْ_نَتَّفِــــــــــقْ؟!
♟️مَــــا بَعْـدَ ڪَــــــــسْڕِ الوُعُـــــــــودِ♟️
#نجــــــلاء_الجميــــــــــــلة
♧الحلقـــــــــــــة الـســـــادسـة و الـعــــشـرون بعـــد المـئـــة♧
صباح جديد ميرا خرجت من غرفتها بكري و نزلت لتحت لقات جماعة من رجال المنظمة يتناولو فطورهم من بينهم سيرجيو. تقدمت من كرسي فارغ و جلست عليه
ميرا " صباح الخير"
البقية " صباح الخير "
سيرجيو " صباح الخير ميرا.. تناولي فطورك خفا.. لازم تروحي لمكان رفقة السيد آدم "
ترفع ميرا راسها ناحيته باستغراب " واش من مكان "
سيرجيو " ما علاباليش.. قبل شوي جا رضا و طلب منا نبلغوك"
ميرا " و نتا؟ "
سيرجيو " نتي وحدك.. انا عندي مهمة اخرى" تشوف فيه ميرا بحيرة و ترجع تتناول طعامها.
تخرج ميرا رفقة سيرجيو بعد ما خلصو ماكلتهم و ميرا تلفتت ليه و هو مكملين سيرهم
ميرا بتساؤل " وين تتوقع راح ياخدني سيد آدم.. هاداك الإنسان نخاف منه.. إذا بطلة العالم فالملاكمة سيطر عليها كيفاه باه نوثق فأفعالو"
سيرجيو " مين قصدك؟ "
ميرا " الطفلة لي ضربتني.. وقت كان يلقاني برا كان يحكيلي بزاف كلام.. بما انو ذاكرتي رجعت فارغة مازالني نتذكر كلش حكاهلي.. ما علاباليش كان يتباهى و لا يحاول يعطيني عبر لكن استنتجت أنو قصصو مع النساء.. قصص مجنونة" سيرجيو توسوس من كلامها. و لكن مايقدرش يعارض أوامر جاد. بقا يمشي بصمت حتى توقفت سيارة آدم حدها. نزل زجاج النافذة و التفت ناحيتهم بإبتسامتو المعتادة.
جاد " ميرا.. بلغوكي انو اليوم راح تروحي معاي لمكان.. جهزي روحك.. و جيبي سلاحك معاك اكيد "
ميرا " نقدر نعرف وين رايحين " يلتفت للسائق لي يخرج و فيدو أكياس تسوق كبيرة يقدمها ليها و يسترسل فالحديث
" من واش فالعلب راح تعرفي واش كاين.. عشيا راح يجي رضا يوصلك.. لازم تكوني جاهزة"
ميرا " أمرك سيدي"
سيرجيو " لكنها تحتاج فالحالة نزفت إبرة و لازم نكون معاها باه نحقنها" يبتسم جاد و يرد بهدوء " وقتها راح نتكفل أنا بالأمر.. انت عندك مهمة ثانية.. نظن خبروك عليها "
سيرجيو " نعم سيدي.. أمرك " يقلع السائق مجددا و ميرا تلتفت لسيرجيو مستغربة
ميرا " واش من مهمة يقصد"
سيرجيو " كاين بضاعة سلا. ح راهي جاية و أنا لازم نروح معهم نستلموها"
ميرا " موضوع خطير "
سيرجيو " أكيد.. المافيا كلها خطر.. واش كاين فالعلب " تفتح كيس تسحب منه العلبة تحطها بين يديه و تفتحها هي الأخرى تلقى فستان أبيض قصير جدا ( الصورة) ترفع حواجبها و تقول " وين نروح معاه بهاد الفستان " ترفع عينيها تقابل عيون سيرجيو المعلقة بالفستان و رجع قابل عينيها
سيرجيو" هادا واش ناوي يعمل"
ميرا " الظاهر أظهرت مهاراتي فالإغراء و النتيجة طلعت وخيمة" ارتجف حاجبه منزعج من توقعها خاصة كونو الأكثر منطقية
ميرا " مين راح يجيبلي إتصال مستعجل وقت يبدى الشخص الثاني يتحر.ش بيا" ينفعل وقتها بدون شعور منو " خلاص ميرا.. سمعيني حتى لو كان آدم نفسو تحرش بيك.. دافعي على نفسك.. و أنا مهما كان راح نوقف معاك و نحميكي.. لكن مرات لازم تكوني لوحدك و تعرفي تتصرفي"
ميرا " ما تخممش.. راح نقدر ندافع على روحي من أي رجل بهاد العالم.. تدريباتك ليا و المسلسلات لي راني نتفرجهم.. ماهمش بدون جدوى " أطلق سيرجيو ضحكة خفيفة على آخر جملة حكاتها و فشفش شعرها يحاول يخفي توتره.
سيرجيو " خلينا نروحو نعملو تدريب صغير قبل ما تروحي.
أنت تقرأ
أَوَلَـــــمْ نَتَّفِــــــقْ؟!♟️مَـا بَعْـدَ ڪَــسْڕِ الوعود♟️الجـزء 𝟐
Genel Kurgu♟️نتم في هذا الجزء أحداث الجزء الأول من رواية« أولـــم نـتـفـــــق؟!» تحت عنوان «أَوَلَــــــــــــمْ نَتَّفِــــــــــقْ؟! ♟️مَـا بَعْـدَ ڪَـــسْڕِ الوعود♟️» .. ما الذي حدث بعد هروب بطلتنا رفقة سيرجيو لقلب عصابة مافيا؟ تتغير الأحداث هنا حيث ستجد...
